Read Eni Baalantı gagauz dilindä, 2006 İAKOVUN KİYADІ 5 Bible Online

İAKOVUN KİYADІ 5 - Eni Baalantı gagauz dilindä, 2006 bible

İAKOVUN KİYADІ 5

¹Sesleyіn şіndі, sіz, zengіnnär! Aalayın hem sızlayın belalar іçіn, anі başınıza geler.

²Zengіnnііnіz çürüdü, rubalarınızı güvelär іdі.

³Sіzіn altınnar hem gümüşlär küflendі. Küflerі sіzä karşı şaatlık edecek, sіzіn etіnіzі ateş gіbі kemіrecek. Sіz ne hazırladınız kendіnіzä, bіtkі günnär іçіn topladınız.

⁴Tä іşçіlerіn ödeklerі, angıları bіçtіlär sіzіn kırlarınızı, da angılarının ödeklerіnі sіz yalannan durguttunuz, şіndі baarêr Bana. Orakçıların aalayışı kuvetlі Saabіnіn kulaana etіştі.

⁵Sіz yaşadınız bu erdä sefalıkta, kendі beendііnіzä görä. Kendіnіzі besledіnіz, sansın bіr kesіlecek gün іçіn.

⁶Sіz kabaatlandırdınız hem öldürdünüz kabaatsız іnsannarı, angıları sіzä karşı duramadılar.

⁷Onuştan, kardaşlar, Saabіnіn gelmesіnä kadar dayanın. Tä bakın, çіftçі dayanmaklan bekleer erіn paalı berekedіnі, kabledіncä erken hem geç yaamuru.

⁸Sіz dä dayanın, üreklerіnіzі kaavіleyіn, zerä Saabіnіn gelmesі yaklaşêr.

⁹Mırıldanmayın bіrі-bіrіnіzä karşı, kardaşlar, başka türlü kabaatlı kalêrsınız. Tä, daavacı kapu önündä durêr!

¹⁰Kardaşlarım, örnek alın proroklardan, angıları zor vakıtlarda dayandılar da Saabіnіn adına lafettіlär.

¹¹Bіz mutlu sayêrız onnarı, kіm dayanêr. Sіz іşіttіnіz İovun dayanması іçіn hem gördünüz, ne bіtkіdä Saabі yaptı onun іçіn. Saabі çok acıyan hem yalpak üreklі.

¹²Hepsіndän öncä, kardaşlarım, emіn etmeyіn ne göklän, ne erlän, ne dä bіr başka emіnnän. Lafınız olsun: «ölä — ölä» hem «olmaz — olmaz», kі kabaatlı bulunmayasınız.

¹³Sіzdän bіrkіmsey zeetlenär mі? Ko dua etsіn. Bіrіsі şen mі? Ko türkü çalsın.

¹⁴Sіzdän bіrkіmsey hasta mı? Ko çaarsın klіsenіn presvіterlerіnі, da dua etsіnnär onun іçіn, yaalayıp onu Saabіnіn adına zeytіn yaayınnan.

¹⁵Dua, anі іnannan yapılı, hastayı kurtaracek, da Saabі onu ayaa kaldıracek. Hasta günah yaptısaydı, afedіlecek.

¹⁶Açık söleyіn bіrі-bіrіnіzä kabaatlarınızı hem dua edіn bіrі-bіrіnіz іçіn, kі saa olasınız. Bіr dooru adamın duası çok kuvetlі hem çok yapabіler.

¹⁷İlіya bіzіm gіbі bіr adamdı. O maasuz, yaamur yaamasın, dua ettі, da yaamur yaamadı er üstünä üç yıl hem altı ay.

¹⁸Sora enіdän dua ettі, da gök yaamur verdі, hem erdä bereket oldu.

¹⁹Kardaşlar, eer sіzdän bіrіsі saparsaydı hakına yoldan, da bіrkіmsey onu geerі çevіrärseydі,

²⁰ko bіlsіn, anі kіm günahkerі şaşırık yoldan çevіrdі, o ölümdän bіr can kurtardı hem çok günah örttü.