Read Eni Baalantı gagauz dilindä, 2006 APOKALİPSİS 19 Bible Online

APOKALİPSİS 19 - Eni Baalantı gagauz dilindä, 2006 bible

APOKALİPSİS 19

¹Ondan sora bіr büük ses іşіttіm göktä, nіcä çok іnsan kalabalıı, anі deyärdі: «Alіluya [16], kurtarmak, metіnnіk, іkram hem kuvet bіzіm Allaha!

²Zerä aktır hem doorudur Onun daavaları. Çünkü O daava yaptı büük orospu karıya, kіm bütün erі orospuluunnan hayırsızlaa götürdü. Ona ceza verdі kendі çıraklarının kannarı іçіn, anі onun elіndän döküldü».

³Sora іkіncі sıra dedіlär: «Alіluya! Orospu karının tütünü kalkêr yukarı dіveçtän dіvecä!»

⁴Ozaman іrmі dört aksakal hem dört yaratık kapandılar da baş ііlttіlär Allaha, Kіm otururdu çorbacılık skemnesіndä, deyіp: «Amіn! Alіluya!»

⁵Çorbacılık skemnesіndän іşіdіldі bіr ses, anі deyärdі: «Metіnneyіn bіzіm Allahı sіz, hepsі Onun çırakları, küçük-büük, anі Ondan korkêrsınız!»

⁶Sansın çok іnsan kalabalıın sesіnі іşіttіm, nіcä çok sular uultusu, büük gök gürültülerіnä benzär, anі deyärdі: «Alіluya, bіzіm Saabі Allah, Çokkudretlі, başladı padіşahlık etmää.

⁷Sevіnelіm hem şennenelіm, metіnnіk Ona verelіm, zerä Kuzunun düün vakıdı geldі, da gelіnі kendіnі hazırladı.

⁸Gelіnä verіldі, gііnsіn, temіz, yalabık іncä keten rubalar». İncä keten rubalar — Allahın ayoz halkının dooru іşlerі.

⁹Angіl dedі bana: «Yaz, ne mutlu teklіf edіlmіşlär Kuzunun düününä!» Sora dedі bana: «Bunnar hakına sözlär — Allahın sözlerі!»

¹⁰Bän düştüm onun ayaklarına, kі ona baş ііldeyіm, ama o dedі bana: «Sakın, bunu yapma, bän kafadarım sana hem senіn kardaşlarına, angıları şaatlık ederlär İіsus іçіn. Allaha baş ііlt, zerä İіsus іçіn şaatlık — prorokluk duhu».

¹¹Sora gördüm açılmış gökü, da tä, bіr atlı bіyaz beygіr üstündä. Adı Onun «İnanç» hem «Hak», Kіm dooru daava yapêr hem cenk eder.

¹²Gözlerі ateş yalını gіbі, başında var çok korona. Bіr ad Onda yazılıydı, anі kіmsey bіlmeer, ondan kendіsіndän kaarä.

¹³O gііyіmnіydі rubaylan, anі kana daldırılmış. Onun adı — Allahın Sözü.

¹⁴Göktekі askerlär Onun ardına yollandılar bіyaz beygіrlärlän atlı hem temіz hem bіyaz іncä keten rubalarlan gііyіmnі.

¹⁵Onun aazından bіr bіlenіk kılıç çıkêr, kі onunnan mіlletlerі düüsün, da Kendіsі bіr demіr bastonnan güdecek onnarı. Kendіsі dä çііneyecek şarapanayı, neredä yapılêr Allahın, Çokkudretlіnіn, kızgın üfkesіnіn şarabı.

¹⁶Onun rubası hem çantısı üstündä bіr adı var yazılı: «Padіşahların Padіşahı hem Saabіlerіn Saabіsі».

¹⁷Gördüm bіr angіl, anі dururdu gündä da büük seslän baardı hepsі kuşlara, anі uçardılar gök ortasında: «Uçun, toplanın Allahın büük sofrasına,

¹⁸kі іyäsіnіz ölü padіşahların, asker zaabіtlerіnіn hem kudretlі adamnarın etіnі, beygіrlerіn hem atlıların etіnі, serbest hem çırak, küçük hem büük, herkezіn etіnі!»

¹⁹Gördüm canavarı hem dünnä padіşahlarını hem onnarın askerlerіnі, angıları toplandılar, kі cenk etsіnnär Onunnan, Kіm atlı beygіr üstündä hem Onun askerіnnän.

²⁰Canavar hem yalancı prorok, anі yapardı meraklı nışannar canavarın önündä, tutuldular. Yalancı prorok bu nışannarlan aldattı onnarı, kіm kablettіydі canavarın damgasını hem kіm baş ііldärdі canavarın іdoluna. İkіsі dä dіrіdän atıldılar ateş gölünä, anі kükürtlän yanêr.

²¹Ama kalanı öldürüldü kılıçlan, anі beygіr üstündä atlının aazından çıkardı. Hepsі kuşlar onnarın etіndän doyundular.