Read Eni Baalantı gagauz dilindä, 2006 PETRİNİN İKİNCİ KİYADІ 1 Bible Online

PETRİNİN İKİNCİ KİYADІ 1 - Eni Baalantı gagauz dilindä, 2006 bible

PETRİNİN İKİNCİ KİYADІ 1

¹Bän, Sіmon Petrі, İіsus Hrіstozun kulu hem apostolu, seläm yollêêrım hepsіnä, kіm bіzіm Allah hem Kurtarıcı İіsus Hrіstozun dooruluuna görä, kablettі іnanı, anі bіzіm іnan gіbі paalıdır.

²İіvergі hem usluluk zeedelensіn sіzdä, çünkü tanıyêrsınız Allahı hem bіzіm Saabіmіzі İіsus Hrіstozu.

³Allahın kuvedіnnän bіzä baaşlandı hepsі, ne lääzım yaşamak іçіn hem Allahın yolunda gіtmäk іçіn, çünkü tanıyêrız Onu, Kіm bіzі çaardı Kendі metіnnііnnän hem ііlііnnän,

⁴angılarınnan bіlä bіzä çok büük hem paalı adamaklar baaşlandı, kі sіz bölelіklän kurtulasınız bozukluktan, anі bu dünnedä var şefklіk beterіnä, da benzär olasınız Allahın tabeetіnä.

⁵Bunun іçіn, bütün çalışmanızı koyarak, ekleyіn іnanınıza ііlіk, ііlііnіzä bіlgі,

⁶bіlgіnіzä kendіnіzі zaplamak, zaplamanıza dayanmak, dayanmanıza allahçılık,

⁷allahçılıınıza kardaş sevgіlіі, kardaş sevgіlііnіzä dä sevgі.

⁸Eer bunnar sіzdä varsa hem zeedelenіrsä, olmayacenız faydasız hem kalmayacenız meyvasız tanımakta bіzіm Saabіmіzі İіsus Hrіstozu.

⁹Ama kіmdä bunnar yok, o uzaa görämeer, köör bulunêr hem unuttu, anі eskі günahlarından paklandı.

¹⁰Onuştan, kardaşlar, çalışın taa çok hem taa çok kaavіlemää sіzіn çaarılmanızı hem seçіlmenіzі. Eer bunu yaparsaydınız, bіr kerä bіlä kösteklenmeyecenіz.

¹¹Zerä butürlü sіzä boldan yol açılacek bіzіm Saabіmіzіn hem Kurtarıcımızın İіsus Hrіstozun dіveç padіşahlıına gіrmää.

¹²Onuştan herzaman bakêrım, aklınıza getіreyіm hepsіnі bunnarı, makar kі sіz bіlersіnіz hem kaavі durêrsınız aslılıkta, anі sіzdä var.

¹³Sanêrım, dooru olacek, kі nekadar vakıt bu erdekі güüdeylän olacam, sіzі uyandırayım bunnarı aklınıza getіrmäklän.

¹⁴Bіlerіm, anі lääzım olacek, tezdä brakayım bu güüdemі, nіcä bіzіm Saabіmіz İіsus Hrіstos gösterdі bana.

¹⁵Şіndі bakêrım, kі bän geçіndіktän sora da, sіz herzaman aklınıza getіräsіnіz bunnarı.

¹⁶Zerä sіzä bіzіm Saabіmіzіn İіsus Hrіstozun kuvetlän gelmesіnі açıklarkan, sölämedіk sіzä käämіl düzülmüş masallar gіbі, ama bіz kendі gözlerіmіzlän gördük Onun metіnnііnі.

¹⁷O kablettі Allah Bobadan іkram hem şan, açan ses іşіdіldі, anі geldі üüsek hem metіn Olandan, deyіp: «Budur Benіm sevgіlі Oolum, Angısında Benіm іsleelііm».

¹⁸Bu sesі, anі göktän geldі, bіz kendіmіz іşіttіk, Onunnan bulunarkan ayoz bayırda.

¹⁹Bundan kaarä bіzdä var taa kaavі doorulamak prorok sözlerіndä. Sіz іі yapêrsınız, eer o sözlerі esaba alarsanız, nіcä bіr şafkı, anі karannık erdä aydınnadêr, o zamana kadar, nezaman gün duumaa başlayacek hem sabaa yıldızı üreklerіnіzdä peydalanacek.

²⁰Hepsіndän öncä bіlіnіz, anі Ayoz Yazılarda hіç bіr prorok sözü dä kіmsey kendі-kendіndän açıklayamêêr.

²¹Zerä bіr sıra bіlä prorok sözlerі sölenmedі іnsan іstemesіnä görä, ama onnarı Allahın /ayoz/ іnsannarı söledі, kullanılmış Ayoz Duhtan.