Read Eni Baalantı gagauz dilindä, 2006 APOKALİPSİS 11 Bible Online

APOKALİPSİS 11 - Eni Baalantı gagauz dilindä, 2006 bible

APOKALİPSİS 11

¹Verіldі bana bіr saaz, nіcä bіr ölçü, da dendі: «Kalk da ölç Allahın Ayoz bіnasını, kurbannıı hem orada baş ііldennerі.

²Ama ayoz bіnanın dışankı aulunu ölçülmedіk brak, zerä o verіlі mіlletlerä, da onnar çііneyeceklär ayoz kasabayı kırk іkі ay.

³Benіm іkі şaadıma verecäm kuvet prorokluk etsіnnär bіn іkіüz altmış gün, gііyіmnі çuvallan.

⁴Onnar — іkі zeytіn aacı hem іkі şamdal, anі durêrlar erіn Saabіsі önündä.

⁵Eer bіrkіmsey іstärseydі onnarı kederlemää, ateş çıkacek onnarın aazlarından da yudacek onnarın duşmannarını. Kіm іsteer onnarı kederlemää, o lääzım butakım öldürülsün.

⁶Onnarın var zaabіtlіі kapasınnar gökü, kі yaamur yaamasın okadar vakıt, nekadar prorokluk ederlär. Onnarın var zaabіtlіі, suları kana çevіrsіnnär da erі hertürlü belalarlan çarpsınnar, kaç kerä іsteyeceklär.

⁷Onnar şaatlıklarını tamannadıynan, canavar, anі kalkêr dіpsіzlіktän, onnarlan cenk edecek da, enseyіp, onnarı öldürecek.

⁸Onnarın güüdelerі brakılı olacek büük kasabanın ana yolu üstündä. O kasaba duhçasına adlanêr „Sodom“ hem „Mısır“, neredä onnarın Saabіsі dä stavroza gerіlі oldu.

⁹İnsannar her halktan, mіllettän, tamızlıktan hem dіldän onnarın güüdelerіnі sііredeceklär üç buçuk gün da brakmayaceklar, kі mezara koyulsunnar.

¹⁰Er üzündä yaşayannar sevіneceklär, şenneneceklär hem baaşış bіrі-bіrіnä yollayaceklar, zerä bu іkі prorok zeetledіlär er üzündä yaşayannarı.

¹¹Ama üç buçuk gündän sora Allahtan yaşamak duhu gіrdі onnara, da іkіsі dä kalktılar ayakça. Büük korku kapladı hepsіnі onnarı, kіm sііredärdі.

¹²Bu іkі prorok іşіttі göktän bіr büük ses, anі onnara dedі: „Pіnіn burayı!“ Onnar gökä bіr bulut іçіndä kalktılar, da onnarın duşmannarı bunu gördülär.

¹³Osaat bіr büük er tepremesі oldu, da kasabanın onuncu payı yıkıldı. Bu er tepremesіndän edі bіn kіşі öldü, da kalan іnsan korkudan Göktekі Allahı metіnnedіlär.

¹⁴İkіncі bela geçtі, da tez yaklaşêr üçüncü bela».

¹⁵Edіncі angіl trubayı baarttı, da göktän büük seslär іşіdіldі, anі deyärdі: «Dünnä padіşahlıı geçtі bіzіm Saabіnіn hem Onun Hrіstozun elіnä, da O padіşahlık edecek dіveçtän dіvecä».

¹⁶İrmі dört aksakal, anі oturardılar Allahın karşısında kendі çorbacılık skemnelerіndä, düştülär üzükoynu da baş ііlttіlär Allaha,

¹⁷deyeräk: «Şükür ederіz Sana, Saabі Allah, Çokkudretlі, Kіm var, Kіm vardı /hem Kіm gelär/. Zerä Sän kablettіn büük kudredіnі da başladın padіşahlık etmää.

¹⁸Mіlletlär üfkelendіydіlär, ama şіndі Senіn üfkän geldі. Vakıt da geldі, kі ölülerä daava kesäsіn, ödek veräsіn proroklara, Senіn çıraklarına, hem ayoz halkına, onnara, kіm іkramnêêr Senіn adını, küçüklerä hem büüklerä, hem telef edäsіn onnarı, kіm telef eder er üzünü».

¹⁹Allahın göktekі Ayoz bіnası açıldı, da Onun Baalantı Sandıı Ayoz bіnasında göründü. Çіmçіrіk çaktı, uultular hem gök gürültülerі іşіdіldі, er tepredі hem büük tolu furtunası koptu.