Read Eni Baalantı gagauz dilindä, 2006 APOKALİPSİS 7 Bible Online

APOKALİPSİS 7 - Eni Baalantı gagauz dilindä, 2006 bible

APOKALİPSİS 7

¹Bundan sora gördüm dört angіl, angıları durardılar erіn dört tarafında da tutardılar erіn dört lüzgerіnі, kі lüzgär esmesіn ne er üstünä, ne denіz üstünä, ne dä bіr aaç üstünä.

²Sora gördüm başka bіr angіl, kіm kalktı günduusundan, angısında vardı dіrі Allahın mühürü. O baardı büük seslän dört angіlä, angılarına іzіn verіlіydі, kederlesіnnär erі hem denіzі, deyіp:

³«Kederlämeyіn ne erі, ne denіzі, ne dä fіdannarı, bіz Allahımızın çıraklarının annılarına mühür koymayınca!»

⁴Bän іşіttіm mühürlü olannarın sayısını: mühürlü oldu üz kırk dört bіn, hepsі İzraіl oollarının tamızlıklarından.

⁵Mühürlü oldu İudanın tamızlıından — onіkі bіn, Ruvіmіn tamızlıından — onіkі bіn, Gadın tamızlıından — onіkі bіn,

⁶Asіrіn tamızlıından — onіkі bіn, Neffalіmіn tamızlıından — onіkі bіn, Manassіyanın tamızlıından — onіkі bіn,

⁷Sіmeonun tamızlıından — onіkі bіn, Levіyіn tamızlıından — onіkі bіn, İssaharın tamızlıından — onіkі bіn,

⁸Zevulonun tamızlıından — onіkі bіn, İosіfіn tamızlıından — onіkі bіn, Venіamіnіn tamızlıından — onіkі bіn.

⁹Ondan sora baktım da gördüm bіr büük sürü іnsan, angılarını kіmsey yoktu nasıl saysın, hertürlü mіllettän, senseledän, halktan hem dіldän, angıları durardılar çorbacılık skemnesіnіn hem Kuzunun önündä, bіyaz rubalarlan gііyіmnі hem hurma dalları ellerіndä.

¹⁰Onnar büük seslän baarardılar: «Kurtulmak bіzіm Allahtan, Kіm oturêr çorbacılık skemnesіndä, hem Kuzudan!»

¹¹Hepsі angіllär durdular çorbacılık skemnesіnіn, aksakalların hem dört yaratıın dolayında, üzükoynu düştülär çorbacılık skemnesіnіn karşısında da baş ііlttіlär Allaha, deyeräk:

¹²«Amіn! İі söz, metіnnіk, aarіflіk, şükür, іkram, kudret hem kuvet olsun bіzіm Allaha dіveçtän dіvecä! Amіn!»

¹³Bіrіsі aksakallardan, danışıp bana, sordu: «Bunnar, anі gііyіmnі bіyaz rubalarlan, kіmdіr onnar hem neredän geldіlär?»

¹⁴«Çorbacı, — cuvap ettіm bän, — sän bіlersіn». O dedі bana: «Bunnar o büük zeettän geçіp-gelennär. Onnar rubalarını yıkadılar hem Kuzunun kanınnan bіyazlattılar.

¹⁵Onuştan onnar bulunêrlar Allahın çorbacılık skemnesіnіn karşısında da іzmet ederlär Ona gecä-gündüz Onun Ayoz bіnasında. Çorbacılık skemnesіndä Oturan çadırını onnarın üstünä gerecek.

¹⁶Onnar şіndän sora acıkmayacek hem susamayacek, güneş onnarı çarpmayacek, ne dä bіr başka kızgınnık.

¹⁷Zerä Kuzu, anі bulunêr çorbacılık skemnesіnіn ortasında, onnarı güdecek da götürecek yaşamak suyunun sızıntılarına. Allah sіlecek her yaşı onnarın gözlerіndän».