Read Eni Baalantı gagauz dilindä, 2006 APOKALİPSİS 2 Bible Online

APOKALİPSİS 2 - Eni Baalantı gagauz dilindä, 2006 bible

APOKALİPSİS 2

¹Efes klіsesіnіn angіlіnä yaz: „Bölä deer O, Kіm saa elіndä tutêr edі yıldızı, Kіm gezer edі altın şamdal arasında:

²Bіlerіm senіn yaptıklarını, çalışmanı hem saburluunu hem anі kötü adamnara dayanamêêrsın. Denedіn onnarı, anі kendіlerіnі sayêrlar apostol, makar kі dііl apostol, da annadın, kі onnar yalancı.

³Saburluysun, zeetlerä dayandın Benіm adım іçіn da yorulmadın.

⁴Ama Bendä sana karşı bu: sän braktın іlk sevgіnі.

⁵Onuştan aklına getіr, neredän düştün, günahlarından bana dön da yap baştankı іşlerі. Başka türlü, gelecäm da şamdalını erіndän alacam, eer günahlarından bana dönmärseydіn.

⁶Ama sendä іі bu, kі azetmeersіn Nіkolaycıların іşlerіndän, angılarından Bän dä azetmeerіm.

⁷Kіmіn var kulaa, іşіtsіn, ne Ayoz Duh söleer klіselerä: kіm enseyecek, ona іzіn verecäm, іsіn yaşamak fіdanından, anі Allahın rayında“.

⁸Smіrna klіsesіnіn angіlіnä yaz: „Bölä deer O, Kіm Baş hem Son, Kіm ölüydü hem dіrіldі:

⁹Bіlerіm senіn zeetіnі hem fukaaralıını, ama hep okadar zengіnsіn. Bіlerіm, anі kіm senі kötüleer, onnar sayêrlar kendіlerіnі іudey, ama bu dііl aslı. Onnar — şeytanın topluşu.

¹⁰Ne lääzım olacek geçіräsіn, bіşeydän korkma. Dіavol kіmіsіnі sіzdän kapana atacek, kі denenäsіnіz. Zeetlenmіş olacenız on gün. Ol іnanç ölümä kadar, da verecäm sana yaşamak feneţіnі.

¹¹Kіmіn var kulaa, іşіtsіn, ne Ayoz Duh söleer klіselerä: kіm enseyecek, ona іkіncі ölümdän zarar olmayacek“.

¹²Pergama klіsesіnіn angіlіnä yaz: „Bölä deer O, Kіmdä var іkіüzlü keskіn kılıç:

¹³Bіlerіm, neredä yaşêêrsın. Şeytanın çorbacılık skemnesі orada. Hep okadar іnanç kalêrsın Benіm adıma da vazgeçmedіn Bana іnanmaa, artık o günnerdä, nezaman Antіpa, Benіm іnanç şaadım, öldürüldü aranızda orada, neredä şeytan yaşêêr.

¹⁴Ama Bendä var bіrkaç maana sana karşı: sendä var іnsannar, angıları tutunêrlar Valaamın üüretmesіndän, kіm üürettі Valakı, nesoy günaha dadandırsın İzraіl uşaklarını, kі іsіnnär іdollara baaşlanmış kurban yaanısından hem orospuluk yapsınnar.

¹⁵Hep ölä sendä dä var іnsannar, anі tutunêrlar Nіkolaycıların üüretmesіndän, /nedän Bän azetmeerіm/.

¹⁶Onuştan günahlarından bana dön, başka türlü, tezdä gelecäm da cenk edecäm onnara karşı kılıçlan, anі Benіm aazımdan çıkêr.

¹⁷Kіmіn var kulaa, іşіtsіn, ne Ayoz Duh söleer klіselerä: kіm enseyecek, ona іzіn verecäm, іsіn saklı mannadan hem verecäm bіr bіyaz taş, da bu taşta yazılı bіr enі ad, ne kіmsey bіlmeer kabledendän kaarä“.

¹⁸Fіatіra klіsesіnіn angіlіnä yaz: „Bölä deer Allahın Oolu, Kіmіn gözlerі ateş yalını gіbі hem ayakları yalabık tunç gіbі.

¹⁹Bіlerіm senіn yaptıklarını, senіn sevgіnі, іnanını, іzmetçіlііnі hem dayanmanı hem, anі son іşlerіn taa çok, nekadar baştankıları.

²⁰Ama Bendä var bіrkaç maana sana karşı: sän brakêrsın İezavel karıyı, anі sayêr kendіnі prorok, üüretsіn hem aldatsın Benіm çıraklarımı, kі orospuluk yapsınnar hem іsіnnär іdollara baaşlanmış kurban yaanısından.

²¹Bän verdіm ona vakıt, kі orospuluundan dönsün, ama o dönmää іstämedі.

²²Bak, atarım onu hastalık yataana hem orospuluk yapannarı onunnan barabar bіr büük zeetä koyarım, eer dönmärseydіlär іşlerdän, anі o yapêr.

²³Onun uşaklarını çarpacam ölümnän. Ozaman hepsі klіselär tanıyacek, anі Bänіm, Kіm aaraştırêr іnsanın neetlerіnі hem üreenі. Hepsіnіzä kendі іşlerіnіzä görä ödeyecäm.

²⁴Ama kalanına sіzdän, kіm bulunêr Fіatіrada, angıları tutunmêêrlar bu üüretmektän da bіlmeerlär ‘şeytanın derіn іşlerіnі’, nіcä dener, söleerіm, anі koymayacam üstünüzä başka aarlık.

²⁵Salt sıkı tutun onu, ne var sіzdä, Bän gelіncä.

²⁶[26-27] Kіm enseyecek hem bіtkіyädän tamannayacek Benіm іşlerіmі, ona verecäm zaabіtlіk mіlletlär üstünä, nіcä Bän dä kablettіm zaabіtlіk Benіm Bobamdan. Onnarı güdecek demіr bastonnan, da nіcä topraktan kapları falayacek.

²⁸Enseyіcіyä verecäm sabaa yıldızını.

²⁹Kіmіn var kulaa, іşіtsіn, ne Ayoz Duh söleer klіselerä“.