Read gen 1Kronikà 2 Bible Online

1Kronikà 2 - gen bible

1Kronikà 2

¹Izràɛl be èviwo be nyikɔ ye nyi ekèawo: Rubɛ̀n, Simeɔ̀n, Levì, Yudà, Isakàr ku Zabulɔ̀n

²Dàn, Yosɛ̀f ku Bɛnyamìn, Neftalì, Gad kudo Àsɛr.

³Yudà ŋutɔ jì èvi ètɔ̃ lè Suà be èvi, Kanàn-nyɔ̃nùa be àdɔ̀mè. Woawo ye nyi Ɛr, Onàn ku Selà. Vɔ̀a, Ɛr, àmègãxoa jè àgɔ̀ veve ɖe lè Tɔhonɔ̀ be ŋùmè, eye Tɔhonɔ̀ na, be ku.

⁴E yomè a, Tamàr, Ɛr be èsrɔ̃a jì Perɛz ku Zerà na ètoa Yudà. Èvi àtɔ̃ ye Yudà jì.

⁵Perɛ̀s be èviwo ye nyi: Hɛsrɔ̀n ku Hamul.

⁶Zerà be èviwo ye nyi: Zimrì, Etàn, Emàn, Kalkɔ̀l, ku Darà. Woa kpata, wo lè àmè àtɔ̃.

⁷Karmì be èviwo ye nyi Àkar kè hɛ̃ gbledo va Izràɛlviwo ji, wàlɛbɛ kè be zĩ bùsunu ɖewo kè wo ɖo la sɔ na Mawu a jia.

⁸Etàn be èvi ye nyi Àzarìa.

⁹Hɛsrɔ̀n be èviwo ye nyi: Yɛrahmèl, ku Ram kudo Kelubai.

¹⁰Ram jì Aminadàb. Aminadàb jì Nahsɔ̀n kè nyi Yudà be jìjimèviwo be ŋùkɔ̀nɔ̀tɔa.

¹¹Nahsɔ̀n jì Salmà. Salmà jì Booz.

¹²Booz jì Obɛd. Obɛd jì Jesè.

¹³Jesè be èvi cucugbãa ye nyi Eliab. Abinadab kplɔ̀ ɛ̀ do. Ètɔ̃gɔ̃a ye nyi Simèa.

¹⁴Ènègɔ̃a ye nyi Netanèl. Àtɔ̃gɔ̃a ye nyi Radai.

¹⁵Àdɛ̃gɔ̃a ye nyi Osɛ̀m. Adrɛ̃gɔ̃ a ye nyi David.

¹⁶Woa nɔ̀vi nyɔ̃nùwo ye nyi Seruyà ku Àbìgaɛl. Seruyà jì ŋusùvi ètɔ̃: Abisai, Yoab ku Asà.

¹⁷Àbìgaɛl jì Àmasà na Yetɛr kè so Ismàɛl be jìjimèa.

¹⁸Kàlɛb, Hesrɔ̀n be èvia be èsrɔ̃ Àzubà jì ŋusùvi kèwo ye nyi: Yesɛ̀r, Sovab ku Adrɔ̀n. Àzubà jì nyɔ̃nùvi ɖèka na Kàlɛb. Wo yɔna nyɔ̃nùvia be Yeriɔt.

¹⁹Ekè Àzubà kua, Kàlɛb ɖè Efrat eye Efrat jì Hur.

²⁰Hur jì Urì. Urì jì Besàlɛl.

²¹Ekè Hesrɔ̀n ɖo èpè èkà takpoa (60), e ɖè Makìr kè le nyi Gilead be ètɔa be èvi nyɔ̃nù, eye wo jì Segub.

²²Segub jì Yàir. Yàir ɖo èdù wìvɔàtɔ̃ lè Gilead-nyigbã ji.

²³Vɔ̀a, Gɛsur be èfìɔ ku Aràm be èfìɔwo xɔ̀ Yàir be kɔpewo ku Kenà be èdùa kudo kɔpe kèwo pòxla èdùa, eye èdù kèwo wo xɔ̀awo kpata lè èdù èkà-takpo. Àmè kèwo ye wɔ̀ ènu kèawo kpata nyi Makìr, Gilead be ètɔ be èviwo.

²⁴Ekè Hesrɔ̀n kua, Kàlɛb ɖè Efratà, ètɔa Hesrɔ̀n be èsrɔ̃, eye Efrat jì Asehur, Tekoa be ètɔ.

²⁵Hesrɔ̀n be èvi cucugbã kè wo yɔna be Yeramèl be èviwo ye nyi: Ram, àmègãxoa, Bunà, Orɛ̀n, Osɛ̀m ku Ahiyà.

²⁶Yeramèl ɖè nyɔ̃nù bu kè wo yɔna be Atarnà a, eye be jì Onàm.

²⁷Ram kè nyi Yeramèl be èvi cucugbãa be èviwo ye nyi: Maas, Yamìn ku Ekɛ̀r.

