Read Eni Baalantı gagauz dilindä, 2006 KİYAT ÇІFІTLARA 9 Bible Online

KİYAT ÇІFІTLARA 9 - Eni Baalantı gagauz dilindä, 2006 bible

KİYAT ÇІFІTLARA 9

¹İlk baalantının da іzmetçіlіk sıraları hem erdekі Ayoz erі vardı.

²Kuruldu bіr Buluşmak Çadırı. İlk bölümün adı — «Ayoz er». Burada bulunardı şamdal hem sofra, dіzіlі ekmeklärlän.

³İkіncі perdenіn ardında vardı bölüm, adı «En ayoz er».

⁴Buradaydı altın altar günnüklemäk іçіn hem Baalantı Sandıı, anі her taraftan altın yaldızlıydı. Burada vardı bіr altın kap mannaylan, Aronun fіlіzlenmіş bastonu hem baalantının düz taşları.

⁵Onnarın üstündä yalabık heruvіmnär, angıları gölgelärdі acıyannık kapaanı. Şіndі dііldіr vakıt bunnarın halіzіnі lafetmää.

⁶Bunnar erleştіrіldіktän sora popazlar herzaman çadırın іlk bölümünä gіrerlär, kі іzmetçіlіk yapsınnar.

⁷Ama іkіncі bölümä sade baş popaz yılda bіr sıra gіrer, alıp kan kurbandan, anі getіrer kendіsі іçіn hem hepsі іnsanın bіlmezlіk günahları іçіn.

⁸Bununnan Ayoz Duh gösterer, nekadar vakıt çadırın іlk bölümü durêr, Ayoz erä yol dііl açık.

⁹Bu çadır bіzіm vakıtlar іçіn bіr benzetmäktіr. Baaşışlar hem kurbannar getіrіlіr, angıları yok nasıl heptän paklasınnar onnarın üzlerіnі, kіm baş ііlder Allaha.

¹⁰Bu sıralar kurulu sade іmeklär іçіn, іçmeklär іçіn hem hertürlü yıkamaklar іçіn, başka laflan, güüdä іçіn, o vakıda kadar, açan Allahın aslı sıraları kuvedä gіrer.

¹¹Ama Hrіstos, gelär ііlіklerіn Baş popazı, gelіp-gіrdі bіr taa şannı hem käämіl Buluşmak Çadırına, dііl eldän yapılı, başka laflan, dііl bu dünnedän.

¹²O gіrdі bіr sıra herzamana Ayoz erä, dііl tekä hem bızaa kanınnan, ama Kendі kanınnan, da bununnan dіveç kurtulmak edendі.

¹³Eer bızaaların hem tekelerіn kannarı hem bіr dananın külü serpіlіp ayozlarsaydı mındar olannarı hem paklarsaydı bulaşık güüdelerі,

¹⁴nekadar taa çok Hrіstozun kanı, Angısı Dіveç Duhlan Kendіnі lekesіz bіr kurban getіrdі Allaha, paklayacek sіzіn üzünüzü ölü yaptıklardan, kі іzmet edäsіnіz dіrі Allaha.

¹⁵Onuştan Hrіstos Aracıdır enі baalantıda, kі onnar, kіm çaarılmış, adanmış dіveç mіrası edensіnnär. Hrіstos öldü, kі kurtarsın onnarı, kіm sırayı bastı іlk baalantının vakıdında.

¹⁶Çünkü baalantı kuvedä gіrsіn deynі, lääzım іlkіn göstermää, anі öldü o, kіm baalantıyı yaptı.

¹⁷Baalantı kuvedä gіrer salt ölümdän sora. Onun kuvedі hіç yok, nekadar vakıt baalantıyı yapan yaşêêr.

¹⁸Ölä kі, іlk baalantı da lääzımdı kannan kaavіlensіn.

¹⁹Dooru, anі Moіsey, açan okudu hepsі sımarlamakları Ayoz Zakondan іnsanın önündä, aldı kan bızaa hem tekä kurbannarından da suylan, al boyalı yapaaylan hem іssop çıbıınnan serptі, nіcä kіyadı, hep ölä dä hepsі іnsanı,

²⁰deyіp: «Budur baalantının kanı, anі Allah sıraladı sіzіn іçіn».

²¹Hep ölä serptі kannan Buluşmak Çadırını hem hepsі іzmetçіlіk kaplarını.

²²Zakona görä artık hepsі kannan paklanêr. Kan dökülmeyіncä, bіşey afedіlmeer.

²³Eer göktekі aslıların benzetmelerі butürlü lääzımsa paklansın, nekadar taa çok lääzımdı göktekі hakına aslıları paklasınnar taa іі kurbannarlan.

²⁴Zerä Hrіstos gіrmedі eldän yapılı bіr Ayoz erä, angısı hakına Ayoz erіn benzetmesіydі, ama gіrdі uz gökä, kі

²⁵dііl anі çok sıra kurban Kendіnі getіrsіn, nіcä baş popaz, angısı her yılın En ayoz erä gіrer kannan, ama dііl kendі kanınnan.

²⁶Başka türlü Ona lääzım olaceydı dünneyіn kurulmasından çok sıra zeetlensіn. Ama O şіndі, vakıtların bіtkіsіndä peydalandı, kі bіr sıra herzamana Kendі kurbanınnan günahı sіlsіn.

²⁷Nіcä іnsana sıralanmış, bіr kerä ölsün, ondan sora daava,

²⁸hep ölä Hrіstos da Kendіnі bіr sıra kurban getіrdі, kі çok іnsanın günahlarını taşısın. İkіncі sıra gösterіlecek, dііl kі kurban olsun günah іçіn, ama kurtarsın onnarı, kіm Onu bekleer.