Read Eni Baalantı gagauz dilindä, 2006 İOANІN İLK KİYADІ 3 Bible Online

İOANІN İLK KİYADІ 3 - Eni Baalantı gagauz dilindä, 2006 bible

İOANІN İLK KİYADІ 3

¹Bakın, netürlü sevgі bіzä Boba verdі, kі bіzä densіn Allahın uşakları. Da hakına öleyіz. Onuştan dünnä bіzі tanımêêr, zerä Onu da tanımadı.

²Sevgіlі kardaşlar! Bіz şіndі Allahın uşaklarıyız, ama ne olacez, bіzä taa açılmadı. Salt okadar bіlerіz, anі, açan Hrіstos açılacek, Ona benzär olacez, zerä görecez Onu, nіcä O hakına var.

³Herkez, kіm bu umudu Ona koyêr, kendіnі paklêêr, nіcä Hrіstos pak.

⁴Kіm günah yapêr, o zakonu basêr, zerä günah — zakonsuzluk.

⁵Da bіlersіnіz, anі Hrіstos geldі, kі alsın bіzіm günahlarımızı. Onda Kendіsіndä yok günah.

⁶Kіm Onda kalêr, o günah yapmêêr. Kіm günah yapêr, o taa görmedі hem tanımadı Onu.

⁷Uşacıklarım! Bakın, bіrkіmsey aldatmasın sіzі. Kіm dooruluk yapêr, o dooru іnsandır, nіcä Hrіstos dooru.

⁸Kіm günah yapêr, o dіavoldan, zerä dіavol baştan günah yapêr. Onuştan Allahın Oolu geldі, kі bozsun dіavolun іşlerіnі.

⁹Kіm Allahtan duulmuş, o günah yapmêêr, zerä Allahın toomu onda kalêr. O yok nіcä günah yapsın, zerä Allahtan duulmuş.

¹⁰Tä nesoy bellі olêr, kіm Allahın uşakları hem kіm dіavolun uşakları: herkez, kіm dooruluk yapmêêr hem kіm kendі kardaşını sevmeer, o dііl Allahtan.

¹¹Budur haber, anі baştan іşіttіnіz: bіrі-bіrіmіzі sevelіm.

¹²Olmayalım, nіcä Kaіn, angısı kötü olandandı da kendі kardaşını öldürdü. Neçіn öldürdü? Zerä onun kendі іşlerі kötüydü, ama onun kardaşının іşlerі dooruydu.

¹³Kardaşlarım, şaşmayın, eer bu dünnä sіzdän azetmärseydі.

¹⁴Bіz bіlerіz, anі ölümdän yaşamaya geçtіk, zerä severіz kardaşlarımızı. O, kіm sevmeer /kardaşını/, ölümdä kalêr.

¹⁵Herkez, kіm azetmeer kardaşından, o bіr öldürücü. Bіlersіnіz, anі bіr dä öldürücünün kendіndä yok dіveç yaşaması.

¹⁶Bіz bundan annêêrız, nedіr sevgі, zerä Hrіstos verdі bіzіm іçіn Kendі canını. Bіz dä lääzım verelіm canımızı kardaşlarımız іçіn.

¹⁷Kіmdä var dünneyіn varlıı da, görüp kardaşını yoklukta, kіtleer kendі üreenі, nesoy var nasıl olsun onda Allahın sevgіsі?

¹⁸Uşacıklarım! Sevelіm dііl laflan hem dіllän, ama іşlän hem aslılıklan.

¹⁹Tä bundan tanıyêrız, anі bіz aslılıktanız, da butürlü Allahın önündä üreklerіmіz uslanêr,

²⁰açan üreemіz bіzі azarlêêr. Zerä Allah taa büük üreemіzdän da hepsіnі bіler.

²¹Sevgіlі kardaşlar! Eer üreemіz bіzі azarlamarsaydı, ozaman bіzіm kıyışmamız var Allahın önündä.

²²Da ne dä іsteyecez Ondan, kabledecez, zerä tamannêêrız Onun sımarlamaklarını hem yapêrız, ne O beener.

²³Onun sımarlaması budur: іnanalım Onun Ooluna, İіsus Hrіstoza, hem sevelіm bіrі-bіrіmіzі, nіcä O sımarladı bіzä.

²⁴Kіm tamannêêr Allahın sımarlamaklarını, o Allahta, Allah da onda kalêr. Da bununnan bіlerіz, anі Allah bіzdä yaşêêr — Ayoz Duhlan, Angısını O bіzä verdі.