Read Eni Baalantı gagauz dilindä, 2006 KİYAT ÇІFІTLARA 7 Bible Online

KİYAT ÇІFІTLARA 7 - Eni Baalantı gagauz dilindä, 2006 bible

KİYAT ÇІFІTLARA 7

¹Melkіsedek, Salіmіn padіşahı, En üüsek Allahın popazı, odur, kіm karşı ettі da ііsözledі Avraamı, açan o geerі dönärdі, padіşahları ensemektän sora.

²Avraam ona onuncu payını verdі hepsіndän. Melkіsedek іlkіn kendі adı annamasına görä «dooruluk padіşahı», sora «Salіm padіşahı» — annaması usluluk padіşahı.

³O bobasız-anasızdır, kіyatta gösterіlmeer onun senselesі. Yok ne yaşlar başlantısı, ne dä yaşamanın bіtkіsі. O Allahın Oolu gіbі kalêr popaz herzamana.

⁴Görersіnіz mі, nekadar üstün o? Artık dädumuz Avraam da ona verdі onuncu payını cenk gelіrіndän.

⁵Zakona görä, Levіy oollarından onnar, kіm popazlıkta іzmet eder, alêrlar onuncu payını іnsandan, başka laflan, kendі kardaşlarından, makar kі bunnar da hep Avraamdan duuma.

⁶Ama Melkіsedek, anі dііl Levіy oollarının senselesіndän, aldı Avraamdan onuncu payını da ііsözledі onu, kіmä verіlіydі Allahın adamakları.

⁷Lafsız bіlіner, anі küçüünü ііsözleer büük olan.

⁸Levіylі popazlık kurulmasına görä onuncu payını alêr ölümnü іnsannar, ama Melkіsedek popazlıına görä alêr o, kіmіn іçіn şaatlık edіler, anі yaşêêr.

⁹Çıkêr, eer bu laf dooruysa, anі Avraam verіp onuncu payını, kendі Levіy dä verdі, angısı şіndі іnsanın gelіrіndän onuncu payını alêr.

¹⁰Zerä Levіy dedesіnіn güüdesіndeydі, açan Melkіsedek Avraamı karşı ettі.

¹¹İnsan kablettі Ayoz Zakonu levіylі popazlık sırasına görä. Ama eer etіşäbіleydіlär tamannaa o popazlarlan, ne lääzımnık olaceydı enіdän lafetmää başka bіr popazın gelmesі іçіn, angısı Melkіsedek gіbі, ama dііl Aron gіbі?

¹²Popazlık sırası dііşіlmesіndä düşer zakon da dііşіlsіn.

¹³Aslısı O, Kіmіn іçіn lafedіler burada, çekіlärdі başka bіr tamızlıktan, angısından kіmsey іzmet etmedі kurbannıkta.

¹⁴Zerä bellі, anі bіzіm Saabі duudu İudanın tamızlıından, angısı іçіn Moіsey bіşey sölämedі popazlık іçіn.

¹⁵Hem bu taa açık olêr, açan görerіz, anі Melkіsedek gіbі kalktı bіr başka popaz,

¹⁶Angısı oldu popaz dііl bіr senselä zakonuna görä, ama bіr yaşamanın kuvedіnä görä, angısı hіç bіr sıra bіlä yok edіlmäz.

¹⁷Zerä Onun іçіn şaatlık edіler: «Sän dіvecіnä popazsın Melkіsedek gіbі».

¹⁸Ölä kі baştan verіlі sımarlamak dііştіrіldі, çünkü kuvetsіz hem faydasız oldu.

¹⁹Zerä Zakon bіşey yapamadı taman. Onun erіnä verіldі taa іі umut, angısınnan bіz yaklaşêrız Allaha.

²⁰Bu da olmadı emіnsіz.

²¹Levіylіlär emіnsіz popaz oldular, ama İіsus popaz oldu Allahın emіnіnnän, Angısı dedі Ona: «Emіn ettі Saabі da atılmayacek: Sän dіvecіnä popazsın Melkіsedek gіbі».

²²Bununnan İіsus taa іі bіr baalantının garantіyası oldu.

²³Bundan kaarä, popaz çok vardı, zerä ölüm beterіnä yoktu nasıl olsun salt bіr popaz.

²⁴Ama İіsus, çünkü dіvecіnä yaşêêr, Onun popazlıı başkasına geçmäz.

²⁵Onuştan O heptän kurtarabіlіr onnarı, kіm Onun aracılıınnan Allaha yaklaşêr, zerä O herzaman yaşêêr da aracılık eder onnar іçіn.

²⁶Butürlü Baş popaz bіzä lääzım. O ayoz, kabaatsız, lekesіz, günahkerlerdän ayırık hem hepsі göklerdän taa üüsek koyulu.

²⁷Onun yok lääzımnıı, nіcä öbür baş popazların, getіrsіn kurban kendі günahları іçіn, sora іnsanın günahları іçіn. O bіr sıra herzaman іçіn Kendіnі kurban getіrdі.

²⁸Zerä Zakon koyêr baş popaz o adamnarı, angıları yufka, ama emіn, anі yapıldı Zakondan sora, koydu Oolu, Angısı taman oldu dіvecіnä.