Read gen 1Kronikà 4 Bible Online

1Kronikà 4 - gen bible

1Kronikà 4

¹Yudà be jìjimèviwo ye nyi: Perɛz, Hesrɔ̀n, Karmì, Hur ku Sobàl.

²Sobàl jì Reayà. Reayà jì Yahat. Yahat jì Ahumaì ku Lahad. Àmè kèawo ye nyi Zorà be kɔ̀tamèviwo be tɔgbewo.

³Hur be èviwo ye nyi: Etàm, Izreɛl, Yismà ku Yidbas. Woa nɔ̀vi nyɔ̃nù be nyikɔ ye nyi Hazɛlponì.

⁴Hur gbà jì Penùɛl kè nyi Gedɔr be ètɔa ku Ezɛ̀r kè nyi Husà be ètɔa. Hur kè nyi Efratà be èvi àmègãxo kè tù Bɛtlɛhɛ̀m be èdùa be èviwo ye nyi eŋuãwo.

⁵Asehur, Tekoa be ètɔ ɖè nyɔ̃nù èvè: Heleà ku Narà.

⁶Narà jì Ahuzàm, Hefɛ̀r, Tɛmnì ku Ahastarì. Woawo ye nyi Narà be èviwo.

⁷Heleà be èviwo ye nyi Sɛrɛt, Sohàr ku Ɛtnàm.

⁸Kɔs jì Anub ku Hasobeba kudo Ahàrhɛl be hɛ̃nu kè so Harùm be jìjimèa.

⁹Wo dona bùbu Yabɛ̀s ŋuti wu nɔ̀via kpɔ̀tɛawo. Ènɔa ɖo nyikɔ na ɛ̀ be Yabɛ̀s, ɖoa, kè be jì ìa, e gblɔ̃ be: “Mù jì ì lè vevesèse mè.”

¹⁰Yabɛ̀s fã yɔ Izràɛl be Mawu be: “Tɔhonɔ̀, ne wò tu sì na mù nyàwoa, wò la kèkè ànyigbã nyèwo ɖo e ji, àpo àlɔ̀ la nɔ̀ ji nyè, eye wò la ɖè gbledowo jo lè gbɔ nyè, àleke be àyàɖùɖu ɖekpe mu la gbà kpe mù ò.” Eye Mawu sè yebe kuefã, eye be wɔ̀ ènu kè Yabɛ̀s biɔa.

¹¹Kelub, Suha be nɔ̀via jì Mehir kè nyi Ɛstɔ̀n be ètɔa.

¹²Ɛstɔ̀n jì Bɛt-Rafà, Pàseà ku Thinà, Ir-Nahàs be ètɔ. Woabe jìjimèviwo ye va nɔ̀ Rekà be èdùa mè.

¹³Kenàz jì Otnìɛl ku Serayà. Otnìɛl jì Hatat.

¹⁴Meonatai jì Ofrà, eye Serayà jì Yoab kè nyi àlɔ̀nudɔwɔ̀tɔwo be tɔgbe. Wo nɔ̀nà àlɔ̀nudɔwɔ̀tɔwo be bàlìa mè.

¹⁵Kàlɛb kè nyi Yefunè be èvia jì Irù, Elà ku Naam. Elà jì Kenàz.

¹⁶Yehaleɛl jì Zif, Zifa Tiria ku Asareɛl.

¹⁷Ezrà jì Yetɛr, Merɛd, Efɛ̀r ku Yalɔn. Merɛd ɖè Ejiptè-fìɔ be nyɔ̃nùvi, Bitya kè jì Mirìam, Samai ku Yisbà Ɛsbetɔ̀n be ètɔ na ɛ̀.

¹⁸Èsrɔ̃a, Yudà nyɔ̃nùa jì Yɛrɛ̀d, Gedɔr be ètɔ, Hebɛ̀r, Sokò be ètɔ ku Yekutìɛl, Zànɔa be ètɔ. Àmè kèawo keŋu nyi èvi kèwo Ejiptè be èfìɔ Faraɔ̀n be èvi Bitia jì na Merɛd kè ɖè èa.

¹⁹Naham be nɔ̀vi-nyɔ̃nù kè ɖè Hodiyàa jì Keilà, Garmit ŋusùa be ètɔ ku Ɛstemɔ̀a, Maakàt ŋusùa.

²⁰Simɔ̀n jì Amɔ̀n, Rina, Bɛn-Hanàn ku Tilɔ̀n. Yisei jì Zohɛt. Zohɛt jì Bɛn-Zohɛt.

²¹Yudà be èvi Selà jì Ɛr kè jì Lekàa. Selà gbà jì Laedà, Maresà be ètɔ. Yebe jìjimèviwo ye lɔ̃nà sedà-vɔ lè Bɛt-Asbea.

