Read gen 1Kronikà 3 Bible Online

1Kronikà 3 - gen bible

1Kronikà 3

¹David be ŋusùvi kèwo wo jì na ɛ̀, lè Hebrɔ̀n be èdù mèawo ye nyi ekèawo: Àmègãxoa ye nyi Amɔ̀n kè Ahinɔ̀am, nyɔ̃nù kè so Yizreɛl jìa. Èvègɔ̃a ye nyi Dàniɛl kè Àbìgaɛl, nyɔ̃nù kè so Karmèl jìa.

²Ètɔ̃gɔ̃a ye nyi Àbsàlɔm kè Gesur be èfìɔ Talmaì be èvi, Maakà jìa. Ènègɔ̃a ye nyi Àdonìa kè Hagit jìa.

³Àtɔ̃gɔ̃a ye nyi Sefatìa kè Abital jìa. Àdɛ̃gɔ̃a ye nyi Yitream kè èsrɔ̃a Eglà jìa.

⁴Wo jì àmè adrɛ̃awo keŋu le Hebrɔ̀n. E ɖùfìɔ lè funua èpè adrɛ̃, wètri àdɛ̃, eye be ɖùfìɔ lè Yèruzàlɛm, èpè ègbã-vɔ-ètɔ̃.

⁵Lè Yèruzàlɛm nyigbã jia, wo jì èvi ènè na David. Woawo ye nyi: Simèa, Sobab, Natàn ku Salomɔ̀n. Wo àmè ènèawo kpata wo nyi Bat-Sebà, Amiɛl be èvia be èviwo.

⁶Wo gbà va jì èvi àsiɖèkɛ buwo na David. Woawo ye nyi: Yibhar, Elisùa, Elifɛlɛ̀t,

⁷Nɔgà, Nefɛg, Yafìa,

⁸Elisamà, Eliad ku Elifɛlɛ̀t.

⁹Àmè kèawo ye nyi David be èviwo kpata, tovò na èvi kèwo David be àzìaviwo jì na ɛ̀awo. David jì nyɔ̃nùvi ɖèka kè wo yɔna be Tamàr.

¹⁰Salomɔ̀n be jìjimèviwo: Salomɔ̀n jì Robòam. Robòam jì Abiyà. Abiyà jì Asà. Asà jì Yòsafat.

¹¹Yòsafat jì Yòram. Yòram jì Àhazìa. Àhazìa jì Yòas.

¹²Yòas jì Àmasà. Àmasà jì Àzarìa. Àzarìa jì Yotàm.

¹³Yotàm jì Àhaz. Àhaz jì Ezekìas. Ezekìas jì Manasè.

¹⁴Manasè jì Amɔ̀n. Amɔ̀n jì Yosìas.

¹⁵Yosìas be èviwo ye nyi: cucugbãtɔ̀ nyi Yohanàn. Èvègɔ̃a nyi Yehoyakìm. Ètɔ̃gɔ̃a nyi Sedekìa. Ènègɔ̃a nyi Salum.

¹⁶Yehoyakìm be èviwo ye nyi: Yekonìa ku Sedekìa.

¹⁷Yekonìa kè wo kplɔ̀ àhùale yì Babɛ̀l nyigbã jia be èviwo ye nyi: Saltìɛl,

¹⁸Malkiràm, Pedayìa, Seneazàr, Yekamyà, Hosama ku Nedayìa.

¹⁹Pedayìa be èviwo ye nyi Zòrobabɛ̀l ku Simei. Zòrobabɛ̀l be èviwo ye nyi Mesulàm, Hanayà ku woa nɔ̀vi nyɔ̃nù Sɛlumit.

²⁰Mesulàm jì èvi àtɔ̃: Hasubà, Ohɛl, Bɛrekìa, Hasadyà, Yusab-Hɛsɛd.

²¹Hananìa be èviwo ye nyi: Pèlatìa ku Ezayà, bɔ̀ ɖo Refayì a be èviwo, Arnàn be èviwo, Obadìa be èviwo ku Sekanìa be èviwo ŋuti.

²²Sekanìa be èvi ye nyi Semayà. Semayà jì Hatus, Yigeàl, Bariya, Nearya ku Safat. Woa kpata wo lè èvi àdɛ̃.

²³Nefarya jì Ɛlyòhenayì, Hizkiyà ku Azrikam: èvi ètɔ̃.

²⁴Ɛlyòhenayì jì Hodavyà, Ɛlyasib, Pelayà, Àkub, Yohanàn, Delayìa ku Ananì. Èvi adrɛ̃.