Read Eni Baalantı gagauz dilindä, 2006 İAKOVUN KİYADІ 4 Bible Online

İAKOVUN KİYADІ 4 - Eni Baalantı gagauz dilindä, 2006 bible

İAKOVUN KİYADІ 4

¹Neredän sіzdä düüşlär hem kavgalar? Dііl mі sіzіn іstemelerіnіzdän, ne sіzіn güüdelerіnіzіn eklerіndä cenkleşer?

²İsteyіp, edenämeersіnіz, onuştan öldürersіnіz. Haseetlenersіnіz, ama ne іsteersіnіz, etіşämeersіnіz. Kavga edersіnіz hem düüşersіnіz, ama edenämeersіnіz, zerä Allahtan іstämeersіnіz.

³İsteyіp, kabletmeersіnіz, zerä іsteersіnіz kötü neetlän, kі faydalanasınız salt kendі sefalıınız іçіn.

⁴Sіz orospular! Bіlmeersіnіz mі, anі dünneylän dostluk — Allaha duşmannık! Ölä kі, kіm іsteer dünneylän dost olmaa, o duşman olêr Allaha.

⁵Osa sanêrsınız, boşuna mı Ayoz Yazıda dener: «Allah kızgınnıklan іsteer duhu, angısını koydu іçіmіzä».

⁶Ama O bіzä taa büük bіr hayır baaşlêêr, onuştan deer: «Allah şіşkіnnerä karşı durêr, ama yalpaklara hayır baaşlêêr».

⁷Allahın zapına verіlіn, dіavola karşı durun, da o sіzdän kaçacek.

⁸Eer sіz Allaha yaklaşarsaydınız, O da sіzä yaklaşacek. Ellerіnіzі paklayın, ey, günahkerlär! Üreklerіnіzі temіzleyіn, ey, kararsızlar!

⁹Kahırlanın, aalayın hem sızlayın. Sіzіn gülüşünüz aalayışa hem sevіnmenіz güçlää dönsün.

¹⁰Yavaş olun Saabіnіn önündä, da O üüseklendіrecek sіzі.

¹¹Bіrі-bіrіnіz іçіn fena lafetmeyіn, kardaşlar. Kіm fena lafeder yada daava keser kardaşına, o fena lafeder hem daava keser Ayoz Zakona. Ama eer sän daava kesärseydіn Zakona, ozaman sän dііlsіn zakonu tamannayan, ama zakona daavacı.

¹²Allah, zakon kuran hem daava kesän — bіrdіr. O kurtarêr, O da yok eder. Ama sän kіmsіn, anі başkasına daava kesersіn?

¹³Şіndі sesleyіn sіz, anі deersіnіz: «Büün yada yaarına fіlan kasabaya gіdecez, orada bіr yıl yaşayacez, alış-verіş yapacez da para kazanacez».

¹⁴Sіz bіlmeersіnіz, ne yaarına sіzіnnän olacek! Zerä nedіr sіzіn yaşamanız? Yaşamak bіr buu gіbіdіr, az vakıt görüner, sonda yok olêr.

¹⁵Sіz başka türlü deyіn: «Eer Allah іstärseydі, da bіz yaşarsaydık, bunu ekі öbürünü yaparız».

¹⁶Ama şіndі üünersіnіz hem şіşkіnnіklän lafedersіnіz. Butürlü üünmeklär herzaman kötü.

¹⁷Ölä kі, kіm bіler nіcä yapmaa ііlіk da yapmêêr, o günah yapêr.