²²Selà gbà jì Yokim, Kozeva-dù mètɔwo, e gbà jì Yòas ku Saraf kèwo ye kpà àcɛ̀ na Mòab be èdùa, gbɔ̀xue wo trɔ va Bɛtlɛhɛ̀m. Ènyà kèawo nyi blèmà mè be ènyàwo.

²³Àmè ŋuawo be jìjimèviwo nyi èzemètɔ kèwo ye dènà àgblè, gbà nyìnà èlã lè Netaim ku Gederà be èdùwo mè na èfìɔa.

²⁴Simeɔ̀n jì Nemùɛl, Yamìn, Yàrib, Zerà, Saolò.

²⁵Saolò jì Salum. Salum jì Mibsàm. Mibsàm jì Mismà.

²⁶Mismà jì Hamuɛl. Hamuɛl jì Zàkur. Zàkur jì Simei.

²⁷Simei jì ŋusùvi woeàdɛ̃ ku nyɔ̃nùvi àdɛ̃, vɔ̀a ŋusùawo mu jì ŋusùvi sùgbɔ ò. Ekèa na be ne wo bɔ̀ woabe hɛ̃nuwo keŋuã, wo mu sùgbɔ sìgbè Yudà be jìjimèviwo nène ò.

²⁸Kaka va na hùe kè nu David ɖùfìɔa, wo nɔ̀ Beɛr-Sebà, Mɔladà, Hasar-Sual,

²⁹Bilhà, Esɛ̀m, Tolad,

³⁰Betùɛl, Hormà, Siklag,

³¹Bɛt-Markabɔt, Hasar-Susim, Bɛt-Birei, Saaraim. Ekèawo nyi woabe èdùwo kaka va na gà kè mè èfìɔ David nɔ̀ àzìkpe jia.

³²Wo gbà nɔ̀ kɔpe àtɔ̃ kèwo nyi Etàm, Ein, Rimɔ̀n, Tokɛn ku Asàn mè.

³³Wo nɔ̀ kɔpe kèwo pòxla èdù gãwo mè kaka va ɖo Baalat be èdù mè. Ekèawo nyi woabe nɔ̀pewo, eye wo ɖo woa ŋutɔwo be jìjimè hɛ̃nu be ɖoɖowo.

³⁴Simeɔ̀n be hɛ̃nu mè be ŋùkɔ̀nɔ̀tɔwo ye nyi: Mesobab, Yamlɛk, Yosa, Amazìa be èvi.

³⁵Yoɛ̀l, Yehù, Yosiba kè Serayà jìa be èvi. Serayà nyi Asiɛl be èvi.

³⁶Ɛlyoenai, Yaakova, Yɛsohayia, Asayia, Arìɛl, Yesimèl, Benayà,

³⁷Zizà, Sifei kè Alɔ̀n jìa be èvi. Alɔ̀n nyi Yèdayà be èvi, Simri be tɔgbeyɔvi, eye Semayà ye jì Simri.

³⁸Àmè kèawo nyi ŋùkɔ̀nɔ̀tɔwo lè woabe kɔ̀tawo ku woabe xòmèwo mè, eye woabe xòmèwo gbà le jì ɖo e ji.

³⁹Wo kãkã yì kaka Gedɔr be bàlìa nu, le ji èlãnyìpe do àmà na woabe èlãwo.

⁴⁰Wo va yì kpɔ èlãnyìpe do àmà nyuɛ̃wo lè ànyigbã kèkè ɖe kè ji fa bɔ̀kɔ̀, àfi kè Sam be jìjimèviwo nɔ̀ xoxo, gbè ɖe gbèa.

⁴¹Ŋùkɔ̀nɔ̀tɔ kèwo be nyikɔwo mi yɔ va yìawo va, lè Ezekìas, Yudà-nyigbã ji-fìɔa be hùenu, eye wo ɖè àhùa kpe na Sam be jìjimèvi kèwo ye nɔ̀ funu sãa, gbã woabe gòxɔ̀ ku nɔ̀pewo, crɔ̃ wo gbidi-gbidi kaka va na egbè. Wo nɔ̀ woa tèpe, ɖoa, èlãnyìpewo le funua na woabe èlãwo.

⁴²Simeɔ̀n be jìjimèvi bu kèwo be hɛ̃hlɛ̃ mè sù àgbètɔ àlɔ̀ àtɔ̃a (500) yì Seir be ètoa tamè, lè Yisei be ŋusùvi kèwo nyi Pèlatìa, Nearìa, Refayà ku Uziɛl yomè.

⁴³Wo wɔ̀ àhùa, ɖù àmè kèwo ci àgbè lè Àmàlɛktɔwo dòmèawo ji, eye wo nɔ̀ woa tèpe kaka va na fifì.