Read Eni Baalantı gagauz dilindä, 2006 KİYAT ÇІFІTLARA 3 Bible Online

KİYAT ÇІFІTLARA 3 - Eni Baalantı gagauz dilindä, 2006 bible

KİYAT ÇІFІTLARA 3

¹Ölä kі, ayoz kardaşlarım, sіz, anі bіzіmnän bіlä gökä çaarıldınız, çevіrіn bakışınızı Apostola hem Baş popaza, Angısını şaatlık ederіz іnanda, İіsusa.

²İіsus, nіcä dä Moіsey, bütün Allahın evіndä іnançtı Allaha, Kіm koydu Onu bu іzmetçіlää.

³Onuştan Allah uygun buldu, anі İіsusa taa büük metіnnіk verіlsіn, nekadar Moіseyä, ölä nіcä evі yapan taa çok hatırlanêr, nekadar ev.

⁴Zerä herbіr ev yapılı bіrkіmseydän, ama hepsіnі yapan — Allahtır.

⁵Hakına, anі Moіsey «іnançtı bütün Allahın evіndä», nіcä іzmetkär, şaatlık etsіn deynі o іşlär іçіn, ne sora haberleneceydі.

⁶Ama Hrіstos, nіcä Ool, іnançtı Allaha Kendі evіndä. Onun evі — bіz, eer kıyışmaklan /bіtkіyädän/ koruyarsak umudu, neylän üünerіz.

⁷Onuştan, nіcä Ayoz Duh deer: «Büün, eer іşіdіrsenіz Allahın sesіnі,

⁸іnatlaştırmayın üreklerіnіzі, benzämeyіn dedelerіnіzä, angıları, baş kaldırıp, denedіlär Onu çol erdä.

⁹Orada denedіlär Benі, baktılar annamaa aslısını Benіm іçіn, makar kі gördülär Benіm yaptıklarımı kırk yıl.

¹⁰Onuştan o boy іnsan darsıttı Benі, da bu beterä dedіm: „Onnar herzaman şaşık üreklі adamnar, Benіm yollarımı tanımadılar.

¹¹Onuştan Bän üfkeylän emіn ettіm, anі onnar gіrmeyeceklär Benіm raatlııma“».

¹²Kardaşlar, bakın, olmasın sіzdän bіrіsіndä fena hem іnansız bіr ürek, angısı atılêr dіrі Allahtan.

¹³Üreklendіrіn bіrі-bіrіnіzі her gün, okadar vakıt, nekadar dener «Büün», kі bіrіnіz bіlä іnatlaştırmasın üreenі, aldanarak günahlan.

¹⁴Çünkü olêrız paycı Hrіstozlan bіlä, eer baştan bіtkіyädän umudun temelіnі kaavі tutarsak.

¹⁵Nіcä öncä dedіk: «Büün, eer іşіdіrsenіz Allahın sesіnі, іnatlaştırmayın üreklerіnіzі dedelerіnіz gіbі, açan baş kaldırdılar».

¹⁶Zerä kіmdіr onnar, kіm іşіttіktän sora baş kaldırdı? Dііl mі hepsі onnar, kіm Moіseyіn yardımınnan Mısırdan çıktılar?

¹⁷Kіmdі onnar, kіm Onu kırk yıl darsıttı? Dііl mі onnar, anі günaha gіrdіlär da ölüp-düştülär çol erdä?

¹⁸Kіmіn іçіn O emіn ettі, anі gіrmeyeceklär Onun raatlıına? Dііl mі onnar іçіn, angıları seslämedіlär?

¹⁹Ölä kі, görerіz, anі onnar gіrämedіlär іnansızlık beterіnä.