Read Ge'ez NT – ሐዲስ ኪዳን በልሳነ ግእዝ ግብረ ሐዋርያት 23 Bible Online

ግብረ ሐዋርያት 23 - Ge'ez NT – ሐዲስ ኪዳን በልሳነ ግእዝ bible

ግብረ ሐዋርያት 23

¹ ወነጺሮ ጳውሎስ ዐውደ ይቤሎሙ አንሰኬ ኦ አኀውየ በኵሉ ትምህርት ሠናይ ተፀመድክዎ ለእግዚአብሔር እስከ ዛቲ ዕለት።

²ወአዘዘ ሊቀ ካህናት ሐናንያ ይጽፍዕዎ አፉሁ ለጳውሎስ።

³ወይቤሎ ጳውሎስ ሀሎ እግዚአብሔር ይጸፍዐከ በመቅሠፍተ መዓቱ ኦ ነኪር ዘትመስል አረፍተ ግብስስተ አንተሰ ነበርከ ትኰንነኒ በሕጉሂ ወዘእንበለ ሕጉሂ ወናሁ ትኤዝዝ ይዝብጡኒ።

⁴ወይቤልዎ ለጳውሎስ እለ ይቀውሙ በእፎ ትጼእል ሊቀ ካህናቲሁ ለእግዚአብሔር።

⁵ ወይቤሎሙ ጳውሎስ ኢያመርኩ አኀውየ ለእመ ሊቀ ካህናት ውእቱ ወይብል መጽሐፍ ኢታሕሥም ዲበ መኰንነ ሕዝብከ።

⁶ ወርእዮ ጳውሎስ ከመ አሐዱ ገጽ ሰዱቃውያን ወመንፈቆሙ ፈሪሳውያን ከልሐ በውስተ ዐውድ ወይቤ አንሰ ፈሪሳዊ ወልደ ፈሪሳዊ አነ በእንተ ተስፋ ሕይወተ ሙታን እትኴነን።

⁷ወሶበ ከመዝ ይብል ተበአሱ ፈሪሳውያን ወሰዱቃውያን ወተናፈቁ ሕዝብ።

⁸ እስመ ሰዱቃውያን ይብሉ ኢየሐይዉ ሙታን ወአልቦ መልአክ ወኢመንፈስ ቅዱስ ወፈሪሳውያንሰ የአምኑ ከመ ቦ ዝንቱ ኵሉ።

⁹ ወኮነ ዐቢይ አውያት ወተንሥኡ ጸሐፍት ወፈሪሳውያን ወአኀዙ ይትአበሱ ወይትላኰዩ ወይቤሉ አልቦ ዘረከብነ እኩየ ላዕለ ዝ ብእሲ እንዳዒ ለእመ መንፈስ ቅዱስ ተናገሮ አው መልአክ ወኢንትበአስ ምስለ እግዚአብሔር[26]።

¹⁰ወሶበ ተሀውኩ ፈድፋደ ፈርሀ መልአክ ኢይምሥጥዎ ለጳውሎስ ወአዘዘ ሠገራተ ይምጽኡ ወይንሥእዎ እማእከሎሙ ወይሰድዎ ኀበ ምኵናን።

¹¹ ወበካልእት ሌሊት አስተርአዮ እግዚእነ ለጳውሎስ ወይቤሎ ተአመን በከመ ኮንከኒ ሰማዕትየ በኢየሩሳሌም ከማሁ ሀለወከ ትኩነኒ ሰማዕትየ በሮሜሂ።

¹²ወጸቢሖ ተጋብኡ አይሁድ ወተማሐሉ ወተሰካተዩ ወሐረሙ ኅብስተ ወማየ ወይቤሉ ኢንብላዕ ወኢንስተይ እስከ ንቀትሎ ለጳውሎስ።

¹³ወእለሰ ከመዝ ተማሐሉ ይበዝኁ እምአርብዓ ብእሲ።

¹⁴እሙንቱሰ ሖሩ ኀበ ሊቃነ ካህናት ወረበናት ወይቤልዎሙ ናሁኬ ተማሐልነ ወተሰካተይነ ከመ ኢንብላዕ ወኢንስተይ እስከ ንቅትሎ ለጳውሎስ።

¹⁵ወይእዜኒ ሑሩ ኀበ መልአክ ወበልዎ ከመ ያምጽኦ ለጳውሎስ ኀቤክሙ ከመ ዘተሐትትዎ ወትጤይቅዎ ወንሕነሰ ጥቡዓን ንሕነ ንቅትሎ ዘእንበለ ይብጻሕ ኀቤክሙ።

