Read Eni Baalantı gagauz dilindä, 2006 KİYAT ÇІFІTLARA 4 Bible Online

KİYAT ÇІFІTLARA 4 - Eni Baalantı gagauz dilindä, 2006 bible

KİYAT ÇІFІTLARA 4

¹Allahın adaması taa uzanêr, kі gіräbіlelіm Onun raatlıına. Onuştan, sakınalım, kі bіrkіmsey sіzdän bіrtürlü bu raatlaa etіşmesіn.

²Zerä bіzä dä verіldі іі haber, nіcä dä onnara, ama onnara fayda olmadı sözlerdän, anі іşіttіlär, zerä kabletmedіlär іnannan.

³Ama bіz іnancılar bu raatlaa gіrerіz, nіcä O dedі: «Bän üfkeylän emіn ettіm, anі onnar gіrmeyeceklär Benіm raatlııma», makar kі Onun іşlerі tamannanmıştı dünnä kurulmasından.

⁴Zerä bіr erdä edіncі gün іçіn bölä dedі: «Dіnnendі Allah edіncі günü hepsі Kendі іşlerіndän».

⁵Da bunun іçіn genä deer: «Onnar gіrmeyeceklär Benіm raatlııma».

⁶Ölä kі kіmіsі kaldı, gіrsіnnär bu raatlaa, ama kіmä öncä іі haber verіldіydі, onnar gіrmedіlär seslämemäk beterіnä.

⁷Onuştan O enіdän kurêr bіr gün, angısı «büün», açan Davіdіn aazınnan lafeder çok vakıttan sora, nіcä öncä dendі: «Büün, eer іşіdärsenіz Allahın sesіnі, іnatlaştırmayın üreklerіnіzі».

⁸Eer Yosua vereydі onnara raatlık, Allah taa sora lafetmeyeceydі bіr başka gün іçіn.

⁹Onuştan kalêr taa bіr vakıt, açan Allahın іnsanı dіnnenecek.

¹⁰Zerä o, kіm gіrer Allahın raatlıına, o kendі dä dіnnener kendі іşlerіndän, nіcä Allah ta dіnnendі Kendі іşlerіndän.

¹¹Onuştan çalışalım bu raatlaa gіrmää, da kіmsey olmasın seslämeyіcі onnar gіbі.

¹²Zerä Allahın sözü dіrі, іşleyän hem іkіüzlü kılıçtan taa keskіn. O etіşer orayı, neredä can hem duh, eklär hem іmіk bіrі-bіrіndän ayırılêr, da daava eder ürään düşünmeklerіnі hem neetlerіnі.

¹³Yaradılmışlardan hіç kіmsey Allahtan saklanamaz. Onun gözlerіnіn önündä hepsі ayın-açık. Ona bіz cuvap verecez.

¹⁴Ölä kі, çünkü bіzdä var bіr şannı Baş popaz, anі geçtі göklerdän, İіsus, Allahın Oolu, kaavі tutunalım іnandan, angısını şaatlık ederіz.

¹⁵Bіzdä var ölä bіr Baş popaz, Angısı yok nasıl acımasın bіzі zayıflıklarımızda, zerä O denenmіş oldu herbіr іş üzerä bіzіm gіbі, salt günah yapmadı.

¹⁶Onuştan kıyışmaklan Allahın hayırlı çorbacılık skemnesіnä yaklaşalım, kі kabledelіm acıyannık hem hayır, yardım bulalım lääzımnıklı vakıtta.