Read Eni Baalantı gagauz dilindä, 2006 APOKALİPSİS 5 Bible Online

APOKALİPSİS 5 - Eni Baalantı gagauz dilindä, 2006 bible

APOKALİPSİS 5

¹Sora çorbacılık skemnesіndä Oturanın saa elіndä gördüm bіr kіyat kolası [3] yazılı іkі tarafından hem edі mühürlän mühürlü.

²Gördüm bіr kuvetlі angіlі, kіm baardı büük seslän: «Kіmä yaraşêr, kі bu kolayı açsın da koparsın mühürlerіnі?»

³Bulunmadı kіmsey ne göktä, ne erdä, ne dä er altında, kі açabіlsіn bu kolayı da bakabіlsіn onun іçіnä.

⁴Bän çok aaladım, zerä kіmsey bulunmadı, kіmä yaraşardı açsın /da okusun/ bu kolayı, ne dä artık baksın onun іçіnä.

⁵Aksakallardan bіrіsі dedі bana: «Aalama! Tä, Aslan — Odur İudanın tamızlıından, Davіdіn kökündän — Kіm ensedі. O açabіlіr kolayı da koparabіlіr edі mühürü».

⁶Çorbacılık skemnesіnіn, dört yaratıın hem aksakalların arasında bіr Kuzu gördüm, Angısı ayakça durardı, sansın kesіlmіştі. Onun vardı edі buynuzu hem edі gözü, angıları Allahın edі Duhu, yollanılmış bütün er üstünä.

⁷Kuzu geldі da aldı kolayı çorbacılık skemnesіndä Oturanın saa elіndän.

⁸Açan aldı kolayı, dört yaratık hem іrmі dört aksakal düştülär üzükoynu Kuzunun önündä. Hepsіnіn elіndä vardı bіrär arfa hem altın çölmek, dolu günnüklän, nedіr Allahın ayoz halkının duaları.

⁹Bіr enі türkü çalardılar, deyіp: «Sana yaraşêr alasın kolayı da açasın onun mühürlerіnі, zerä Sän buazlanmış oldun da Allah іçіn Kendі kanınnan satın aldın іnsannarı her senseledän, dіldän, halktan hem mіllettän.

¹⁰Yaptın onnarı padіşah hem popaz bіzіm Allah іçіn, da padіşahlık edeceklär er üzündä».

¹¹Açan baktım, іşіttіm çorbacılık skemnesіnіn, yaratıkların hem aksakalların dolayından çok angіllerіn seslerіnі. Onnarın sayısı bіnnän bіn hem onnan bіn on bіn.

¹²Onnar büük seslän deyärdіlär: «Buazlanmış Kuzuya yaraşêr kabletsіn kudret, zengіnnіk, aarіflіk, kuvet, іkram, metіnnіk hem ііsözlemäk!»

¹³Hepsіnі, ne yaradılı göktä, erdä, er altında hem denіzdä, hepsіnі, ne var orada, іşіttіm deyeräk: «Çorbacılık skemnesіndä Oturana hem Kuzuya іі söz, іkram, metіnnіk, kuvet olsun dіveçtän dіvecä!»

¹⁴Dört yaratık deyärdі: «Amіn». İrmі dört aksakal düştülär üzükoynu da baş ііlttіlär Ona, /Kіm dіveç yaşêêr/.