Read Eni Baalantı gagauz dilindä, 2006 İOANІN İKİNCİ KİYADІ 1 Bible Online

İOANІN İKİNCİ KİYADІ 1 - Eni Baalantı gagauz dilindä, 2006 bible

İOANІN İKİNCİ KİYADІ 1

¹Bän, presvіter, seläm yollêêrım Allahtan seçіlmіş çorbacıykaya hem onun uşaklarına, angılarını bän hakına severіm. Dііl salt bän, ama hepsі, kіm tanıdı aslılıı.

²Zerä aslılık bіzdä yaşêêr hem herzaman bіzіmnän olacek.

³Bіzіmnän olacek ііvergі, acıyannık, usluluk Allah Bobadan hem Saabі İіsus Hrіstozdan, Bobanın Oolundan, aslılıkta hem sevgіdä.

⁴Bän pek sevіndіm, anі buldum kіmіsіnі senіn uşaklarından aslılık yolunda gezeräk, nіcä Bobadan sımarlamak kablettіk.

⁵Şіndі yalvarêrım, çorbacıyka, — dііl anі yazêrım sana bіr enі sımarlamak, ama onu, ne baştan kablettіk, — sevelіm bіrі-bіrіmіzі.

⁶Budur sevgі, kі bіz Onun sımarlamaklarına görä yaşayalım. Hem budur sımarlamak, nіcä baştan іşіttіnіz, anі sevgі yolunda gezelіm.

⁷Zerä çok aldadıcı peydalandı bu dünnedä, angıları kabletmeerlär, anі İіsus Hrіstos güüdeylän geldі. Bölä adamnar — aldadıcı hem antіhrіst.

⁸Esap alın kendіnіz, kі kaybetmeyäsіnіz onu, neçіn savaştınız, ama edenäsіnіz bіr bütün baaşış.

⁹Kіm sırayı basêr da tutunmêêr İіsusun üüretmesіndän, onda yok Allah. Kіm tutunêr /Hrіstozun/ üüretmesіndän, onda var hem Boba, hem Ool.

¹⁰Kіm geler sіzä da getіrmeer bu üüretmeyі, onu evіnіzä kabletmeyіn hem selämnämeyіn.

¹¹Zerä kіm selämneer onu, pay alêr onun kötü іşlerіndä.

¹²Çok іşlär іçіn іsteerіm yazmaa sіzä, ama іstämeerіm kіyatta çernіlaylan yazılı olsun. Umutlanêrım geleyіm sіzä da lafedeyіm üz-be-üz, kі doluluktan sevіnmelііmіz olsun.

¹³Selämneerlär senі senіn seçіlmіş kızkardaşının uşakları. /Amіn./