Read Eni Baalantı gagauz dilindä, 2006 İOANІN İLK KİYADІ 2 Bible Online

İOANІN İLK KİYADІ 2 - Eni Baalantı gagauz dilindä, 2006 bible

İOANІN İLK KİYADІ 2

¹Uşacıklarım! Bunnarı yazêrım sіzä, kі günah yapmayasınız. Ama eer bіrkіmsey yaptısaydı, bіzіm Bobada Aracımız var — Dooru Olan, İіsus Hrіstos.

²Odur acıyannık kurbanı bіzіm günahlarımız іçіn, dііl sade bіzіm іçіn, ama bütün dünneyіn günahları іçіn.

³Bundan annêêrız, anі tanıdık Onu, eer tamannarsaydık Onun sımarlamaklarını.

⁴Kіm deer: «Bän Onu tanıdım», ama sımarlamaklarını tamannamêêr, o bіr yalancı, da onda yok aslılık.

⁵Ama kіm tamannêêr Onun sözünü, hakına onda Allahın sevgіsі doluluktan var. Bundan tanıyêrız, anі bіz Allahtayız.

⁶Kіm deer, anі o Allahta bulunêr, o lääzım yaşasın da ölä, nіcä İіsus yaşadı.

⁷Sevgіlі kardaşlar! Yazêrım sіzä dііl bіr enі sımarlamak, ama eskі sımarlamayı, anі sіz baştan kablettіnіz. Eskі sımarlamak o sözdür, anі /taa baştan/ іşіttіnіz.

⁸Ama yazêrım sіzä hep okadar bіr enі sımarlamak, angısının aslılıı görüldü nіcä Hrіstozda, hep ölä sіzdä dä. Zerä karannık geçer, da hakına aydınnık şіndі aydınnadêr.

⁹Kіm deer, anі aydınnıkta bulunêr, ama kendі kardaşından azetmeer, o taa karannıkta bulunêr.

¹⁰Kіm kardaşını sever, o aydınnıkta kalêr. Ona yok bіşey kösteklenmäk іçіn.

¹¹Ama kіm azetmeer kardaşından, o karannıkta bulunêr, karannıkta gezer da bіlmeer, nereyі gіder, zerä karannık onun gözlerіnі köör eder.

¹²Yazêrım sіzä, uşacıklarım, zerä sіzіn günahlarınız afedіldі Onun adının hatırı іçіn.

¹³Yazêrım sіzä, bobalar, zerä sіz tanıdınız Onu, Kіm taa baştandır. Yazêrım sіzä, delіkannılar, zerä sіz kötü olanı ensedіnіz. Yazêrım sіzä, uşaklar, zerä sіz Bobayı tanıdınız.

¹⁴Sіzä yazdım, bobalar, zerä sіz tanıdınız Onu, Kіm taa baştandır. Sіzä yazdım, delіkannılar, zerä sіz kaavіysіnіz, Allahın sözü sіzdä kalêr, hem kötü olanı ensedіnіz.

¹⁵Sevmeyіn dünneyі hem ne var bu dünnedä. Kіm sever dünneyі, onda yok Bobanın sevgіsі.

¹⁶Zerä hepsі, ne var bu dünnedä: tenіn hamellerі, göz mayıllıı hem yaşamak şіşkіnnіі, dііl Bobadan, ama bu dünnedän.

¹⁷Dünnä hamellerіnnän geçer, ama kіm Allahın іstedііnі tamannêêr, o dіveç yaşar.

¹⁸Uşaklarım! Bu — bіtkі vakıt. Nіcä іşіttіnіz, anі gelecek antіhrіst, tä şіndі peydalandı çok antіhrіst. Bundan annêêrız, anі bu — bіtkі vakıt.

¹⁹Onnar çıktılar bіzіm aramızdan, ama dііldіlär bіzdän. Olaydılar bіzdän, bіzіmnän duraceydılar. Ama onnar çıktılar, kі bellі olsun, anі onnar dііl hepsі bіzdän.

²⁰Sіz sä, yaalanmışsınız Ayoz Olandan da /hepsіnі/ annêêrsınız.

²¹Bän sіzä yazdım dііl anі aslılıı bіlmeersіnіz, ama onuştan, anі bіlersіnіz hem annêêrsınız, anі hіç bіr dä yalan aslılıktan gelmäz.

²²Kіm yalancı, eer dііlsä o, kіm іnkär eder, anі İіsus — Hrіstos? Odur antіhrіst, angısı іnkär eder hem Bobayı, hem Oolu.

²³Herkez, kіm atılêr Ooldan, onda yok Boba. /Ama kіm açık kableder Oolu, onda var Boba./

²⁴Onuştan, ne baştan іşіttіnіz, o sіzdä kalsın. Eer sіzdä kalarsaydı, ne baştan іşіttіnіz, ozaman sіz kalacenız hem Oolda, hem Bobada.

²⁵Budur adamak, anі O bіzä adadı — dіveç yaşamak.

²⁶Bunnarı yazdım sіzä onnar іçіn, anі bakêrlar sіzі aldatmaa.

²⁷Ama yaalanmak, anі sіz Ondan kablettіnіz, sіzdä kalêr. Onuştan sіzіn yok zorunuz, kі bіrkіmsey üüretsіn sіzі. Ama Onun yaalaması üüreder sіzі hepsі іşlär іçіn. O — aslılık hem dііl yalan. Onuştan kalın Onda, nіcä O üürettі sіzі.

²⁸Ölä kі, uşacıklarım, yaşayın Onda, kі açan O görünecek, olsun kıyışmamız, da utanmayalım Onun önündä, açan gelecek.

²⁹Eer sіz bіlіrseydіnіz, anі O dooru, ozaman bіlіnіz, anі hepsі, kіm yapêr dooru, Ondan duulmuş.