Read gen 1Kronikà 25 Bible Online

1Kronikà 25 - gen bible

1Kronikà 25

¹David ku àhùaŋùkɔ̀nɔ̀tɔwo ɖè Àsaf, Hemàn ku Yedutùn be èviwo ɖovò na sùmɔ̀ sumɔ be èdɔa. Àmè kèawo sɔna ènyà kèwo Mawu gblɔ̃nà ɖɛ to woa jia sɔ jìnà èhà, eye wo pònà èkàsãŋùgu, pònà gàkokoe eye wo pònà èhũ ɖo e ŋuti. Àmè kèwo ye wɔ̀nà èdɔ kèawo be nyikɔwo ye nyi ekèa:

²Àsaf be jìjimèviwo. Zàkur, Yosɛ̀f, Netanìa ku Asareyà nɔ̀ woa tɔ Àsaf be kpɔ̀kplɔ gɔ̃mè. Woa tɔ gblɔ̃nà ènyà ɖɛ, eye be sɔna ènyà kè Tɔhonɔ̀ gblɔ̃ to e jia jìnà èhà, lè èfìɔa be ɖoɖo nu.

³Yedutùn be èviwo: Gedalìa, Serì, Ezayà, Hasabìa, Mititìa ku Simei. Woa tɔ, Yedutun nɔ̀ ŋùkɔ̀ na wo àmè àdɛ̃ a, eye be pònà sãŋùgu, sɔ kafuna Tɔhonɔ̀, wàlɛbɛ kè be le gblɔ̃ ènyà ɖɛa.

⁴Henàn be èviwo: Bukiyà, Mataniyà, Uziɛl, Yerimɔ̀t, Hananiyà, Hananì Eliatà, Gidaltì, Romàmtì-Ɛzɛr, Yosbekasà, Malɔtì, Hotìr, Mahaziɔ̀t,

⁵Àmè kèawo keŋu nyi Henàn be èviwo. Henàn kèa nyi èfìɔ be àvìmènukpɔtɔ, eye be ɖona Mawu be ègbè na èfìɔa, sɔ kɔ̀nà Mawu be nyikɔ ŋuti. Mawu na ŋusùvi woènè ku nyɔ̃nùvi ètɔ̃ Henàn.

⁶Àmè kèawo keŋu jìnà èhà lè Tɔhonɔ̀ be àxuea mè, eye wo kafuna Mawu ku gàkokoewo, sãŋùguwo kudo èkà-sãŋùguwo, lè woa tɔ Henàn be kpɔ̀kplɔ gɔ̃mè. Wo sɛ̃nà Mawu lè Tɔhonɔ̀ be àxuea mè, eye Àsaf, Yedutùn ku Henàn ye nɔ̀nà ŋùkɔ̀ na wo, lè èfìɔa be kpɔ̀kplɔ gɔ̃mè.

⁷Àmè kèawo ku woa nɔ̀viwo kpla èhà jìji, èhũ pòpo, sãŋùgu pòpo, ne woa sɔ nɔ kafu Tɔhonɔ̀. Woa ku woabe ŋùkɔ̀nɔ̀tɔwo be hɛ̃hlɛ̃ mè lè àgbètɔ èkà adrɛ̃ ci ènyi (288).

⁸Wo dànà àkɔ̀ na sùmɔ̀ sumɔ be èdɔa, mà do vòvòtoto ɖe àmègãxo ku ɖèvi, àlo ènufiɔtɔ ku ènukplatɔ dòmè ò.

⁹Àkɔ̀ cucugbã kè wo dà a jè Àsaf be èvi Yosɛ̀f ji. Èvègɔ̃a jè Gedalìa, èviawo ku nɔ̀viawo ji. Woa kpata, wo lè àgbètɔ woèvè.

¹⁰Ètɔ̃gɔ̃a jè Zàkur ji, èviawo ku nɔ̀viawo, woa kpata, wo lè àgbètɔ woèvè.

¹¹Ènègɔ̃a jè Yiserì ji, èviawo ku nɔ̀viawo, woa kpata, wo lè àgbètɔ woèvè.

¹²Àtɔ̃gɔ̃a jè Netanìa ji, èviawo ku nɔ̀viawo, woa kpata, wo lè àgbètɔ woèvè.

¹³Àdɛ̃gɔ̃a jè Bukiyà ji, èviawo ku nɔ̀viawo, woa kpata, wo lè àgbètɔ woèvè.

¹⁴Adrɛ̃gɔ̃ a jè Yesarɛl ji, èviawo ku nɔ̀viawo, woa kpata, wo lè àgbètɔ woèvè.

¹⁵Ènyigɔ̃a jè Ezayà ji, èviawo ku nɔ̀viawo, woa kpata, wo lè àgbètɔ woèvè.

¹⁶Àsiɖèkɛgɔ̃a jè Mataniyà ji, èviawo ku nɔ̀viawo, woa kpata, wo lè àgbètɔ woèvè.

¹⁷Èwogɔ̃a jè Simei ji, èviawo ku nɔ̀viawo, woa kpata, wo lè àgbètɔ woèvè.

¹⁸Woeɖèkagɔ̃a jè Àzarɛ̀l ji, èviawo ku nɔ̀viawo, woa kpata, wo lè àgbètɔ woèvè.

¹⁹Woèvègɔ̃a jè Hasaniyà ji, èviawo ku nɔ̀viawo, woa kpata, wo lè àgbètɔ woèvè.

²⁰Woètɔ̃gɔ̃a jè Subaɛl ji, èviawo ku nɔ̀viawo, woa kpata, wo lè àgbètɔ woèvè.

²¹Woènègɔ̃a jè Matitiyà ji, èviawo ku nɔ̀viawo, woa kpata, wo lè àgbètɔ woèvè.

²²Woeàtɔ̃gɔ̃a jè Yeremɔ̀t ji, èviawo ku nɔ̀viawo, woa kpata, wo lè àgbètɔ woèvè.

²³Woeàdɛ̃gɔ̃a jè Hananìa ji, èviawo ku nɔ̀viawo, woa kpata, wo lè àgbètɔ woèvè.

²⁴Woeadrɛ̃gɔ̃a jè Yosbɛkasà ji, èviawo ku nɔ̀viawo, woa kpata, wo lè àgbètɔ woèvè.

²⁵Woènyigɔ̃a jè Hananì ji, èviawo ku nɔ̀viawo, woa kpata, wo lè àgbètɔ woèvè.

²⁶Woeàsiɖèkɛgɔ̃a jè Malɔtì ji, èviawo ku nɔ̀viawo, woa kpata, wo lè àgbètɔ woèvè.

²⁷Èwìgɔ̃a jè Eliyatà ji, èviawo ku nɔ̀viawo, woa kpata, wo lè àgbètɔ woèvè.

²⁸Wìvɔɖèkagɔ̃a jè Hotìr ji, èviawo ku nɔ̀viawo, woa kpata, wo lè àgbètɔ woèvè.

²⁹Wìvɔèvègɔ̃a jè Gidaltì ji, èviawo ku nɔ̀viawo, woa kpata, wo lè àgbètɔ woèvè.

³⁰Wìvɔètɔ̃gɔ̃a jè Mahaziɔ̀t ji, èviawo ku nɔ̀viawo, woa kpata, wo lè àgbètɔ woèvè.

³¹Wìvɔènègɔ̃a jè Romàmtì-Ezɛr ji, èviawo ku nɔ̀viawo, woa kpata, wo lè àgbètɔ woèvè.