Read gen 1Kronikà 6 Bible Online

1Kronikà 6 - gen bible

1Kronikà 6

¹Levì be èviwo ye nyi: Gɛrsɔ̀n, Kehàt ku Merarì.

²Gɛrsɔ̀n be èviwo be nyikɔwo ye nyi: Libnì ku Simei.

³Kehàt be èviwo be nyikɔwo ye nyi: Amràm, Yisemar, Hebrɔ̀n ku Uziɛl.

⁴Merarì be èviwo ye nyi: Mahlì ku Musì. Woawo ye nyi Levì be kɔ̀ta mètɔwo, lè ètɔ gomè.

⁵Gɛrsɔ̀n jì Libnì. Libnì jì Yahat. Yahat jì Zimà.

⁶Zimà jì Yoàh. Yoàh jì Idò. Idò jì Zerà. Zerà jì Yeotrai.

⁷Kehàt jì Aminadàb. Aminadàb jì Korà. Korà jì Àsir.

⁸Àsir jì Ɛlkanà. Ɛlkanà jì Ebiasàf. Ebiasàf jì Àsir.

⁹Àsir jì Tahat. Tahat jì Usɔ̀n.

¹⁰Ɛlkanà be èviwo ye nyi Àmasài ku Ahimɔ̀t.

¹¹Ahimɔ̀t jì Ɛlkanà. Ɛlkanà jì Zofai. Zofai jì Natàn.

¹²Natàn jì Eliab. Eliab jì Yeroham. Yeroham jì Ɛlkanà. Ɛlkanà jì Samuɛl.

¹³Samuɛl be èvi cucugbãa ye nyi Yoɛ̀l. Èvègɔ̃a ye nyi Abiyà.

¹⁴Merarì jì Mahlì. Mahlì jì Libnì. Libnì jì Simei. Simei jì Uzà.

¹⁵Uzà jì Simei. Simei jì Hagiyà. Hagiyà jì Asayà.

¹⁶Ekè Mawu be zòɖùɖu ɖakà a gbe kpɔ nɔ̀pe lè Tɔhonɔ̀ be àxuea mè kpòa, èfìɔ David sɔ èhàjìji do àsi na Levì be jìjimèvi kèawo lè mawuxɔa mè.

¹⁷Woawo ye nyi sumɔ̃vi kèwo ye kpɔna èhàjìji be ènyàwo gbɔ lè Nɔ̀pe Kɔ̀kɔ̀ɛ be ŋùkɔ̀, ègòdodo be gòxɔa nu, kaka na wàlɛbɛ kè èfìɔ Salomɔ̀n va tù Tɔhonɔ̀ be àxuea lè Yèruzàlɛm. Wo wɔ̀nà woabe èdɔ ɖo woabe ɖoɖo nu.

¹⁸Àmè kèwo wɔ èdɔ kèa ku woabe èviwoa ye nyi ekèawo: Kehàt be èviwo ye nyi: Henàn, èhàjìtɔ kè Yoɛ̀l, Samuɛl be èvia jìa, Ɛlkanà jì Samuɛl

¹⁹Yerohàm jì Ɛlkanà, Eliɛl jì Yerohàm. Toa jì Eliɛl.

²⁰Suf jì Toa, Ɛlkanà jì Suf, Mahat jì Ɛlkanà, Àmasà jì Mahat.

²¹Ɛlkanà jì Àmasà, Yoɛ̀l jì Ɛlkanà, Àzarìa jì Yoɛ̀l, Sèfanìa jì Àzarìa.

²²Tahat jì Sèfanìa, Àsir jì Tahat, Abisai jì Àsir, Korà jì Abisai.

²³Yisehar jì Korà, Kehàt jì Yisehar, Levì jì Kehàt. Izràɛl jì Levì.

²⁴Kehàt be nɔ̀via Àsaf nɔ̀nà ɖùsi mè na ɛ̀. E nyi Berɛkìa be èvi, Berɛkìa nyi Malkìa be èvi, Berɛkìa nyi Simei be èvi.

²⁵Simei nyi Mikàɛl be èvi, Mikàɛl nyi Baaseyà be èvi, Baaseyà nyi Malkìa be èvi.

