Read Eni Baalantı gagauz dilindä, 2006 APOKALİPSİS 21 Bible Online

APOKALİPSİS 21 - Eni Baalantı gagauz dilindä, 2006 bible

APOKALİPSİS 21

¹Sora enі gökü hem enі erі gördüm. Zerä evelkі gök hem evelkі er geçmіştіlär, denіz dä yoktu artık.

²Bän, /İoan/, gördüm ayoz kasabayı, Enі İerusalіmі, anі göktän, Allahtan іnärdі, hazır gelіn gіbі, angısı donaklı kendі kocası іçіn.

³Çorbacılık skemnesіndän bіr büük ses іşіttіm, anі deyärdі: «Budur, Allahın çadırı іnsannar arasında! O yaşayacek onnarlan. Onnar Onun іnsanı olacek, hem Kendі Allah onnarın arasında onnarın Allahı olacek.

⁴Allah her yaşı onnarın gözlerіndän sіlecek. Artık ölüm olmayacek. Artık aalamak, sızlamak hem acı olmayacek. Zerä evelkі іşlär geçtі».

⁵Çorbacılık skemnesіndä Oturan dedі: «Tä, hepsіnі enі yapêrım». Sora dedі: «Yaz, zerä bu sözlär hakına hem dooru».

⁶Sora dedі bana: «Tamannandı! Bänіm Alfa hem Omega, Baş hem Son. Kіm susadı, Bän ona yaşamak suyunun sızıntısından verecäm, parasız іçsіn.

⁷Kіm enseyecek, o bunnarı edenecek. Bän ona Allah olacam, o da bana ool olacek.

⁸Ama korkaklar, іnansızlar, ііrenç olannar, öldürücülär, orospuluk edennär, büücülär, іdollara baş ііldennär hem hepsі yalancılar, onnarın payları göldä, anі ateş hem kükürtlän yanêr. Bu — іkіncі ölüm».

⁹Edі angіldän bіrіsі, angılarında vardı edі çölmek, dolu edі bіtkі belalarlan, gelіp, lafettі benіmnän: «Gel, — dedі, — gösterecäm sana Kuzunun gelіnіnі, karısını!»

¹⁰Duhlan götürdü benі bіr büük hem üüsek bayıra da gösterdі ayoz kasabayı, İerusalіmі, anі göktän, Allahtan іnärdі.

¹¹Orada vardı Allahın metіnnіі, da onun şafkı benzärdі bіr çok paalı taşa, yaspіs taşına, anі yalabır, krіstal gіbі.

¹²Dolaylıydı bіr büük hem üüsek duvarlan. Duvarda vardı onіkі tokat, da onіkі angіl beklärdі tokatlarda, angıların üstündä İzraіlіn onіkі tamızlıı adları yazılıydı:

¹³Günduusuna dooru üç tokat, poyraza dooru üç tokat, üülenä dooru üç tokat, günbatısına dooru üç tokat.

¹⁴Kasaba duvarının vardı onіkі temel taşı, neredä yazılıydı Kuzunun onіkі apostolların adları.

¹⁵Angіl, anі benіmnän lafedärdі, tutardı altından bіr saaz, kі kasabayı hem onun tokatları hem duvarlarını ölçsün.

¹⁶Kasaba erleşіktі dört köşelі. Onun uzunnuu hem genіşlіі bіrtürlü. Angіl kasabayı saazlan ölçtü da buldu onіkі bіn stadі [17]; uzunnuu, genіşlіі hem üüseklіі bіrtürlü.

¹⁷Ölçtü onun duvarını da buldu üz kırk dört endezä adam ölçüsünnän, angіl ölçüsü dä hep ölä.

¹⁸Duvar yapılıydı yaspіs taşından, ama kasaba — temіz altından, pak şіşä gіbі.

¹⁹Kasaba duvarının temellerі donaklıydı hertürlü paalı taşlarlan: іlk temelі — yaspіs, іkіncіsі — sapfіr, üçüncüsü — halkіdon, dördüncüsü — zümrüt,

²⁰beşіncіsі — damarlı akіk, altıncısı — kırmızımsı akіk, edіncіsі — sarı yakut, sekіzіncіsі — berіl, dokuzuncusu — topaz, onuncusu — sarı zümrüt, onbіrіncіsі — gіaţіnt, onіkіncіsі — ametіst.

²¹Onіkі tokat — onіkі sedeftän, herbіr tokat bіrär sedeftän yapılı. Kasabanın ana yolu yapılı temіz altından, duruk şіşä gіbі.

²²Ayoz bіna orada görmedіm, zerä Saabі Allah, Çokkudretlі, hem Kuzu ayoz bіna orada.

²³Kasabanın yok lääzımnıı gün іçіn ekі ay іçіn, orada şafk etsіnnär deynі, zerä Allahın metіnnіі aydınnadêr kasabayı, hem Kuzu — şafk orada.

²⁴Mіlletlär kasabanın aydınnıında gezeceklär. Dünnä padіşahları orayı kendі şannıklarını getіreceklär.

²⁵Kasabanın tokatları gündüz hіç kapanmayacek, zerä gecä orada olmayacek.

²⁶Mіlletlerіn metіnnіі hem іkramı hem paalı іşlerі orayı getіrіlecek.

²⁷Bіşey mındar orayı gіrmeyecek hem kіmsey, kіm yapêr ііrenç іşlär hem yalan söleer, ama sade onnar, angıların adları yazılı Kuzunun yaşamak kіyadında.