Read gen Gɔ̃mèjèje be Xoma 5 Bible Online

Gɔ̃mèjèje be Xoma 5 - gen bible

Gɔ̃mèjèje be Xoma 5

¹Ekèa nyi Adàm be jìjimè be xoma. Ekè Mawu ɖo Adàm vɔ̀a, e wɔ̀ ɛ̀ ɖo ye ŋutɔ be nɔ̀nɔmè mè.

²E wɔ̀ wo ŋusù ku nyɔ̃nù, E tu sì na wo eye e ɖo àmè be nyikɔ na wo lè woabe ɖoɖo mè.

³Ekè Adàm nɔ̀ àgbè èpè èkà ètɔ̃ ci èwoa (130), lè yebe nɔ̀nɔmè mèa, Adàm jì ŋusùvi kè ɖìa eye e yɔ ɛ̀ be Setì.

⁴Ekè Adàm jì Setì vɔ̀a, e gbà nɔ̀ àgbè èpè èkà èwì (800) eye e gbà jì èvi ŋusùwo ku nyɔ̃nùwo.

⁵Adàm be àgbè nɔ̀ zã kpata nyi èpè èkà èwì vɔ ètɔ̃ ci èwo (930) eye e ku.

⁶Ekè Setì nɔ̀ àgbè èpè èkà èvè takpo ci àtɔ̃a (105), e jì Enɔ̀s.

⁷Kè e jì Enɔ̀s vɔ̀a; Setì gbà nɔ̀ àgbè èpè èkà èwì vɔ adrɛ̃ (807) eye e jì èvi ŋusù ku nyɔ̃nùwo.

⁸Setì be àgbè nɔ̀ zã kpata nyi èpè èkà èwì vɔ èvè takpo ci woèvè (912) eye e ku.

⁹Ekè Enɔ̀k xɔ̀ èpè èkà èvè ci èwoa (90), e jì Kenàn.

¹⁰Kè e jì Kenàn vɔ̀a, Enɔ̀s nɔ̀ àgbè èpè èkà èwì ci woeàtɔ̃ (815) eye e gbà jì èvi ŋusù ku nyɔ̃nùwo.

¹¹Enɔ̀s be àgbè nɔ̀ zã kpata nyi èpè èkà èwì vɔ èvè takpo ci àtɔ̃ (905) eye e ku.

¹²Ekè Kenàn xɔ̀ èpè èkà takpo ci èwoa (70), e jì Màhalalɛ̀l.

¹³Kè e jì Màhalalɛ̀l vɔ̀a, Kenàn nɔ̀ àgbè èpè èkà èwì vɔ ɖèka (840) eye e gbà jì èvi ŋusù ku nyɔ̃nùwo.

¹⁴Kenàn be àgbè nɔ̀ zã kpata nyi èpè èkà èwì vɔ èvè takpo ci èwo (910) eye e ku.

¹⁵Ekè Màhalalɛ̀l xɔ̀ èpè èkà takpo ci àtɔ̃a (65), e jì Yɛrɛ̀d.

¹⁶Kè e jì Yɛrɛ̀d vɔ̀a, Màhalalɛ̀l nɔ̀ àgbè èpè èkà èwì takpo ci èwo (830) eye e gbà jì èvi ŋusù ku nyɔ̃nùwo.

¹⁷Màhalalɛ̀l be àgbè nɔ̀ zã kpata nyi èpè èkà èwì vɔ èvè ci woeàtɔ̃ (895) eye e ku.

¹⁸Ekè Yɛrɛ̀d xɔ̀ èpè èkà ènè ci èvèa (162), e jì Henɔ̀k.

¹⁹Kè e jì Henɔ̀k vɔ̀a, Yɛrɛ̀d nɔ̀ àgbè èpè èkà èwì (800) eye e gbà jì èvi ŋusù ku nyɔ̃nùwo.

²⁰Yɛrɛ̀d be àgbè nɔ̀ zã kpata nyi èpè èkà èwì vɔ ènè ci èvè (962) eye e ku.

²¹Ekè Henɔ̀k xɔ̀ èpè èkà takpo ci àtɔ̃a (65), e jì Mètuselàh.

²²Kè e jì Mɛ̀tuselàh vɔ̀a, Henɔ̀k zɔ̃ ku Mawu èpè èkà adrɛ̃ takpo (300) eye e jì èvi ŋusù ku nyɔ̃nùwo.

²³Henɔ̀k be àgbè nɔ̀ zã kpata nyi èpè èkà àsiɖèkɛ ci àtɔ̃ (365).

²⁴Kè e nyi be e zɔ̃ ku Mawu a, e bu, ɖo Mawu va sɔ ɛ̀ jo.

²⁵Ekè Mɛ̀tuselàh xɔ̀ èpè èkà ènè takpo ci adrɛ̃ a (187), e jì Lamèk.

²⁶Kè e jì Lamèk vɔ̀a, Mɛ̀tuselàh gbà nɔ̀ àgbè èpè èkà woeàsiɖèkɛ ci èwì vɔ èvè (782) eye e jì èvi ŋusù ku nyɔ̃nùwo.

²⁷Mɛ̀tuselàh be àgbè nɔ̀ zã kpata nyi èpè èkà èwì vɔ ènè ci àsiɖèkɛ (969) eye e ku.

²⁸Ekè Lamèk xɔ̀ èpè èkà ènè takpo ci èvèa (182) e jì èvi ŋusù ɖèka.

²⁹E ɖo nyikɔ na ɛ̀ be Nɔà gblɔ̃ be: “Àmè kèa la fa àkɔ na mi lè àyà ku èfũ kpekpe kè ànyigbã le do na mia mè. Ànyigbã kè Tɔhonɔ̀ sɛ̃kpɛ̃ na a.”

³⁰Kè e jì Nɔà vɔ̀a, Lamèk gbà nɔ̀ àgbè èpè èkà woènè gbã vɔ àtɔ̃ (595) eye e jì èvi ŋusù ku nyɔ̃nùwo.

³¹Lamèk be àgbè nɔ̀ zã kpata nyi èpè èkà woeàsiɖèkɛ ci woeadrɛ̃ (777) eye e ku.

³²Eye Nɔà xɔ̀ èpè èkà woèvè takpo (500) wàlɛbɛ kè e jì Sɛm, Cam ku Jafɛ̀t.