Read gen Gɔ̃mèjèje be Xoma 36 Bible Online

Gɔ̃mèjèje be Xoma 36 - gen bible

Gɔ̃mèjèje be Xoma 36

¹Ekèa ye nyi Esaò, wo gbà yɔna be Edɔ̀m be xòmè.

²Esaò ɖè Kanàn be nyɔ̃nùwo: Adà kè nyi Hitìtɔ Elɔ̀n be nyɔ̃nùvia Òhòlibamà kè nyi Hivìtɔ Sibeɔn be èvi nyɔ̃nù Anà be nyɔ̃nùvia,

³ku Bàsmatà, Nebàyɔtà be dàda kè nyi Ismàɛl be nyɔ̃nùvia.

⁴Adà jì Elifaz na Esaò eye Bàsmatà ya jì Rewùɛl.

⁵Òhòlibamà cã jì Yewùs, Yaelàm ku Koràh. Ekèawo ye nyi Esaò be ŋusùvi kè wo jì na ɛ̀ lè Kanàn nyigbã jia.

⁶Esaò kplɔ̀ èsrɔ̃awo, èvia ŋusùwo ku nyɔ̃nùawo, àmè kèwo kpata lè yebe àxomèa, àlɛ̃awo, yebe èlãha kpata ku ènu kèwo keŋu nyi ye tɔ̀ lè Kanàn nyigbã jia, e yomè a e hũ jo lè nɔ̀via Yakɔb gbɔ yì nɔ̀ àgo bu ji.

⁷Nyàwo, woabe àdɔ̀kùnuwo sùgbɔ kaka ne woa teŋu nɔ̀ èdu eye ànyigbã kè ji wo nyi àmèjro lèa, mu gbà sù na woabe hiãhiãwo ò, ɖo woabe èlãhawo ŋuti.

⁸Esaò yì sò àxue ɖo Seyirà be ètoa ji: Esaò ye gbà nyi Edɔ̀m

⁹Ekèa ye nyi Esaò kè nyi edɔ̀mtɔ kèwo lè Seyirà be ètoa jia be jìjimè.

¹⁰Ekèa ye nyi Esaò be èvi ŋusùwo be nyikɔ: Elifaz, Esaò be èsrɔ̃ Adà be èvi ŋusù ku Rewùɛl, Esaò be èsrɔ̃ Basmàt be èvi ŋusù.

¹¹Elifaz be èvi ŋusùwo nyi: Temàn, Omàr, Sefò, Gaetàm ku Kenàz.

¹²Esaò be èvi ŋusù Elifaz gbà ɖè Timnà cã. E jì ŋusùvi ɖèka na ɛ̀, eye wo yɔna ɛ̀ be Àmàlɛk. Ekèawo ye nyi Esaò be èsrɔ̃ Adà be èvi ŋusùwo.

¹³Rewùɛl be èvi ŋusùwo nyi: Nàhat, Zerà, Camà ku Mizà. Ekèwo ye nyi Esaò be èsrɔ̃ Basmàt be èvi ŋusùwo.

¹⁴Sibeɔn be èvi nyɔ̃nù Anà be èvi nyɔ̃nù Òhòlibamà kè nyi Esaò be èsrɔ̃a, be èvi ŋusùwo nyi: Yewùs, Yaelàm ku Koràh.

¹⁵Ekèawo ye nyi Esaò be èvi ŋusùwo be àmègãwo: Elifaz, kè nyi Esaò be èvi cucugbãa, be èvi ŋusùwo: èga Temàn, èga Omàr, èga Sefò, èga Kenàz,

¹⁶èga Koràh, èga Gaetàm, èga Àmàlɛk. Woawo ye nyi Elifaz be àmègãwo lè Edɔ̀m nyigbã ji. Wo gbà le nyi Adà be jìjimèviwo.

¹⁷Ekèawo ye nyi Rewùɛl be èvi ŋusù kèwo nyi Esaò be jìjimèawo: èga Nàhat, èga Zeràh, èga Camà, èga Mizà. Woawo ye nyi Rewùɛl be ègawo lè Edɔ̀m nyigbã ji, wo gbà nyi Esaò be èsrɔ̃ Basmàt be jìjimèviwo.

¹⁸Ekèawo ye nyi Esaò be èsrɔ̃ Òhòlibamà be èvi ŋusùwo: èga Yewùs, èga Yaelàm, èga Koràh. Woawo ye nyi Esaò be èsrɔ̃ Òhòlibamà kè nyi Anà be èvi nyɔ̃nùa be ègawo.

