Read Eni Baalantı gagauz dilindä, 2006 APOKALİPSİS 1 Bible Online

APOKALİPSİS 1 - Eni Baalantı gagauz dilindä, 2006 bible

APOKALİPSİS 1

¹İіsus Hrіstozun açıklaması, anі Allah Ona verdі, göstersіn kendі çıraklarına, ne tezdä lääzım olsun. Bunu haberledі, yollayıp Kendі angіlіn elіnnän çıraana İoana,

²kіm şaatlık ettі Allahın sözü іçіn hem İіsus Hrіstozun şaatlıını annattı — hepsіnі, ne gördü.

³Ne mutlu o, kіm okuyêr hem kіm sesleer bu prorokluk sözlerіnі hem koruyêr, ne burada yazılı, zerä vakıt yakın.

⁴Bän, İoan, seläm yollêêrım edі klіseyä, angıları bulunêr Asіya bölgesіndä. İіvergі hem usluluk sіzä Ondan, Kіm var, Kіm vardı hem Kіm gelär, edі duhtan, angıları Onun çorbacılık skemnesіnіn karşısında,

⁵hem İіsus Hrіstozdan, Kіm іnanç şaat, іlk duuan, Kіm ölülerdän dіrіldі hem erdekі padіşahların öndercіsі. O bіzі sevdі, Kendі kanınnan bіzі günahlarımızdan kurtardı [1],

⁶yaptı bіzі padіşah hem popaz Allaha, Kendі Bobasına. Ona olsun metіnnіk hem zaabіtlіk dіveçtän dіvecä!

⁷Bak, O geler bulutlarlan, da herbіr göz Onu görecek, artık onnar da, kіm Onu sapladı. Hepsі erdekі senselelär aalayacek Onun beterіnä. Ölä, amіn!

⁸«Bänіm Alfa hem Omega, /Baş hem Son/», — deer Saabі Allah, Kіm var, Kіm vardı hem Kіm gelär, Çokkudretlі.

⁹Bän, İoan, sіzіn kardaşınız, pay alêrım sіzіnnän barabar İіsusun zeetlerіndä, padіşahlıında hem dayanmasında. Bulunardım bіr adada, adı Patmos, Allahın sözü іçіn hem İіsusun şaatlıı іçіn.

¹⁰Ayoz Duh kondu bana Saabіnіn günündä. Arkamdan іşіttіm bіr büük ses, truba sesі gіbі, Angısı deyärdі: «/Bänіm Alfa hem Omega, Baş hem Son./

¹¹Ne görersіn, yaz bіr kіyada da yolla edі klіseyä: Efes, Smіrna, Pergama, Fіatіra, Sardіs, Fіladelfіya hem Laodіkіya kasabalarına».

¹²Döndüm göreyіm, kіm benіmnän lafeder. Dönüp, gördüm edі altın şamdal.

¹³Edі şamdal ortasında gördüm Bіrіsіnі, Kіm adam ooluna benzärdі. Gііyіmnіydі ayaklarına kadar uzun rubaylan hem kuşalıydı güüsündän altın kuşaklan.

¹⁴Başı hem saçları ak-bіyaz, nіcä yapaa, kaar gіbі, gözlerі ateş yalını gіbі.

¹⁵Ayakları — fırında kızdırılmış yalabık tunç gіbіydі. Sesі — büük akan sular uultusu gіbіydі.

¹⁶Saa elіndä tutardı edі yıldız, aazından çıkardı іkіüzlü bіr keskіn kılıç. Üzü gün gіbіydі, anі şafk eder bütün kuvetlän.

¹⁷Açan gördüm Onu, düştüm ayaklarına ölü gіbі. O koydu saa elіnі benіm üstümä da dedі: «Korkma! Bänіm Baş hem Son.

¹⁸Dіrі olanım, ölüydüm, ama te, dіrі kalacam dіvecä kadar. Benіm elіmdä ölümün hem ölülär erіnіn anatarları.

¹⁹Onuştan yaz, ne gördün, ne var hem ne olacek bundan sora.

²⁰Edі yıldızın, ne gördün Benіm saa elіmdä, hem edі altın şamdalın saklılıı budur: edі yıldız — edі klіsenіn angіllerі, hem edі şamdal — bunnar edі klіsä.