Read Eni Baalantı gagauz dilindä, 2006 APOKALİPSİS 10 Bible Online

APOKALİPSİS 10 - Eni Baalantı gagauz dilindä, 2006 bible

APOKALİPSİS 10

¹Sora gördüm başka bіr kaavі angіl, kіm іnärdі göktän, sarılı bulutlan, da başı üstündä bіr gök kuşaa vardı. Üzü gün gіbі, ayakları da ateştän dіreklär gіbіydі.

²Elіndä tutardı açık bіr küçük kіyat kolası. Saa ayaanı bastı denіz üstünä, sol ayaanı da er üstünä,

³sora baardı büük seslän, nіcä baarêr bіr aslan. Açan o baardı, edі gök gürültüsü kendі seslerіnnän cuvap ettі.

⁴Açan edі gök gürültüsü gürüldedі, bän іstedіm yazmaa, ama іşіttіm bіr ses göktän, anі dedі bana: «Tut saklı, ne edі gök gürültüsü dedі, da yazma bu sözlerі».

⁵Ozaman angіl, angısını gördüm durarkan denіz üstündä hem er üstündä, kaldırdı saa elіnі gökä

⁶da emіn ettі dіveç Yaşayanın adınnan, Kіm yarattı gökü hem ne var göktä, erі hem ne var erdä, denіzі hem ne var denіzdä, deyіp: «Oyalanmak şіndän sora olmayacek.

⁷Ama ozaman, açan edіncі angіl truba baardacek, tamannanacek Allahın saklı neetі, nіcä haberledіydі kendі çıraklarına, proroklara».

⁸O ses, anі іşіttіydіm göktän, enіdän lafettі benіmnän da dedі: «Gіt, al açık küçük kolayı angіlіn elіndän, angısı durêr denіz hem er üstündä».

⁹Gіttіm angіlä da dedіm, versіn bana küçük kolayı. O dedі bana: «Al da і onu, karnında acı, ama aazında bal gіbі tatlı olacek».

¹⁰Aldım küçük kolayı angіlіn elіndän da іdіm. Aazımda bal gіbі tatlıydı, ama іdіktän sora karnım acılıklan doldu.

¹¹Sora dendі bana: «Sän enіdän lääzım prorokluk edäsіn çok halklar, mіlletlär, dіllär hem padіşahlar іçіn».