¹⁶ወሰሚዖ ወልደ እኅቱ ለጳውሎስ ምክሮሙ ሖረ ወቦአ ቤተ ሞቅሕ ወነገሮ ለጳውሎስ።

¹⁷ወጸውዖ ጳውሎስ ለሐቢ ወይቤሎ አብጽሖ ሊተ ኀበ መልአክ ለዝ ወልድ እስመ ቦ ነገር ዘይነግሮ።

¹⁸ወነሥኦ ሐቢ ለወልድ ወወሰዶ ኀበ መልአክ ወይቤሎ ጳውሎስ ሙቁሕ አስተብቍዐኒ አብጽሖ ኀቤከ ለዝ ወልድ እስመ ቦ ዘይነግረከ።

¹⁹ወአኀዞ መልአክ ለወልድ በእዴሁ ወአግኀሦ በባሕቲቱ ወይቤሎ ምንትኑ ነገሩ ዘታየድዐኒ።

²⁰ወይቤሎ ከመዝ ተማከሩ አይሁድ ያስተብቍዑከ ታምጽኦ ጌሠመ ለጳውሎስ ውስተ ዐውድ ከመ ትሕትቶ ወትጠይቆ።

²¹አንተኬ ኦሆ ኢትበሎሙ እስመ ይጸንሑ ይቅትልዎ ወይበዝኁ እምአርብዓ ዕደው እለ ከመዝ ተማሐሉ ኢይብልዑ ወኢይስተዩ እስከ ይቀትልዎ ወይእዜኒ ጥቡዓን እሙንቱ ዳእሙ እስከ ትልእክ ሎሙ ይጸንሕዎ።

²²ወእምዝ ፈነዎ መልአክ ለውእቱ ወልድ ወይቤሎ ከመ ኢይንግር ወኢለመኑሂ እምዘነገሮ።

²³ወጸውዐ ክልኤተ እምወዓልያኒሁ ወይቤሎሙ ንሥኡ ክልኤተ ምእተ ብእሴ እምውስተ ሐራ ወሰብዓ ሰብአ አፍራስ ወክልኤተ ምእተ[27] ሰብአ ቀስት ወይሑሩ ቂሳርያ ጊዜ ሠለስቱ ሰዓተ ሌሊት።

²⁴ወአዘዞሙ ወይቤሎሙ ከመ ይንሥኡ አድገኒ ወያጽዕንዎ ለጳውሎስ ወያብጽሕዎ ኀበ ፊልክስ መልአከ ቂሳርያ ወገብሩ ከማሁ።

²⁵ወጸሐፈ ሎቱ መጽሐፈ እንተ ትብል።

²⁶እምቀላውዴዎስ ሉስዮስ ለጽኑዕ መኰንን ፊልክስ ሰላም ለከ።

²⁷ ለዝአ ብእሲአ አኀዝዎአ አይሁድአ ወፈቀዱአ ይቅትልዎአ ወቆምኩአ ሎቱአ ምስለአ ወዓልየአ ወአድኀንክዎአ አእሚርየአ ከመ ሰብአ ሮሜአ ውእቱአ።

²⁸ ወፈቂድየ አእምር ጌጋዮ አቅረብክዎ ውስተ ዐውድ ወሐተትኩ ከመ በእንተ ምንት ያስተዋድይዎ።

²⁹ ወኢረከብኩ ሎቱ ጌጋየ ወአእሚርየ ከመ በከ ያስተዋድይዎ በእንተ ሕገጊሆሙ ወአልቦ ባዕድ ጌጋይ በዘይመውት ወበዘይትሞቃሕ።

³⁰ ወሶበ ጠየቁ ኀለይኩ ዘይገብሩ አይሁድ ዲበ ዝ ብእሲ በጸኒሕ ፈነውክዎ ኀቤከ ፍጡነ ወአዘዝክዎሙ ለመስተዋድያንሂ ይምጽኡ ኀቤከ ወይትኳነንዎ በቅድሜከ ዳኅነ ሀሉ።

³¹ወገብሩ ሐራ በከመ አዘዞሙ ወነሥእዎ ለጳውሎስ በሌሊት ወአብጽሕዎ አንቲጳጥሪስ።

³²ወበሳኒታ ተመይጡ ውስተ አህጉረ አድያም ወአውዐሉ አፍራሲሆሙ።

³³ወእምዝ ቦኡ እሉ ቂሳርያ ወበጽሑ ኀበ መኰንን ወመጠውዎ መጽሐፈ መልእክት ለመኰንን ወአቅረብዎ ለጳውሎስ ኀቤሁ።

³⁴ወአንቢቦ ሐተቶ ዘእምኵናነ መኑ ውእቱ ወአእሚሮ ከመ ዘሀገረ ቂልቅያ ውእቱ።

³⁵ይቤ እንከሰ በጺሖሙ መስተዋድያን ንሰምዐከሙ ወአዘዘ ይዕቀብዎ ኀበ ምኵናነ ሄሮድስ።