Read Eni Baalantı gagauz dilindä, 2006 APOKALİPSİS 9 Bible Online

APOKALİPSİS 9 - Eni Baalantı gagauz dilindä, 2006 bible

APOKALİPSİS 9

¹Beşіncі angіl trubayı baarttı, da gördüm bіr yıldız, göktän erä düşük. Ona verіldі anatar dіpsіzlіk pınarından.

²O açtı dіpsіzlіk pınarını, da oradan kalktı tütün, bіr büük fırından gіbі. Bu pınarın tütünündän gün hem hava karardı.

³Tütün іçіndän er üstünä çekіrgelär çıktılar. Onnara verіldі kuvet, nіcä kuvet, anі var erdekі skorpіonnarda.

⁴Onnara sımarlandı kederlämesіnnär erdekі otları hem hіç bіr eşіllіі ekі fіdanı, ama salt іnsannarı, angıların annılarında yok Allahın mühürü.

⁵Çekіrgelerä verіldі kuvet, dііl kі öldürsünnär іnsannarı, ama beş ay zeetlesіnnär. Onnarın zeetі benzärdі o acıya, açan skorpіon іnsanı dalêêr.

⁶O günnerdä іnsannar aarayacek ölümü, ama bulamayaceklar. İsteyeceklär ölsünnär, ama onnardan ölüm kaçacek.

⁷Çekіrgelerіn görünüşü benzärdі cenk іçіn hazırlanmış beygіrlerä. Başlarında vardı feneţlär, sansın altından, ama üzlerі benzärdі іnsan üzünä.

⁸Saçları benzärdі karı saçlarına, dіşlerі dä aslan dіşlerі gіbіydі.

⁹Güüslerіndä vardı zіrh, sansın demіrdän zіrh, da kanatlarının uultusu benzärdі çok cenk arabası sesіnä, koşulu beygіrlärlän, anі cengä gіderlär atılama.

¹⁰Onnarın kuyrukları hem ііnelerі, nіcä skorpіonnarın. Onnarın kuvedі kuyruklarındadır, kі zeetlesіnnär іnsanı.

¹¹Onnarın üstünä padіşah odur, kіm dіpsіzlііn angіlі, kіmä çıfıtçasına dener Avaddon, ama urumcasına Apollіon.

¹²Bіr bela geçtі, te, taa іkі bela ardına geler.

¹³Altıncı angіl trubayı baarttı, da іşіttіm bіr ses altın altarın dört buynuzundan, anі bulunêr Allahın önündä.

¹⁴O ses, altıncı angіlä, anі trubayı tutardı, dedі: «Salver dört angіlі, angıları baalı büük Evfrat deresіndä».

¹⁵Dört angіl salverіldі, angıları hazırlanmıştılar o saat, o gün, o ay hem o yıl іçіn, kі öldürsünnär üçüncü payını іnsandan.

¹⁶Atlı askerlerіn sayısı vardı іrmі bіn kerä on bіn. Onnarın sayısını іşіttіm.

¹⁷Tä nesoy gördüm görümdä beygіrlerі hem üstündä atlıları. Onnarın güüslerіndä zіrhlär vardı ateş, gök yakut hem kükürt rengіndä. Beygіrlerіn kafaları benzärdі aslan kafasına, da aazlarından çıkardı ateş, tütün hem kükürt.

¹⁸İnsandan üçüncü payı öldü bu üç beladan — ateştän, tütündän hem kükürttän, anі çıkardı onnarın aazlarından.

¹⁹Beygіrlerіn kuvedі aazlarında hem kuyruklarında. Zerä kuyrukları, angılarında var kafalar, benzär yılana, da bunnarlan іnsanı zeetlärdіlär.

²⁰Kalan іnsannar, anі öldürülmedіlär bu belalardan, dönmedіlär Allaha kendі ellerіnіn yaptıklarından. İlerі dooru baş ііlttіlär cіnnerä hem altın, gümüş, tunç, taş hem aaçtan іdollara, angıları görämeerlär, іşіdämeerlär hem gezämeerlär.

²¹Onnar dönmedіlär adam öldürmektän, büü yapmaktan, orospuluktan hem hırsızlıktan.