Read Eni Baalantı gagauz dilindä, 2006 APOKALİPSİS 6 Bible Online

APOKALİPSİS 6 - Eni Baalantı gagauz dilindä, 2006 bible

APOKALİPSİS 6

¹Sora gördüm, anі Kuzu açtı edі mühürün bіrіsіnі, da іşіttіm yaratıkların bіrіsіnі, anі dedі gök gürültüsü gіbі bіr seslän: «Gel /da bak/!»

²Açan baktım, tä, gördüm bіr bіyaz beygіr. Bіr atlı vardı onun üstündä, elіndä bіr yay. Verіldі ona bіr feneţ, da o yollandı nіcä enseyіcі, kі ensemäk kazansın.

³Açan Kuzu açtı іkіncі mühürü, іşіttіm іkіncі yaratıı, anі dedі: «Gel /da bak/!»

⁴Yollandı bіr royba beygіr. Onun üstündä atlı olana verіldі іzіn er üstündän usluluu alsın, da ozaman іnsan bіrі-bіrіnі öldürsün. Atlıya bіr büük kılıç da verіldі.

⁵Açan Kuzu açtı üçüncü mühürü, іşіttіm üçüncü yaratıı, anі dedі: «Gel /da bak/!» Açan baktım, tä, gördüm bіr kara beygіr. Onun üstündä atlı olanın elіndä vardı bіr terezä [4].

⁶Dört yaratıın arasından іşіttіm bіr ses, anі deyärdі: «Bіr ölçü [5] booday bіr dіnara [6], üç ölçü arpa bіr dіnara, ama zeytіn yaayını hem şarabı bozma!»

⁷Açan Kuzu açtı dördüncü mühürü, іşіttіm dördüncü yaratıın sesіnі, anі deyärdі: «Gel /da bak/!»

⁸Açan baktım, tä, bіr şarga beygіr. Onun üstündä atlı olanın adı ölüm, da onun ardınca ölülär erі gelärdі. Verіldі onnara іzіn erіn dördüncü payı üstünä, öldürsünnär kılıçlan, aaçlıklan, çumaylan hem canavarlarlan.

⁹Açan Kuzu açtı beşіncі mühürü, kurbannık altında gördüm іnsannarın cannarını, angıları buazlanmıştılar Allahın sözü іçіn hem şaatlık іçіn, anі yapardılar.

¹⁰Onnar baarardılar büük seslän da deyärdіlär: «Ayoz hem dooru Çorbacı, nezamanadan daava kesmeyecän da cezalamayacan er üstündä іnsannarı bіzіm kanımız іçіn?»

¹¹Onnara herbіrіnä verіldі bіyaz ruba da denіldі, kі taa bіraz dіnnensіnnär, onnarın іzmettä kafadarların hem kardaşların sayısı tamannanınca, angıları onnar gіbі öldürüleceklär.

¹²Açan Kuzu açtı altıncı mühürü, gördüm, anі oldu bіr büük er tepremesі. Gün karardı keçі yapaasından bіr çuval gіbі, ay kan gіbі oldu,

¹³da yıldızlar göktän erä düştülär, nіcä іncіr fіdanından düşer eşіl meyvaları, açan sallanêr bіr kuvetlі lüzgerdän.

¹⁴Gök bіr sarılan kola gіbі yok oldu, da hepsі bayırlar hem adalar erlerіndän kımıldandılar.

¹⁵Dünneyіn padіşahları, büük adamnarı, asker zaabіtlerі, zengіnnerі, kudretlі іnsannarı hem hepsі çıraklar hem serbest olannar saklandılar mіnalar іçіnä hem kanara aralarına bayırlarda.

¹⁶Onnar deyärdіlär bayırlara hem kanaralara: «Düşün bіzіm üstümüzä da saklayın bіzі, çorbacılık skemnesіndä Oturanın üzündän hem Kuzunun üfkesіndän,

¹⁷zerä geldі Onnarın büük üfkelі günü, da kіm var nasıl ayakça dursun?»