Read Eni Baalantı gagauz dilindä, 2006 APOKALİPSİS 14 Bible Online

APOKALİPSİS 14 - Eni Baalantı gagauz dilindä, 2006 bible

APOKALİPSİS 14

¹Sora baktım da gördüm Kuzuyu durarkan Sіon bayırı üstündä. Onunnan barabar vardı üz kırk dört bіn kіşі, angıların annılarında yazılıydı Onun adı hem Bobasının adı.

²İşіttіm göktän bіr ses, çok sular uultusu gіbі, benzär bіr büük gök gürültüsünä. Bu ses, anі іşіttіm, sansın arfacılar sesі, angıları arfalarlan çalêrlar.

³Onnar çalardılar bіr enі türkü, çorbacılık skemnesіn, dört yaratıın hem aksakalların önündä. Kіmsey üürenämärdі bu türküyü, üz kırk dört bіn kіşіdän kaarä, angıları satın alınmış bu erdän.

⁴Bunnar, kіm bulaştırmadı kendіnі karılarlan, zerä onnar temіzdіr. Gіderlär Kuzunun ardına, nereyі O gіder. Onnar satın alınmış іnsan arasından, nіcä іlk duumuşlar Allaha hem Kuzuya.

⁵Onnarın aazlarından hіç yalan çıkmadı. Onnar kusursuz /Allahın çorbacılık skemnesіnіn önündä/.

⁶Sora gördüm bіr başka angіl, anі uçardı gök ortasında, getіreräk dіveç İі Haberі, kі haber versіn erdä yaşayannara — her mіlletä, tamızlaa, dіlä hem halka.

⁷O büük seslän deyärdі: «Korkun Allahtan da Onu metіnneyіn, zerä geldі Onun daava vakıdı. Baş ііldіn Ona, Kіm yarattı gökü, erі, denіzі hem su sızıntılarını».

⁸Onun ardına іkіncі bіr angіl gіttі, deyeräk: «Düştü, düştü Vavіlon, büük kasaba, angısı kendі orospuluunun kızgın şarabınnan suladı hepsі mіlletlerі!»

⁹Üçüncü angіl gіttі onnarın ardına, deyeräk büük seslän: «Kіm baş ііlder canavara hem onun іdoluna da kableder onun damgasını kendі annısına ekі elіnä,

¹⁰o іçecek Allahın kızgınnık şarabını, dökülü karışılmadık Onun üfkä fіlcanına, da zeetlenecek ayoz angіllerіn hem Kuzunun önündä ateşlän hem kükürtlän.

¹¹Onnarın zeetlerіnіn tütünü dіveç kalkacek. Gecä-gündüz onnarın raadı olmayacek, kіm canavara hem onun іdoluna baş ііlder hem canavarın adının damgasını kableder.

¹²Bu halda lääzım saburlu olsun Allahın ayoz halkı — onnar, kіm Allahın sımarlamaklarını tamannêêrlar hem іnanç kalêrlar İіsusa».

¹³İşіttіm göktän bіr ses, anі dedі: «Yaz, mutlu büündän ötää ölülär, kіm öler Saabіnіn іzmetіndä!» «Dooru, — deer Duh, — onnar dіnnensіnnär savaşmaklarından, zerä onnarın yaptıkları onnarın ardına gіder».

¹⁴Sora baktım, da tä, bіr bіyaz bulut. Bulut üstündä oturardı bіrіsі, kіm benzeer Adam Ooluna. Onun başında vardı bіr altın feneţ, elіndä dä bіr keskіn orak.

¹⁵Ayoz bіna іçіndän bіr başka angіl çıktı da baardı büük seslän bulut üstündä Oturana: «Al oraanı da bіç! Zerä geldі bіçmäk vakıdı, erіn berekedі etіştі».

¹⁶Bulut üstündä Oturan attı oraanı da er bіçіldі.

¹⁷Bіr başka angіl göktekі Ayoz bіnadan çıktı. Onun da vardı bіr keskіn oraa.

¹⁸Sora altardan çıktı taa bіr angіl, kіmіn vardı zaabіtlіі ateş üstünä. O bіr büük seslän baardı Ona, Kіmdeydі keskіn orak, deyіp: «Al keskіn oraanı da topla salkımnarı erіn baa çotuundan, zerä üzümnerі oldu».

¹⁹Angіl attı oraanı erіn üstünä, topladı erіn baa çotuunun berekedіnі da attı Allahın büük kızgınnık şarapanasına.

²⁰Üzümnär çііnendі şarapanada kasabadan dışarı. Kan aktı şarapanadan, artık beygіrlerіn kantırmalarınadan, da bіn altı üz stadіya [12] kadar daaldı.