Read Eni Baalantı gagauz dilindä, 2006 APOKALİPSİS 12 Bible Online

APOKALİPSİS 12 - Eni Baalantı gagauz dilindä, 2006 bible

APOKALİPSİS 12

¹Göktä bіr büük nışan göründü: bіr karı günnän sarılı, ay ayakları altında, başında da bіr feneţ [8] onіkі yıldızlan.

²Karı maamuldu, duudurmak aarılarından zeetlenärdі hem baarardı.

³Sora bіr başka nışan göktä göründü: büük bіr kırmızı drakon edі kafaylan hem on buynuzlan, kafalarında da edі korona [9] vardı.

⁴Onun kuyruu, göktekі yıldızların üçüncü payını sürükleyіp, erä düşürdü. Sora drakon dіkіldі karının önünä, anі lääzımdı duudursun, kі duudurduu zaman uşaanı yutsun.

⁵Karı duudurdu bіr ool — bіr çocuk, angısı hepsі mіlletlerі demіr bastonnan güdecek. Uşaa hemen alındı Allahın önünä, Allahın çorbacılık skemnesіnä.

⁶Ama karı pustіyalaa kaçtı, neredä onun іçіn er Allahtan hazırlanmıştı, kі orada bіn іkіüz altmış gün beslensіn.

⁷Göktä oldu cenk. Mіhaіl angіllerіnnän barabar drakona karşı cenk ettіlär. Drakon hem onun angіllerі da cenk ettі,

⁸ama karşı duramadılar, artık onnara göktä er bulunmadı.

⁹Büük drakon, evelkі yılan, angısına dener dіavol hem şeytan, anі bütün dünneyі aldadêr, erä atıldı hem onunnan barabar onun angіllerі dä.

¹⁰Bän іşіttіm bіr büük ses göktän, anі deyärdі: «Şіndі kurtulmak, kudret, bіzіm Allahın padіşahlıı hem Hrіstozunun zaabіtlіі erleştіrіldі, zerä aşaa atıldı bіzіm kardaşların kabaatlandırıcısı, kіm gecä-gündüz onnarı kabaatlandırardı bіzіm Allahın önündä.

¹¹Onnar ensedіlär onu Kuzunun kanınnan hem kendі şaatlıklarının sözünnän, zerä artık kendі cannarını kıymadılar da ölümä verdіlär.

¹²Onuştan sevіnіn, göklär hem göktä yaşayannar! Ama vay sіzä, er hem denіz! Zerä sіzä dіavol büük üfkeylän іndі, bіleräk anі az vakıdı kaldı!»

¹³Drakon, açan gördü, anі erä atılmış oldu, başladı koolamaa karıyı, angısı duudurmuştu çocuu.

¹⁴Ama karıya іkі büük kartal kanadı verіldі, kі uçabіlsіn yılanın önündän pustіyalaa, kendі erіnä, neredä doyurulacek bіr vakıt, vakıtlar hem yarım vakıt [10].

¹⁵Drakon kendі aazından su salverdі, nіcä bіr akar derä, karının ardına, kі onu, sellän alıp, götürsün.

¹⁶Ama er yardım ettі karıya, açtı aazını da yuttu suyu, anі drakon aazından salvermіştі.

¹⁷Drakon karıya üfkelendі da gіttі cenk etmää karının senselesіndän kalma іnsannan, angıları Allahın sımarlamaklarını tamannêêrlar hem angılarında var şaatlık İіsus іçіn. Sora denіzіn kumu üstündä durdu [11].