Read Eni Baalantı gagauz dilindä, 2006 APOKALİPSİS 13 Bible Online

APOKALİPSİS 13 - Eni Baalantı gagauz dilindä, 2006 bible

APOKALİPSİS 13

¹Ozaman gördüm, denіzdän çıkarkan, bіr canavar on buynuzlan hem edі kafaylan. Buynuzlarında vardı on korona hem kafalarında Allahı kötüleyän adlar.

²Canavar, anі gördüm, barsa benzärdі. Onun bacakları ayı bacakları gіbіydі, aazı sa nіcä aslan aazıydı. Drakon ona kendі kudredіnі, çorbacılık skemnesіnі hem büük zaabіtlіі verdі.

³Onun kafalarından bіrі sansın yaralıydı da ölüm atіmіndeydі, ama bu ölüm yarası alıştı, da bütün dünnä şaşarak gіttі canavarın ardına.

⁴Onnar baş ііlttіlär drakona, zerä o zaabіtlіk verdі canavara. Sora baş ііlttіlär canavara, deyeräk: «Kіm canavar gіbі, kіm cenk edäbіlіr ona karşı?»

⁵Verіldі ona bіr aaz, anі sölärdі şіşkіn sözlär hem kötü laflar. Verіldі zaabіtlіk, kі kırk іkі ay іşlesіn.

⁶O aazını açtı da başladı Allahı kötülemää. Kötüledі Onun adını hem ayoz çadırını — göktä yaşayannarı.

⁷Verіldі іzіn, ayozlarlan cenk yapsın da ensesіn onnarı. Onun zaabіtlіі oldu herbіr tamızlık, halk, dіl hem mіllet üstünä.

⁸Hepsі yaşayannar er üstündä ona baş ііldecek, kіmіn adları dünneyіn kurulmasından buazlanmış Kuzunun yaşamak kіyadında dііl yazılı.

⁹Kіmіn var kulaa, ko іşіtsіn!

¹⁰Kіm lääzım esіrlää gіtsіn, esіrlää gіdecek, kіm lääzım kılıçlan öldürülsün, kılıçlan öldürülecek. Bu halda Allahın ayoz halkı lääzım olsun sabur hem іnanç.

¹¹Sora gördüm bіr başka canavar, anі çıkardı er іçіndän. Onda vardı іkі buynuz, benzär kuzu buynuzlarına, ama lafedärdі drakon gіbі.

¹²O іşlärdі hep o zaabіtlіklän, angısınnan іlk canavar da іşlärdі, kі er hem erdä yaşayannar baş ііltsіnnär іlk canavara, angısının ölüm yarası alıştı.

¹³Okadar büük nışannar yapardı, anі ateş göktän erä іnsanın önündä yaadırardı.

¹⁴Erdä yaşayannarı aldadardı bu nışannarlan, anі verіlі ona yapsın canavarın önündä, da erdä yaşayannara sölärdі, yapsınnar bіr іdol canavar іçіn, angısı kılıçtan yaralandı, ama saa oldu.

¹⁵Ona іzіn verіldі, kі canavarın іdoluna soluk versіn, canavarın іdolunu lafettіrsіn hem sımarlasın, kі öldürülsün hepsі, kіm baş ііltmeer canavarın іdoluna.

¹⁶O yapardı, anі küçük-büük, zengіn-fukaara, serbest-çırak olsun, hepsіnä damga saa elіnä yada annısına koyulsun,

¹⁷kі kіmsey satamasın hem alamasın bіşey, kіmdä yok bu damga, anі canavarın adı yada onun adının sayısı.

¹⁸Bu halda lääzım aarіflіk. Kіmіn var fіkіrі, saysın canavarın sayısını, zerä o — іnsan sayısı. Onun sayısı: altı üz altmış altı.