¹⁹Ekèawo ye nyi Esaò be èvi ŋusùwo be àmègãwo kè gbà nyi Edɔ̀m be dùkɔ̃a.

²⁰Ekèawo ye nyi Hòritìtɔ kèwo lè Seyirà be ànyigbã jia be ŋusùviwo: Lotàn, Cobàl, Sìveɔ̀n, Anà,

²¹Dicɔ̀n (Disɔ̀n), Esɛ̀r ku Disàn. Woawo ye nyi Hòritì be ègawo, Seyirà be viwo, lè Edɔ̀m nyigbã ji.

²²Lotàn be èvi ŋusùwo nyi: Horì ku Hemàm, eye Timnà nyi Lotàn be nɔ̀vi nyɔ̃nù.

²³Cobàl be èvi ŋusùwo nyi: Alvàn, Mànahàt, Evàl, Cefò ku Onàm.

²⁴Sìveɔ̀n be èvi ŋusùwo nyi Ayà ku Anà. Eye Anàa ye yì kè ɖo èsìdoa ŋuti lè zògbèa ji wàlɛbɛ kè be kplɔ̀ ètɔa Sìveɔ̀n be èsɔ àkɛtɛwo yì ènuɖùgbea.

²⁵Anà be èviwo ye nyi Disɔ̀n ku Òhòlibamà, Anà be èvi nyɔ̃nù.

²⁶Disɔ̀n be èviwo nyi Hɛmdàn, Ɛsbàn, Yitràn ku Keràn.

²⁷Esɛ̀r be èvi ŋusùwo nyi Bilhàn, Zavàn, Akàn.

²⁸Disàn be èvi ŋusùwo nyi Wusè ku Aràn.

²⁹Ekèawo ye nyi Horìtɔwo be ègawo: èga Lotàn, èga Cobàl, èga Sìveɔ̀n, èga Anà,

³⁰èga Disɔ̀n, èga Esɛ̀r, èga Disàn. Woawo ye nyi Horìtɔwo be ègawo lè woabe kɔ̀tawo mè lè Seyirà be ànyigbã ji.

³¹Ekèawo ye nyi èfìɔ kèwo nɔ̀ Edɔ̀m-nyigbã ji va yì gbɔ̀xue Izràɛlvi va ɖù èfìɔ:

³²Belà kè nyi Deɔ̀r be èvi ŋusùa ɖùfìɔ lè Edɔ̀m be ànyigbã ji eye yebe èdùgã be nyikɔ ye nyi Dinabà.

³³Belà ku, eye Yobàv kè nyi Zeràh kè so Bosrà a be èvi ŋusùa ɖùfìɔ ɖo e tèpe.

³⁴Yobàv ku, eye Husàm kè so Temànviwo be ànyigbã jia ɖùfìɔ ɖo e tèpe.

³⁵Hucàm ku, e yomè a Hadàd kè nyi Bedàd be èvi ŋusùa ɖùfìɔ ɖo e tèpe. E ye tù Madìan be èdùa lè Mòab be àgblèta; yebe èdùgã be nyikɔ ye nyi Àvitè.

³⁶Hadàd ku, e yomè a Sàmla kè so Màsrekà ɖùfìɔ ɖo e tèpe.

³⁷Sàmla ku, e yomè a Sawùl kè so Rèhobɔ̀t kè lè ètɔ̀ gbɔa ɖùfìɔ ɖo e tèpe.

³⁸Sawùl ku e yomè a, Baal-Hanàn kè nyi Akbɔ̀r be ŋusùvia ɖùfìɔ ɖo e tèpe.

³⁹Akbɔ̀r be èvi Baal-Hanàn ku e yomè a Hadàr ɖùfìɔ ɖo e tèpe; yebe èdùgã be nyikɔ ye nyi Pawù. Èsrɔ̃a be nyikɔ ye nyi Mèhetavɛ̀l kè nyi Matrɛ̀d kè so Mɛ̀-Zahàv be àgo jia be èvi nyɔ̃nù.

⁴⁰Ekèawo ye nyi Esaò be ègawo so woabe kɔ̀tawo ku woabe sope vòvòvòwo: èga Timnà, èga Alvà, èga Yètɛtè,

⁴¹èga Òhòlibamà, èga Elà, èga Pinɔ̀n,

⁴²èga Kenàz, èga Temàn, èga Mivsàr,

⁴³èga Magdìɛl, èga Iràm. Woawo ye nyi Edɔ̀m nyigbã ji be ègawo sɔ zɔ̃ ɖo woabe kɔpe vòvòvòwo nu lè ànyigbã kè ji wo ɖùfìɔ lèa ji. Esaò ye sò Edɔ̀m be èdùa.