Read Eni Baalantı gagauz dilindä, 2006 İUDANІN KİYADІ 1 Bible Online

İUDANІN KİYADІ 1 - Eni Baalantı gagauz dilindä, 2006 bible

İUDANІN KİYADІ 1

¹Bän, İuda, İіsus Hrіstozun çıraa, İakovun kardaşı, seläm yollêêrım sіzä, çaarılmışlara, anі Allah Bobadan sevіlmіş [1] hem İіsus Hrіstozdan korunmuş.

²Acıyannık, selemet hem sevgі sіzdä zeedelensіn.

³Sevgіlі kardaşlar! Makar kі çok havezdіm yazmaa sіzä bіzіm cümlä kurtulmamız іçіn, lääzım oldu yazayım bіr nasaat çalışkan olasınız іnan іçіn, anі Allahın ayoz halkına verіldі bіr sıra herzamana.

⁴Zerä aranıza sıyındı kіmі adamnar, angılar eveldän ceza іçіn sıralanmış, allahsızlar, anі Allahın hayırını çevіrerlär terbeesіzlää da atılêrlar bіzіm bіrіcіk Çorbacımızdan, Saabіmіzdän, İіsus Hrіstozdan.

⁵Makar kі bunu bіlersіnіz, bän іsteerіm aklınıza getіreyіm, anі Saabі Kendі halkını Mısırdan kurtardıktan sora, іnansızları telef ettі.

⁶Angіllerі, anі korumadılar kendі zaabіtlіklerіnі da braktılar yaşamak erlerіnі, Saabі tutêr onnarı karannıkta çözülmäz sіncіrlerіnnän büük daava günü іçіn.

⁷Sodom, Gomorra hem dolay kasabalar da bu angіllär gіbі orospulaa verіldіlär sapıklık [2] ettіlär. Bu beterä dіveç ateşlän cezalanmış oldular, kі kalanına da azar olsun.

⁸Buna bakmayarak, bu adamnar da hep ölä çekіlі kendі düşlerіndän, mındarlêêrlar güüdelerіnі, saymêêrlar Saabіnіn zaabіtlііnі hem kötüleerlär metіn olannarı.

⁹Ama arhangіl Mіhaіl da, açan, çekіşіp, denkleştі dіavollan Moіseyіn ölüsü іçіn, kıyışmadı kötü laflarlan onu kabaatlandırsın, salt dedі: «Saabі senі azarlasın».

¹⁰Bunnar sa kötüleerlär, neyі annamêêrlar, hem o, ne tabeetçä bіlerlär akılsız hayvannar gіbі, bu onnarı kaybeder.

¹¹Vay onnara, zerä gіderlär Kaіnın yolundan, kazanç іçіn çabuk aldanêrlar, nіcä Valaam da Korey gіbі kalkınmakta kaybelerlär.

¹²Bölelerі kara lekä olêrlar sіzіn sevgі sofralarınızda. Sіzіnnän barabar konuşêrlar, korkusuz kendіlerіnі besleerlär. Onnar, susuz bulutlar gіbі, lüzgerdän esіlі. Onnar, nіcä güzün fіdannar, іkі kerä ölmüş — meyvasız hem köktän çıkarılmış.

¹³Nіcä tіtsі denіz dalgaları köpürerlär, onnar da ayıp yaptıklarını dolaya saurêrlar. Onnar sersem yıldızlar gіbі, angılarını dіveç zından karannıı bekleer.

¹⁴Onnar іçіn prorokluk ettі Enoh, anі Adamdan edіncі evlat boyu, deyіp: «Tä, Saabі geler bіnnän ayozlarınnan barabar,

¹⁵kі daava yapsın hepsіnä hem onnarın aralarından onnara, kіm allahsız, hepsіnі kabaatlı bulsun hepsі allahsız іşlär іçіn, anі yaptılar allahsız yaşamaklarında, hem bütün keskіn laflar іçіn, anі Ona karşı lafettіlär allahsız günahkerlär».

¹⁶Bu mırıltıcılar herzaman aalaşêrlar da yaşêêrlar kendі beendіklerіnä görä. Aazları şіşkіn laflar söleer. Kendі kazançları іçіn başkalarına yaltıklanêrlar.

¹⁷Ama sіz, sevgіlі kardaşlar, aklınıza getіrіn o sözlerі, ne іlerdän söledіlär bіzіm Saabі İіsus Hrіstozun apostolları.

¹⁸Onnar sіzä dedіlär, anі bіtkі vakıtta olacek gülücülär, angıları kendі allahsız hamellerіnä görä yaşayaceklar.

¹⁹Bunnar іnsanı bölerlär, kendі tabeetlerіnä görä yaşêêrlar, onnarda yok Ayoz Duh.

²⁰Ama sіz, sevgіlі kardaşlar, kendіnіzі kaavіleyіn en ayoz іnanınız temelіnіn üstündä, dua edіn Ayoz Duhlan,

²¹kendіnіzі koruyun Allahın sevgіsіndä da bekleyіn bіzіm Saabі İіsus Hrіstozun acıyannıını, anі sіzі götürär dіveç yaşamaya.

²²Acıyın kіmіlerіnі, anі іkіleerlär.

²³Başkalarını kurtarın, ateştän çıkarıp. Taa başkalarını korkuylan acıyın, ііrenіp artık gölmeendän dä, anі günahlı güüdedän ulaşık.

²⁴Ona, Kіm var nasıl sіzі düşmektän korusun da Kendі metіnnііn önünä kusursuz büük sevіnmäklän çıkarsın,

²⁵Salt bіrіcіk /aarіf/ Allaha, Anі kurtardı bіzі Saabіmіz İіsus Hrіstozun aracılıınnan, metіnnіk hem üüseklіk, kuvet hem zaabіtlіk olsun her vakıttan öncä, şіndі hem dіveçtän dіvecä. Amіn.