²⁶Malkìa nyi Ɛtnì be èvi, Ɛtnì nyi Zerà be èvi, Zerà nyi Adayà be èvi.

²⁷Adayà nyi Etàn be èvi, Etàn nyi Zimà be èvi, Zimà nyi Simei be èvi.

²⁸Simei nyi Yahat be èvi, Yahat nyi Gɛrsɔ̀n be èvi, Gɛrsɔ̀n nyi Levì be èvi.

²⁹Levì nyi Merarì be èvi, woa nɔ̀vi kèa ya nɔ̀nà èmìɔ̃ mè. Èviawo ye nyi Etàn, Kisì be èvi. Kisì nyi Abdì be èvi, Abdì nyi Màluk be èvi.

³⁰Màluk nyi Hasabyà be èvi, Hasabyà nyi Amacyà be èvi, Amacyà nyi Hilkiyà be èvi.

³¹Hilkiyà nyi Amcì be èvi, Amcì nyi Banì be èvi, Banì nyi Sɛmer be èvi.

³²Sɛmer nyi Mahlì be èvi, Mahlì nyi Musì be èvi. Musì nyi Merarì be èvi, eye Merarì nyi Levì be èvi.

³³Woa nɔ̀vi kèwo ye nyi Levì be jìjimèvi kpɔ̀tɛawo le wɔ̀ èdɔ kèwo ye kã Mawu be àxueawo.

³⁴Arɔ̀n ku yebe jìjimèviwo tɔna èzò vɔ̀sawo lè ènu mème be vɔsakpea ku lifi be vɔsakpea ji. Wo wɔ̀nà èdɔ kèwo keŋu kã kɔ̀kɔ̀ɛpewo be Kɔ̀kɔ̀ɛpea, eye wo wɔ̀nà sɔsɔkè be èkɔ̀nu na Izràɛlviwo, sɔ zɔ̃ ɖo èse kèwo keŋu Mosè, Mawu be sumɔ̃via do na woa ji.

³⁵Arɔ̀n be jìjimèviwo be nyikɔwo ye nyi ekèawo: Arɔ̀n jì Eleazàr, Eleazàr jì Pinhàs, Pinhàs jì Abisùa.

³⁶Abisùa jì Bukì, Bukì jì Uzì, Uzì jì Zerahyà.

³⁷Zerahyà jì Mèrayɔ̀t, Mèrayɔ̀t jì Àmàryà, Àmàryà jì Ahitub.

³⁸Ahitub jì Sadɔk, Sadɔk jì Ahimahàs.

³⁹Arɔ̀n be jìjimèviwo be nɔ̀pewo ye nyi ekèawo, sɔ zɔ̃ ɖo kɔpe kèwo wo xɔ̀a ji, lè woabe ànyigbã ji. Arɔ̀n be jìjimèvi kèwo nyi Kehàt be nukuawo ye jè ŋùkɔ̀ lè àkɔ̀ kè wo dà a mè.

⁴⁰Wo xɔ̀ Hebrɔ̀n be èdùa lè Yudà-nyigbã ji ku èlãnyìpe kèwo ye trɔ do èdùa.

⁴¹Gãkea, wo sɔ àgblè ku kɔpe kèwo ye pòxla do èdùa do àsi na Kàlɛb, Yefunè be èvia.

⁴²Wo sɔ bèbèpe be èdù: Hebrɔ̀n, Libnà ku woabe èlãnyìpewo, Yatìr, Ɛstemɔ̀a ku woabe èlãnyìpewo,

⁴³Hilez ku yebe èlãnyìpewo, Dèbir ku yebe èlãnyìpewo,

⁴⁴Asàn ku yebe èlãnyìpewo, Bɛt-Semès ku yebe èlãnyìpewo sɔ do àsi na Arɔ̀n be jìjimèviwo,

⁴⁵Kudo èdù kèwo ye lè Bɛnyamìn-nyigbã ji sìgbè Gebà ku yebe èlãnyìpeawo, Alɛmèt ku yebe èlãnyìpewo, Anàtɔ̀t ku yebe èlãnyìpewo nène. Ekèa kpata wɔ̀ èdù woètɔ̃ na Arɔ̀n be jìjimèviwo.

