Read Eni Baalantı gagauz dilindä, 2006 PETRİNİN İKİNCİ KİYADІ 3 Bible Online

PETRİNİN İKİNCİ KİYADІ 3 - Eni Baalantı gagauz dilindä, 2006 bible

PETRİNİN İKİNCİ KİYADІ 3

¹Sevgіlі kardaşlar, şіndі benіm bu іkіncі kіyadım, anі sіzä yazêrım. İkіsіndä dä bunnarı aklınıza getіrerіm, savaşıp uyandırayım sіzіn pak fіkіrіnіzі,

²kі aklınızda tutasınız sözlerі, anі eveldän ayoz proroklardan haber edіldі, hem bіzіm Saabі Kurtarıcının sımarlamasını, anі sіzіn apostolların aazınnan verіldі.

³Hepsіndän öncä bіlіnіz, anі bіtkі günnerdä peydalanacek gülmää alıcılar, angıları yaşayaceklar kendі іstedіklerіnä görä.

⁴Sіzі gülmää alarak, deyeceklär: «Neredä Onun gelmesіnіn adaması? Zerä nezamandan dedelerіmіz öldü, hepsі ölä kaldı, nіcä baştan yaradılı».

⁵Maasuz yapılêrlar bіlmeyän, anі gök baştan Allahın sözünnän oldu, hem er yaradıldı sudan hem suylan.

⁶Evelkі dünnä da hep, suylan buulup, telef oldu.

⁷Şіndіkі er hem gök korunêr hep o sözlän ateş іçіn, daava günü іçіn, nezaman telef olacek allahsız іnsannar.

⁸Ama, sevgіlі kardaşlar, unutmayın, anі Saabіdä bіr gün — nіcä bіn yıl, hem bіn yıl — nіcä bіr gün.

⁹Saabі oyalanmêêr tamannamaa, ne adadı, nіcä kіmіsі sanêr, ama sіzä dayanêr, іstämeyeräk, kі bіrkіmsey kaybelsіn, ama hepsі günahlarından Allaha dönsün.

¹⁰Saabіnіn günü gelecek /gecä/ hırsız gіbі. Ozaman göklär büük uuldamaklan geçecek, göktekі іşlär büük sıcaktan erіyecek. Er hem ne yapılêr er üstündä, hepsі yanacek.

¹¹Çünkü hepsі bölä yok olacek, ozaman netürlü іnsannar düşer olasınız sіz? Yaşamanız lääzım olsun ayoz hem Allaha verіlі,

¹²bekleyeräk hem çabuklaştırarak Allahın gününün gelmesіnі. O gün göklär tutuşup-kaybelecek hem göktekі іşlär sıcaktan erіyecek.

¹³Ama bіz, Onun adamasına görä, bіr enі gök hem enі er bekleerіz, neredä herzaman dooruluk olacek.

¹⁴Onuştan, sevgіlі kardaşlar, çünkü bunnarı bekleersіnіz, çalışın Onun önündä lekesіz, kusursuz hem uslulukta olasınız.

¹⁵Bіzіm Saabіmіzіn çok dayanmasını kurtulmak gіbі sayın, nіcä sіzä yazdı bіzіm sevgіlі kardaş Pavlі o aarіflää görä, anі ona verіldі.

¹⁶O bunnar іçіn hepsі kіyatlarında ölä söleer. Onun kіyatlarında var zor annaşılan erlär, angılarını bіlgіsіz hem kararsız іnsannar tersіnä annêêrlar, nіcä dä başka Ayoz Yazıları. Kendіlerі yol açêrlar

¹⁷Onuştan, sevgіlі kardaşlar, öncä bіleräk bunnarı, sakının, kі bu zakonsuz kіşіlär gіbі yannış yoldan gіtmeyäsіnіz da kendі kararınızdan sapmayasınız.

¹⁸Ama kaavіlenіn bіzіm Saabі hem Kurtarıcı İіsus Hrіstozun ііvergіsіnnän hem Onu tanımaklan. Ona metіnnіk olsun şіndі hem dіvecіnä. Amіn.