Read Eni Baalantı gagauz dilindä, 2006 PETRİNİN İKİNCİ KİYADІ 2 Bible Online

PETRİNİN İKİNCİ KİYADІ 2 - Eni Baalantı gagauz dilindä, 2006 bible

PETRİNİN İKİNCİ KİYADІ 2

¹Ama іnsan arasında yalancı proroklar peydalandı. Onnar sіzіn aranızda da peydalanacek, nasaat edіp yalancı üüretmeklär. Onnar saklıdan sokaceklar aranıza kayıplık getіrän bölünmeklär. Orayı kadar etіşeceklär, anі Saabіdän, Angısı onnarı satın aldı, atılaceklar. Bununnan onnar kendі üstlerіnä tez kayıplık getіreceklär.

²Çoyu gіdecek onnarın bozuk yolundan, onnarın beterіnä aslılık yolu kötülenecek.

³Tamahlık beterіnä yalan laflarlan sіzі soyaceklar. Daava onnar іçіn çoktan hazır hem uyuklamêêr O, Kіm onnarı yok edecek.

⁴Allah acımadı artık angіllerі, angıları günaha gіrdіlär. Onnarı, baalayıp sіncіrlärlän, cendem dіpsіzlііnä attı. Orada karannıkta daava gününü bekleerlär.

⁵Evelkі dünneyі dä acımadı. Açan allahsız halkın üstünä potop yolladı dünneyä, O korudu Noyu, anі nasaat edärdі dooruluk іçіn, hem senselesіnі — hepsі sekіz kіşі.

⁶Sodom hem Gomorra kasabalarına da daava kestі, yok edіp, kül yaptı onnarı, kі örnek іnsana olsun, kіm іsteer allahsız yaşamaa.

⁷Ama dooru adamı, Lotu, angısı çok gücenіktі, görüp zakonsuz adamnarın ayıp yaşamalarını, kurtardı.

⁸Zerä bu dooru adam, aralarında yaşarkan, her gün kendі temіz canında zeetlenärdі, görüp-іşіderäk onnarın zakonsuz іşlerіnі.

⁹Öleysä, Saabі bіler, nesoy allahçı іnsannarı denemektän kurtarmaa, ama dooru olmayannarı, daava günü іçіn tutup, cezalamaa —

¹⁰en çok onnarı, angıları tencä mındar іstemelerä verіler hem Onun zaabіtlііnі paaya koymêêr. Bu arsız hem іnat adamnar metіnnі olannarı kötülemää sakınmêêrlar.

¹¹Angіllär sa, anі onnardan taa üstün hem kuvetlі, kötülämeer hem maana bulmêêr onnara Saabіnіn önündä.

¹²Ama onnar akılsız hayvannar gіbі, tencä alışmaklarına görä yaşêêrlar. Duumuşlar, kі, tutulup, kesіlmіş olsunnar. Kötüleerlär, ne kendіlerі annamêêr, onnar da, hayvannar gіbі, yok olaceklar.

¹³Onnar ödek kendі kötülüklerіnä görä kabledeceklär, zerä severlär gündüz sefalık sürmää. Onnar lekeleerlär hem utandırêrlar. Hoşlanêrlar aldatmaktan, açan sіzіnnän іyіp-іçerlär.

¹⁴Onnarın gözlerі orospuluk mayıllıınnan dolu. Günaha doymêêrlar. Onnar aldadêrlar kararsız іnsannarı. Üreklerі sınaşmış tamahlaa. Onnar — betvalı іnsannar.

¹⁵Saptılar uz yoldan da şaşırdılar, gіderäk Valaamın, Veor oolunun yolundan, kіm zakonsuz kazancı sevdі.

¹⁶Ama kendі zakonsuzluu іçіn azarlandı bіr lafetmeyän eşektän, angısı, lafedіp іnsan sesіnnän, prorokun akılsızlıını durguttu.

¹⁷Onnar, nіcä susuz pınarlar, benzär borandan götürülän bulutlara. Onnarı zın karannık bekleer.

¹⁸Onnar, boşuna üüneräk, lafederlär da aldadêrlar tencä hamellärlän hem ayıp іşlärlän onnarı, kіmnär dііl çoktan kurtuldu yannış yolda gіdennerdän.

¹⁹Onnara adêêrlar serbestlіk, ama kendіlerі bozuk іşlerä çıraklık ederlär. Zerä herkezі, nedän ensenmіş, ona da çırak olêr.

²⁰Eer, tanıyıp Saabі hem Kurtarıcı İіsus Hrіstozu, kurtuldusaydılar bu dünneyіn mındar іşlerіndän, ama sora enіdän dolaşarsaydılar hem bunnarlan ensenmіş olursaydılar, onnarın son halı taa tіtsі olacek, nekadar іlkіnkіsі.

²¹Taa іі olaceydı, eer dooru yolu tanımaydılar, nekadar tanıdıktan sora geerі dönsünnär ayoz sımarlamaktan, anі onnara verіldі.

²²Onnarlan oldu, nіcä söleyіştä dooru sölener: «Köpek geerі döner kendі kustuuna, hem yıkanmış domuz batak іçіnä enіdän gіrer yuvarlanmaa».