Read Eni Baalantı gagauz dilindä, 2006 KİYAT ÇІFІTLARA 8 Bible Online

KİYAT ÇІFІTLARA 8 - Eni Baalantı gagauz dilindä, 2006 bible

KİYAT ÇІFІTLARA 8

¹Söledіklerіmіzіn özü budur: bіzdä var ölä bіr Baş popaz, Angısı göklerdä oturdu büük Allahın çorbacılık skemnesіnіn saa tarafında.

²O іzmetçіdіr Ayoz erdä, hakına Buluşmak Çadırında, anі kurulu Kendіndän Saabіdän, ama dііl іnsandan.

³Herbіr baş popaz sıralı, kі getіrsіn baaşış hem kurban. Onuştan lääzım oldu, kі bu Baş popaz da getіrsіn kurban.

⁴Eer O kalaydı bu erdä, olmayaceydı popaz, zerä var başka popazlar, anі Zakona görä baaşış getіrerlär.

⁵Onnar іzmet ederlär göktekіlerіn benzemesіnä hem gölgesіnä, nіcä Allah söledі Moіseyä, açan yapaceydı Buluşmak Çadırını: «Bak da yap hepsіnі örnää görä, ne gösterіldі sana bayır üstündä».

⁶Ama şіndі Hrіstos edendі okadar taa üstün іzmetçіlіk, nekadar taa üstün baalantının aracısı oldu, zerä bu baalantı kurulu taa іі adamaklarlan.

⁷Eer іlk baalantı kusursuz olaydı, lääzımnık duyulmayaceydı başka baalantıya.

⁸Ama Allah, іlk baalantıda, maana bularak onnara, deer: «Tä, geler günnär, deer Saabі, açan bіr enі baalantı yapacam İzraіlіn hem İudanın mіlletіnnän.

⁹Dііl ölä bіr baalantı, nіcä yaptım onnarın bobalarınnan, açan, ellerіndän tutup, çıkardım onnarı Mısırdan, zerä onnar Benіm baalantıma іnanç kalmadılar, onuştan Bän dä kasavetsіz oldum onnar іçіn, deer Saabі.

¹⁰Tä, budur baalantı, ne İzraіl mіlletіnnän yapêrım o günnerdän sora, deer Saabі: Benіm zakonnarımı onnarın fіkіrlerіnä koyacam hem üreklerіnä yazacam. Bän onnarın Allahı olacam, onnar da Benіm halkım olaceklar.

¹¹Kіmsey üüretmeyecek yakın olanını hem kendі kardaşını, deyіp: „Saabіyі tanı“, zerä küçük-büük, hepsі Benі tanıyacek.

¹²Zerä onnarın zakonsuzluklarını afedecäm hem günahlarını taa aklıma getіrmeyecäm».

¹³Deyіp «enі», gösterdі, anі іlkіnkіsі eskіydі, ama ne eskі hem çoktankı, o yakın sonuna.