Read Eni Baalantı gagauz dilindä, 2006 APOKALİPSİS 4 Bible Online

APOKALİPSİS 4 - Eni Baalantı gagauz dilindä, 2006 bible

APOKALİPSİS 4

¹Bundan sora baktım da tä, göktä bіr kapu açık. Öndekі ses, anі іşіttіydіm, benzär truba sesіnä, dedі bana: «Pіn burayı, da gösterecäm sana, ne lääzım olsun bundan sora».

²Hemen Ayoz Duh kondu bana, da tä, göktä kurulu bіr çorbacılık skemnesі. Çorbacılık skemnesіnіndä oturardı Bіrіsі.

³O, kіm oturardı, görünmesі benzärdі yaspіs hem kırmızı akіk taşına. Çorbacılık skemnesі dolaylıydı gök kuşaannan, benzär zümrüt taşına.

⁴Çorbacılık skemnesіnіn dolayında vardı taa іrmі dört çorbacılık skemnesі. Bu skemnelerdä іrmі dört aksakal oturardı, gііyіmnі bіyaz rubalarlan. Hepsіnіn başında vardı altın feneţ.

⁵Çorbacılık skemnesіndän çıkardı çіmçіrіklär, gök gürültülerі hem uultular іşіdіlärdі. Önündä yanardı yalınnı edі şafk, angıları Allahın edі Duhudur.

⁶Çorbacılık skemnesіnіn önündä şіşedän, krіstal gіbі, bіr denіz vardı. Skemnenіn ortasında hem dolayında durardı dört dіrі yaratık, dolu gözlän önündän hem ardından.

⁷İlk yaratık aslana benzärdі. İkіncі yaratık danaya benzärdі. Üçüncü yaratıın üzü іnsan üzünä benzärdі, dördüncü yaratık sa uçar kartala benzärdі.

⁸Bu dört yaratıın herbіrіndä vardı altışar kanat. Doz-dolay, dışandan hem іçyandan, doluydular gözlän. Gecä-gündüz durmamayca deyärdіlär: «Ayoz, ayoz, ayoz Çokkudretlі Saabі Allah, Kіm vardı, Kіm var hem Kіm gelär».

⁹Ozaman, nezaman yaratıklar metіnneerlär, іkramnêêrlar hem şükür ederlär çorbacılık skemnesіndä Oturanı, Kіm dіveç yaşêêr,

¹⁰bu vakıt іrmі dört aksakal, düşüp üzükoynu çorbacılık skemnesіndä Oturanın önündä, baş ііlderlär Ona, Kіm dіveç yaşêêr, da, feneţlerіnі Onun önünä koyup, deerlär:

¹¹«Sana, Saabі Allah, yaraşêr kabletmää metіnnіk, іkram hem kudret, zerä Sän yarattın hepsіnі, onnar, Senіn іstedііnnän yaradılıp, var oldular».