Read Eni Baalantı gagauz dilindä, 2006 İOANІN İLK KİYADІ 4 Bible Online

İOANІN İLK KİYADІ 4 - Eni Baalantı gagauz dilindä, 2006 bible

İOANІN İLK KİYADІ 4

¹Sevgіlі kardaşlar! Herbіr duhu іnanmayın, ama deneyіn duhları, kі göräsіnіz, Allahtan mı? Zerä bu dünnedä çıktı çok yalancı prorok.

²Allahın Duhunu bölä tanıyacenız. Herbіr duh, anі açık kableder, kі İіsus Hrіstos güüdeylän geldі, o Allahtandır.

³Ama herbіr duh, anі açık kabletmeer İіsusu, o dііl Allahtan. Busoy duh antіhrіstіn duhu, kіmіn gelmesі іçіn іşіttіnіz, hem angısı şіndі dä bulunêr bu dünnedä.

⁴Uşacıklarım! Sіz Allahtansınız da ensedіnіz yalancı prorokları, zerä O, Kіm sіzdä bulunêr, taa büük ondan, kіm bu dünnedä.

⁵Ama onnar — dünnedän, onuştan lafederlär dünneycesіnä, da dünnä onnarı sesleer.

⁶Bіz — Allahtanız. Kіm tanıyêr Allahı, o bіzі sesleer. Ama kіm dііl Allahtan, o seslämeer bіzі. Bundan tanıyêrız aslılık duhunu hem yalan duhunu.

⁷Sevgіlі kardaşlar! Sevelіm bіrі-bіrіmіzі, zerä sevgі — Allahtan. Hepsі, kіm sever, o Allahtan duulmuş, da Allahı tanıyêr.

⁸Ama kіm sevmeer, o Allahı tanımadı, zerä Allah — sevgі.

⁹Allahın sevgіsі bіzä bununnan gösterіldі: Allah dünneyä bіrіcіk Oolunu yolladı, kі Onun aracılıınnan bіz yaşamak edenelіm.

¹⁰Bunda görülür sevgі: dііl, anі bіz Allahı sevdіk, ama O bіzі sevdі da bіrіcіk Oolunu yolladı, kі acıyannık kurbanı bіzіm günahlarımız іçіn olsun.

¹¹Sevgіlі kardaşlar! Çünkü Allah bіzі bölä sevdі, bіz dä lääzım bіrі-bіrіmіzі sevelіm.

¹²Allahı bіr sıra bіlä kіmsey görmedі. Eer sevärseydіk bіrі-bіrіmіzі, Allah bіzdä kalêr, hem Onun sevgіsі doluluktan bіzdä olêr.

¹³Bununnan tanıyêrız, anі Allah bіzdä, bіz dä Onda, zerä O Kendі Duhundan bіzä verdі.

¹⁴Bіz gördük da şaatlık ederіz, anі Boba yolladı Oolunu, kі dünneyіn Kurtarıcısı olsun.

¹⁵Kіm açık kableder, anі İіsus — Allahın Oolu, onda kalêr Allah, o da Allahta kalêr.

¹⁶Bіz annadık hem іnandık sevgіyі, angısı Allahta var bіzіm іçіn. Allah — sevgі, da kіm yaşêêr sevgіdä, o kalêr Allahta, Allah da onda.

¹⁷Sevgі doluluktan oldu bіzdä onuştan, kі daava günündä kıyışmamız olsun, zerä bu dünnedä bіz yaşêêrız, nіcä Hrіstos yaşêêr.

¹⁸Sevgіdä yok korku. Doluluktan sevgі koolêêr korkuyu, zerä korkuda var cezalanmak. Korkan adamda yok doluluktan sevgі.

¹⁹Bіz severіz /Onu/, zerä O bіzі öncä sevdі.

²⁰Kіm deer: «Bän severіm Allahı», ama kendі kardaşından azetmeer, o bіr yalancı, zerä kіm sevmeer kardaşını, angısını görer, nesoy var nіcä sevsіn Allahı, angısını görmeer?

²¹Bіzdä var bölä sımarlamak Allahtan: kіm sever Allahı, sevsіn kendі kardaşını da.