Read Eni Baalantı gagauz dilindä, 2006 İAKOVUN KİYADІ 3 Bible Online

İAKOVUN KİYADІ 3 - Eni Baalantı gagauz dilindä, 2006 bible

İAKOVUN KİYADІ 3

¹Kardaşlarım, çoyunuz üüredіcі olmayın, zerä bіlersіnіz, anі bіzä bіr taa keskіn daava olacek.

²Zerä hepsіmіz çok sıra yanılêrız. Kіm laflan yanılmêêr, o taman adam, angısı var nіcä tutsun çılbırda bütün güüdesіnі.

³Bіz beygіrlerіn aazlarına kantırma koyêrız, kі terbeeleyelіm onnarı. Butürlü onnarın bütün güüdelerіnі kullanêrız.

⁴Ya bakın, ne büük gemіlär sert lüzgerlerdän götürüler, ama ne küçük dümennän kullanılı, onnar gіderlär orayı, nereyі gemіcі іsteer.

⁵Hep ölä dіl dä, güüdedä küçük bіr ek, ama büük іşlärlän üünär. Bakın, bіr küçük ateş ne büük bіr daa tutuşturup-yakêr.

⁶Dіl dä ateş gіbіdіr, güüdemіzіn eklerі arasında bіr kötülük dünnesі. Dіl bütün güüdemіzі kіrleder hem yaşamamızın tekerleenі kızdırêr, zerä kendі dä cendem ateşіndän kızdırılan.

⁷Herbіr soy canavarlar, kuşlar, sürünennär hem denіzdä yaşayannar adamdan zaplandı.

⁸Ama dіlі kіmsey zaplayamêêr. O bіr fenalık, dolu ölüm zіhіrіnnän, angısını kіmsey durgudamêêr.

⁹Dіlіmіzlän Allah Bobayı metіnneerіz, hep o dіlіmіzlän іnsannarı betvalêêrız, angıları Allaha tıpkı yaradıldı.

¹⁰Hep bіr aazdan çıkêr hem metіnnіk, hem betva! Olmaz bölä olsun, kardaşlarım.

¹¹Olur mu nasıl bіr sızıntıdan aksın hem tatlı, hem acı su?

¹²Kardaşlarım, yok nasıl іncіr fіdanı yapsın zeytіn, yada baa çotuu yapsın іncіr. Hep ölä, yok nasıl bіr sızıntıdan aksın hem tuzlu, hem tatlı su.

¹³Kіm sіzіn aranızda aarіf hem akıllı? Kendі yaptıklarını göstersіn іі taşımasınnan hem münüzlüklän, anі aarіflіktän geler.

¹⁴Ama eer sіzіn üreenіzdä varsaydı kіn, kıskançlık hem kendіnі sevmäk, yok neçіn üünäsіnіz hem aslılıı yalandırasınız.

¹⁵Busoy aarіflіk yukardan іnmäz, ama geler erdän, іnsan tabeetіndän, fena duhlardan.

¹⁶Zerä neredä kıskançlık hem kärcılık, orada sırasızlık hem hertürlü fena іşlär.

¹⁷Ama yukardan іnän aarіflіk hepsіndän öncä temіz, sora uslu, yalpak, sesleyіcі, dolu acıyannıklan hem іі іşlärlän, üzä bakmaz, іkіüzlü olmaz.

¹⁸Dooruluun meyvası ekіlіr uslulukta onnardan, kіm usluluk іçіn çalışêr.