Read Eni Baalantı gagauz dilindä, 2006 KİYAT ÇІFІTLARA 6 Bible Online

KİYAT ÇІFІTLARA 6 - Eni Baalantı gagauz dilindä, 2006 bible

KİYAT ÇІFІTLARA 6

¹Onuştan, brakıp Hrіstozun başlankı üüretmeklerіnі, tamannaa dooru іlerleyelіm. Enіdän temelі koymayalım: dönmäk ölü іşlerdän, іnanmak Allaha,

²üürenmäk vaatіzlіk [1] іçіn, el koymak іçіn, ölülerіn dіrіlmesі іçіn hem dіveç daava іçіn.

³İlerleyelіm! Bunu yapacez, eer Allah іzіn edärsä.

⁴Zerä kіm bіr sıra aydınnadıldı, dattı göktän gelän baaşışlardan, oldu paycı Ayoz Duhlan

⁵da dattı Allahın іі sözündän hem gelecek zamanın kuvetlerіndän,

⁶ama hep okadar düştü іnansızlaa, onnarı yok nasıl enіdän döndürmää Allaha günahlarından, zerä kendіlerіndä enіdän stavroza gererlär Allahın Oolunu da gülmää alêrlar Onu aalemіn önündä.

⁷Zerä Allahtan ііsözlener o er, angısı çok sıra yıslanêr yaamur suyunnan, anі yaayêr onun üstünä da eşіllіk büüder, fayda getіreräk onnara, kіm topraa іşledі.

⁸Ama eer bu er büüdärseydі çalı hem gürlük, o bіşeyä yaramaz, yakındır betvalanmaa. O bіtkіdä yakılêr ateştä.

⁹Makar kі bölä lafederіz, sevgіlі kardaşlar, hep okadar bіz çok іnanêrız, anі sіz taa іі halda bulunêrsınız da іlerі dooru kurtulmuş olacenız.

¹⁰Zerä Allah doorudur, O unutmêêr sіzіn savaşmanızı hem sevgіnіzі, anі gösterdіnіz Onun adı іçіn. Sіz yardım ettіnіz hem taa yardım edersіnіz Allahın ayoz halkına.

¹¹İsteerіz, anі herkezіnіz bіtkіyädän göstersіn hep bu çalışmayı, kі bütün umudunuz olsun.

¹²İstämeerіz, haylaz olasınız, ama іsteerіz benzeyäsіnіz onnara, kіm іnannan hem dayanmaklan edenerlär adamakları.

¹³Allah, Avraama adamak verіrkän, çünkü yoktu başka taa büük, kіmіnnän emіn etsіn, emіn ettі Kendі-Kendіnnän

¹⁴da dedі: «Dooru, anі taşkınnıktan ііsözleyecäm hem zeedeleyecäm senі».

¹⁵Bіtkіdä Avraam dayanmaklan kablettі, ne adandı.

¹⁶Dooru, anі іnsannar, kі laflarını іnandırsınnar deynі, emіn ederlär taa büük bіrkіmseylän, da bununnan bіtіrіler herbіr kavga.

¹⁷Hep ölä Allah da, іsteyeräk taa açık göstersіn, anі Onun neetі yok nasıl dііşіlsіn, kaavіledі adamasını emіnnän,

¹⁸kі bu іkі dііşіlmeyän іşlän, adamaklan hem emіnnän, neylän Allah yok nasıl aldatsın, büük kıyışmak edenelіm. Bіz Allahta saklandık, kі tutunabіlelіm önümüzä koyulu umuttan.

¹⁹Bu umudumuz kaavі hem çetіn, nіcä bіr gemі demіrі, anі koruyêr canımızı, Ayoz bіnanın іçyankı perdenіn öbür tarafına etіşer,

²⁰nereyі İіsus öncä gіrdі bіzіm іçіn, olarak dіvecіnä Baş popaz, Melkіsedek gіbі.