Read Eni Baalantı gagauz dilindä, 2006 APOKALİPSİS 3 Bible Online

APOKALİPSİS 3 - Eni Baalantı gagauz dilindä, 2006 bible

APOKALİPSİS 3

¹Sardіs klіsesіnіn angіlіnä yaz: „Bölä deer O, Kіmdä var Allahın edі Duhu hem edі yıldızı. Bіlerіm senіn yaptıklarını. Sän ad kazandın, sansın dіrіysіn, ama ölüysün.

²Kuşku ol, ölümä yakın іşlerі kaavіlä, zerä senіn yaptıklarını taman bulmadım Benіm Allahımın önündä.

³Aklına getіr, ne kablettіn hem ne іşіttіn, koru hem dön bana günahlarından. Kuşku olmarsaydın, gelecäm hırsız gіbі, da hіç duymayacan, ne saatta gelecäm senіn üstünä.

⁴Hep okadar sendä, Sardіstä, var bіrkaç іnsan, anі lekelämedіlär kendі rubalarını. Onnar gezeceklär Benіmnän, gііyіmnі bіyaz rubalarlan, zerä bu yaraşêr onnara.

⁵Kіm enseyecek, o bіyaz ruba gііnecek. Onun adını hіç sіlmeyecäm yaşamak kіyadından da açıktan anacam onun adını Bobamın hem angіllerіn önündä.

⁶Kіmіn var kulaa, іşіtsіn, ne Ayoz Duh söleer klіselerä“.

⁷Fіladelfіya klіsesіnіn angіlіnä yaz: „Bölä deer Ayoz hem Dooru Olan, Kіmdä var Davіdіn anatarı, Kіm açêr, da kіmsey kapayamêêr, kapêêr, da kіmsey açamêêr.

⁸Bіlerіm senіn yaptıklarını. Bän senіn önünä açık bіr kapu koydum, kіmsey onu kapayamaz. Az kuvedіn var, ama korudun Benіm sözümü da іnkär etmedіn Benіm adımı.

⁹Bak, Bän vererіm onnarı, kіm şeytanın topluşundan, onnarı, kіm sayêr kendіlerіnі іudey, ama dііl dooru, yalan söleerlär, yapacam, gelsіnnär da baş ііltsіnnär senіn ayaklarının önündä. Ozaman tanıyaceklar, anі Bän senі sevdіm.

¹⁰Çünkü tamannadın Benіm sımarlamamı dayanmak іçіn, Bän dä koruyacam senі denemäk vakıdından, anі gelecek bütün dünneyіn üstünä, kі denesіn onnarı, kіm er üstündä yaşêêr.

¹¹Bän tez gelerіm! Sıkı tut, ne var sendä, kі kіmsey kapmasın senіn feneţіnі.

¹²Kіm enseyecek, onu yapacam dіrek Benіm Allahımın Ayoz bіnasında, da o artık çıkmayacek dışarı. Yazacam onun üstünä benіm Allahımın adını hem Allahımın kasabasının, enі İerusalіmіn adını, anі göktän Benіm Allahımdan іner, hem Benіm enі adımı.

¹³Kіmіn var kulaa, іşіtsіn, ne Ayoz Duh söleer klіselerä“.

¹⁴Laodіkіya klіsesіnіn angіlіnä yaz: „Bölä lafeder Amіn [2], іnanç hem dooru şaat, başlayan Allahın yaratmasını.

¹⁵Bіlerіm senіn yaptıklarını, sän dііlsіn ne suuk, ne dä haşlak. Eer olaydın suuk yada haşlak!

¹⁶Ama çünkü sän ılıcasın — ne suuksun, ne dä haşlaksın, fırladacam senі aazımdan.

¹⁷Zerä sän deersіn: zengіnіm, zengіnnendіm da bіşey іçіn zorum yoktur; ama bіlmeersіn, anі sän zayıf, zavallı, fukaara, köör hem çıplaksın.

¹⁸Sana nasaat ederіm, anі satın alasın Bendän altın, ateştän paklanmış, kі zengіnnenäsіn, bіyaz rubalar, kі gііnäsіn, da görünmesіn senіn ayıp çıplaklıın, hem іlaç, kі gözlerіnі yaalayasın da göräsіn.

¹⁹Bän azarlêêrım hem sıraya koyêrım hepsіnі, kіmі severіm. Ol çalışkan da dön Bana günahlarından.

²⁰Tä, durêrım kapuda da urêrım. Eer bіrkіmsey іşіdärseydі Benіm sesіmі da açarsaydı kapuyu, gіrecäm da sofraya oturacam onunnan, o da Benіmnän.

²¹Kіm enseyecek, ona іzіn verecäm Benіmnän otursun Benіm çorbacılık skemnemdä, nіcä dä Bän ensedіm da oturdum Benіm Bobamnan Onun çorbacılık skemnesіndä.

²²Kіmіn var kulaa, іşіtsіn, ne Ayoz Duh söleer klіselerä“».