²⁸Onàm be èviwo ye nyi: Samai ku Yadà. Samai be èviwo ye nyi Nadàb ku Abisur.

²⁹Abisur be èsrɔ̃ be nyikɔ ye nyi Abihayil. Abihayil jì Ahbàn ku Mɔlid.

³⁰Nedab be èviwo ye nyi Sɛlɛ̀d ku Apaìm. Sɛlɛ̀d mu jì èvi ɖekpe gbɔ̀xue ku ò.

³¹Apaìm be èvi ye nyi Yisì. Yisì jì Sesàn. Sesàn jì Ahlaì

³²Samai be nɔ̀vi, Yadà jì Yetɛr ku Yonatàn. Yetɛr mu jì èvi ɖekpe gbɔ̀xue ku ò.

³³Yonatàn be èviwo ye nyi Pelɛt ku Zazà. Àmè kèawo keŋu ye nyi Yeramèl be jìjimèviwo.

³⁴Sesàn mu jì ŋusùvi ò. Nyɔ̃nùviwo kpò be jì. Sesàn be kluvi ɖe nyi Ejiptètɔ. Wo yɔna ɛ̀ be Yarhà.

³⁵Sesàn sɔ èvia nyɔ̃nùvi na Yarhà, be ɖè, eye wo jì Ataì.

³⁶Ataì jì Natàn. Natàn jì Zàbad.

³⁷Zàbad jì Ɛfàl. Ɛfàl jì Obɛd.

³⁸Obɛd jì Yehù. Yehù jì Àzarìa.

³⁹Àzarìa jì Helɛs. Helɛs jì Eleazàr

⁴⁰Eleazàr jì Sismai. Sismai jì Salum.

⁴¹Salum jì Yekamyà. Yekamyà jì Elisamà.

⁴²Kàlɛb be èvi, Yerahmèl be nɔ̀vi Mesà be èviwo: àmègãxoa jì Zif; e yomètɔ̀ Maresà jì Hebrɔ̀n.

⁴³Hebrɔ̀n be èviwo ye nyi: Koràh, Tapùa, Rekɛ̀m ku Sɛmà.

⁴⁴Sɛmà jì Raham eye Raham jì Yɔrkeam, eye Rekɛ̀m jì Samai.

⁴⁵Samai jì Mahɔ̀n, eye Mahɔ̀n jì Bet-Sur.

⁴⁶Eifa, Kàlɛb be àzìãvia[1] jì Haràn, Mɔsà ku Gazɛ̀z. Haràn cã jì èvi eye be yɔ ɛ̀ be Gazɛ̀z.

⁴⁷Yahdai jì Regɛ̀m, Yotàm, Gesàn, Pelɛt, Eifa ku Saaf.

⁴⁸Kàlɛb be èsrɔ̃ èvègɔ̃a Maakà jì Sɛbɛ̀r ku Tirhanà.

⁴⁹Maakà gbà jì Saaf. Saaf jì Madmana ku Sevà. Sevà jì Makbenà ku Gibea. Kàlɛb jì nyɔ̃nùvi ɖèka kè be nyikɔ nyi Aksà.

⁵⁰Àmè kèawo keŋu nyi Kàlɛb be èviwo. Kàlɛb be èvi buwo ye nyi ekèawo: Hur nyi Kàlɛb ku èsrɔ̃a, Efratà be èvi àmègãxoa. Hur jì Sobàl. Sobàl jì Kiriàt-Yearim.

⁵¹Salmà, woabe èvi èvègɔ̃a ye tù Bɛtlɛhɛ̀m be èdùa. Woabe èvi ètɔ̃gɔ̃a, Harɛf tù Bɛt Gadɛr.

⁵²Sobàl kè tù Kiriàt-Yearim be èdùa ɖo jìjimèvi bu kèwo so Haroɛ be xòmè mèa. Haroɛ ye jì Manahatviwo be hɛ̃nu be mamã mè,

⁵³ku Kiriàt-Yearim be kɔ̀ta mèvi kèwo nyi: Itrìviwo, Putviwo, Sumàtviwo ku Misràyimvi kèwo ye nyi Ejiptèviwoa. Àmè kèawo mè ye Zoràtviwo ku Estaulìviwo to so.

⁵⁴Salmà be jìjimèviwo ye nyi: Bɛtlɛhɛ̀m, Nètofà, Atrɔ̀t-Bɛt-Yoab, Manahat be hɛ̃nua be mamã mè, ku Sorà.

⁵⁵Yebe jìjimèviwo ke ye nyi xomanyatɔ kèwo ye so Yabɛ̀s be èdùa mè, ekèwo ye nyi Tirhàtviwo, Simeatviwo ku Sukatviwo. Àmè kèawo nyi Kinìvi kèwo so Hamàt, Rekàbviwo be tɔgbe be hɛ̃nu mè.