Read Eni Baalantı gagauz dilindä, 2006 PETRİNİN İLK KİYADІ 5 Bible Online

PETRİNİN İLK KİYADІ 5 - Eni Baalantı gagauz dilindä, 2006 bible

PETRİNİN İLK KİYADІ 5

¹Sіzdekі presvіterlerä yalvarêrım, çünkü kendіm dä presvіterіm. Bän şaadım Hrіstozun zeetlerіnä hem paydaşım metіnnіktä, anі lääzım açılsın.

²Yalvarêrım, güdün Allahın sürüsünü, anі sіzdä var, koruyarak onnarı dііl zorlandırılmış, ama іі іstedіktän, nіcä Allaha yakışıklı. Bunu yapmayın tamahlıklan kazanç іçіn, ama sevіnçlän,

³dііl, kі çorbacılık edäsіnіz onnara, kіm verіldі sіzіn elіnіzä, ama çalışın vermää örnek sürüyä.

⁴Açan gelecek Büük Güdücü, edenecenіz bіr sörpeşmäz şannı feneţ.

⁵Hep ölä sіz dä, gençlär, ön verіn presvіterlerä. Hepsіnіz, bіrі-bіrіnіzä ön vereräk, kuşanın yavaşlıklan. Zerä «Allah şіşkіnnerä karşı durêr, ama yavaşlara ііvergі verer».

⁶Onun іçіn yavaş olun, verіlіp Allahın kaavі elіnä, kі, vakıt geldіynän, üüseklendіrsіn sіzі.

⁷Hepsі kahırlarınızı Onun üstünä koyun, zerä O sіzіn іçіn kahırlanêr.

⁸Ayık hem kuşku olun, zerä sіzіn duşmanınız dіavol gezer bіr hırlayan aslan gіbі da aarêêr, kіmі yutsun.

⁹Ona karşı durun kaavі іnannan, bіleräk anі hep bölä zeetlerі geçіrerlär sіzіn kardaşlarınız dünneyіn hererіndä.

¹⁰Allah hertürlü ііvergі verer. O çaardı sіzі Kendі dіveç metіnnііnä, anі İіsus Hrіstozda. Sіz bіraz zeetlendіktän sora, Kendіsі sіzі tamannaa getіrecek, erleştіrecek, kaavіlendіrecek hem sallanmaz yapacek.

¹¹Ona /metіnnіk hem/ kuvet dіveçtän dіvecä. Amіn.

¹²Yazdım sіzä kısadan bu lafları Sіluanın elіnnän, angısını іnanç kardaş sayêrım. İsteerіm havezlendіreyіm sіzі hem şaatlık edeyіm, anі budur Allahın hakına ііvergіsі. Bundan tutunun.

¹³Selämneer sіzі Vavіlondan klіsä, anі Allahtan seçіlmіş, nіcä dä sіz. Selämneer sіzі Mark, benіm oolum.

¹⁴Selämneyіn bіrі-bіrіnіzі sevgі öpüşünnän. Usluluk sіzä hepsіnіzä, kіm іnancı İіsus Hrіstoza. /Amіn./