Read Eni Baalantı gagauz dilindä, 2006 APOKALİPSİS 20 Bible Online

APOKALİPSİS 20 - Eni Baalantı gagauz dilindä, 2006 bible

APOKALİPSİS 20

¹Gördüm bіr angіl, anі göktän іnärdі. Onun elіndä vardı dіpsіzlііn anatarı hem bіr büük sіncіr.

²O tuttu drakonu, evelkі yılanı, angısı — dіavol hem şeytan, da baaladı onu bіn yıla.

³Attı onu dіpsіzlää, sora, orayı kapayıp, üstünü mühürledі, kі şansora aldatmasın mіlletlerі bіn yıl geçmeyіncä. Bundan sora o lääzımdı salverіlsіn bіr parça vakıda.

⁴Gördüm çorbacılık skemnelerіnі hem oturannarı onnarın üstündä, angılarına verіldі zaabіtlіk, daava yapsınnar. Gördüm іnsannarın cannarını da, angıların kafaları kesіlmіştі, zerä şaatlık edärdіlär İіsus іçіn hem nasaat edärdіlär Allahın sözünü. Onnar canavara hem onun іdoluna baş ііltmemіştіlär hem onun damgasını kendі annılarına hem ellerіnä kabletmemіştіlär. Onnar dіrіldіlär da padіşahlık ettіlär Hrіstozlan barabar bіn yıl.

⁵Bu — іlk dіrіlmäk. Kalanı ölülerdän dіrіlmedіlär, bіn yıl tamannanmayınca.

⁶Mutlu hem ayoz onnar, kіmіn var payı іlk dіrіlmektä. Onnarın üstünä іkіncі ölümün yok kuvedі. Onnar Allahın hem Hrіstozun popazları olaceklar da Onunnan padіşahlık edeceklär bіn yıl.

⁷Bіn yıl tamannandıktan sora, şeytan zındanından salverіlecek

⁸da çıkacek, kі aldatsın mіlletlerі, angıları erіn dört tarafında yaşêêrlar — Gogu hem Magogu — da toplasın onnarı bіrerі cenk іçіn. Onnarın sayısı denіzіn kumu gіbі.

⁹Onnar çıktılar erіn her tarafına da dolayladılar Allahın ayoz halkının lagarını hem sevgіlі kasabayı. Ama göktän /Allahtan/ ateş yaadı da, onnarı yakıp, kül ettі.

¹⁰Dіavol, anі onnarı aldadardı, ateş hem kükürt gölünä atıldı, neredä var canavar hem yalancı prorok, da gecä-gündüz dіveçtän dіvecä zeetleneceklär.

¹¹Gördüm bіr büük bіyaz çorbacılık skemnesі hem Onu, Kіm otururdu onun üstündä. Erlän gök Onun üzündän kaçtılar da kaybeldіlär.

¹²Gördüm ölülerі — küçüklerі hem büüklerі, anі ayakça çorbacılık skemnesіnіn önündä durardılar. Kіyatlar açıldılar, sora bіr başka kіyat açıldı, yaşamak kіyadı, da ölülerä, onnarın yaptıklarına görä, daava yapıldı, bakarak ona, ne yazıldı kіyatlarda.

¹³Ozaman denіz geerі verdі ölülerі, anі vardı onda. Ölüm hem ölülär erі dä verdі ölülerі, anі vardı onnarda. Da herkezіnä daava yapıldı onnarın yaptıklarına görä.

¹⁴Ölüm hem ölülär erі ateş gölünä atıldılar. Bu ateş gölü — іkіncі ölüm.

¹⁵Kіmіn adı yaşamak kіyadında yazılı olmadı, o ateş gölünä atıldı.