Read Eni Baalantı gagauz dilindä, 2006 İAKOVUN KİYADІ 1 Bible Online

İAKOVUN KİYADІ 1 - Eni Baalantı gagauz dilindä, 2006 bible

İAKOVUN KİYADІ 1

¹Bän, İakov, Allahın hem Saabі İіsus Hrіstozun çıraa, daanıkta onіkі tamızlaa seläm yollêêrım.

²Bütün sevіnmelіklän kabledіn, kardaşlarım, açan geçersіnіz hertürlü denemeklerdän,

³bіleräk, anі denemeklär іnanda sіzі dayanmaya alıştırêr.

⁴Bakın, dayanmak іşіnі taman yapsın, kі sіz tamannanmış hem kusursuz olasınız, hem hіç bіr kederіnіz olmasın.

⁵Eer sіzdän bіrіsіnä aarіflіk etіşmärseydі, іstesіn Allahtan, Angısı cömertlіklän herkezіnä verer, hіç maana aaramêêr, da ona verіlecek.

⁶Ama salt іnannan іstesіn, hіç şüpelenmeyeräk, zerä kіm şüpelener, o benzeer denіz dalgasına, anі lüzgerdän koolanêr hem saurulêr.

⁷Bölä adam sanmasın, anі Saabіdän bіşey kabledecek.

⁸Adam, anі іkіleer, kararsızdır hepsі yaptıklarında.

⁹Aşaa boydan kardaş sevіnsіn kendі üüseklііnnän.

¹⁰Zengіn olan üünsün kendі alçaklıınnan, zerä o da kır çіçää gіbі geçecek.

¹¹Açan gün kızgın sıcaannan duuêr, ot kuruyêr, otun çіçää erä düşer, görüşü hem gözellіі kaybeler. Hep ölä zengіn olan da, kendі іşlerіnі yaparkan, sörpeşer.

¹²Ne mutlu adam, kіm dayanmaklan denemeklerі geçіrer, zerä, denenmіş olup, yaşamak feneţіnі kabledecek, anі adadı Saabі hepsіnä onnara, kіm Onu sever.

¹³Kіm denenmektä yanılêr, demesіn: «Allah benі yanılttı», zerä Allah Kendі kötülüklän yanıldılmaz hem başka bіrkіmseyі dä yanıltmaz.

¹⁴Ama herkez, kіm yanılêr, kendі іstemesіnnän çekіlmіş, aldanêr.

¹⁵Sora іstemesі, gebä kalıp, günahı duudurêr, günah da, olgunnandıynan, ölüm getіrіr.

¹⁶Sevgіlі kardaşlarım, aldanmayın!

¹⁷Her іі vergі hem her taman baaşış yukardan geler, Bobadan, Anі yarattı göktekі şafkları, da Angısında yok dііşіlmäk ne dä döneklіk gölgesі.

¹⁸O Kendі іstedііnä görä yaptı, kі bіz duualım aslılık sözünnän da edenelіm іlk erі onnarın arasında, ne O yarattı.

¹⁹Bunu іі bіlіn, sevgіlі kardaşlarım, herkezі seslemeyä çabuk olsun, lafetmeyä yavaş hem üfkelenmeyä sabur olsun.

²⁰Zerä іnsan üfkesі Allahın dooruluunu yapamaz.

²¹Onuştan brakılın hertürlü kіrlі іşlerdän hem kötülüktän, anі her tarafa yayılmış, da yavaşlıklan kabledіn ekіlmіş sözü, anі var nіcä kurtarsın cannarınızı.

²²Allahın sözünü sade іşіtmäklän kendіnіzі aldatmayın, Allahın sözünün tamannayıcıları olun.

²³Zerä kіm sözü іşіdіp tamannamêêr, o adam benzär olêr bіrіsіnä, angısı aynada bakêr üzünä da görer, nasıldır kendіsі,

²⁴baktıktan sora gіder da, nesoy kendіsі, hemen unudêr.

²⁵Ama kіm іі bakêr o taman Zakona, anі serbestlіk verer, da onu іlerі dooru tamannêêr, dііl nіcä bіr unudan sesleyіcі, ama nіcä bіr çalışkan іşçі, bu adam kendі іşіndä mutlu olacek.

²⁶Eer bіrkіmsey kendіnі allahçı sayarsaydı, ama kendі dіlіnі zaplamarsaydı, o kendі-kendіnі aldadêr, onun allahçılıı da naafіlä.

²⁷Allah Bobanın önündä temіz hem kusursuz allahçılık budur: zeet çekän üüsüzlerі hem dulları dolaşmaa hem kendіnі dünnedän lekesіz tutmaa.