⁴⁶Ekè wo dà àkɔ̀a, Kehàt be jìjimèvi kpɔ̀tɛawo xɔ̀ èdù èwo ɖo woabe kɔ̀tawo nu, lè Efràyim be kɔ̀ta, Dàn be kɔ̀ta ku Manasè be kɔ̀ta mamã mèa gbɔ.

⁴⁷Ekè wo dà àkɔ̀a, Gɛrsɔ̀n be jìjimèviwo xɔ̀ èdù woètɔ̃ ɖo woabe kɔ̀tawo nu, so Isakàr be kɔ̀ta, Àsɛr be kɔ̀ta, Neftalì be kɔ̀ta ku Manasè be kɔ̀ta gbɔ, lè Basàn-nyigbãa ji.

⁴⁸Ekè wo dà àkɔ̀a, Merarì be èviwo xɔ̀ èdù woèvè ɖo woabe kɔ̀tawo nu, so Rubɛ̀n be kɔ̀ta, Gad be kɔ̀ta ku Zabulɔ̀n be kɔ̀taa gbɔ.

⁴⁹Izràɛlviwo sò èdù kèawo ku èlãnyìpe kèwo ye trɔ do èdùawo na Levì be jìjimèviwo.

⁵⁰Ekè wo dà àkɔ̀a, èdù kèwo be nyikɔwo ye va yìawo ye Izràɛlviwo ɖè so Yudà be kɔ̀ta, Simeɔ̀n be kɔ̀ta ku Bɛnyamìn be jìjimèviwo be kɔ̀tawo gbɔ, sɔ na.

⁵¹Kehàt be jìjimèvi kpɔ̀tɛawo be kɔ̀taawo xɔ̀ woabe èdùwo be ànyigbãwo lè Efràyim be hɛ̃nua gbɔ.

⁵²Wo sɔ Sikɛm-dùa ku yebe èlãnyìpewo lè Efràyim be ètoa tamè, Gezɛr-dùa ku yebe èlãnyìpewo,

⁵³Yokeam-dùa ku yebe èlãnyìpewo Bɛt-Horɔ̀n ku yebe èlãnyìpewo,

⁵⁴Ayalɔ̀n ku yebe èlãnyìpewo, Gat-Rimɔ̀n ku yebe èlãnyìpewo.

⁵⁵Wo sɔ Anɛ̀r ku yebe èlãnyìpewo, Bìleam ku yebe èlãnyìpewo, lè Manasè be kɔ̀ta be mamã mèa mè, sɔ wɔ̀ bèbèpe be èdùwo na Kehàt be jìjimèvi kpɔ̀tɛawo. Ekèawo keŋu yì na Kehàt be jìjimèvi kpɔ̀tɛawo be hɛ̃nu mèviwo.

⁵⁶Lè Manasè be kɔ̀ta be mamã mèa gbɔa, wo xɔ̀ Golàn lè Basàn-nyigbã ji ku yebe èlãnyìpewo, Astàrɔt ku yebe èlãnyìpewo, sɔ na Gɛrsɔ̀n be èviwo, ɖo woabe kɔ̀tawo nu.

⁵⁷Lè Isakàr be kɔ̀ta mèa, wo xɔ̀ Kadɛ̀s ku yebe èlãnyìpewo, Davarat ku yebe èlãnyìpewo,

⁵⁸Ramɔ̀t ku yebe èlãnyìpewo, Anɛ̀m ku yebe èlãnyìpewo,

⁵⁹Lè Àsɛr be kɔ̀ta mèa, wo xɔ̀ Masal ku yebe èlãnyìpewo, Abdɔ̀n ku yebe èlãnyìpewo,

⁶⁰Hukɔ̀k ku yebe èlãnyìpewo, Rehob ku yebe èlãnyìpewo,

⁶¹Eye, lè Neftalì be kɔ̀ta mèa, wo xɔ̀ Kadɛ̀s ku yebe èlãnyìpewo, lè Galilea-nyigbã ji, Hamɔ̀n ku yebe èlãnyìpewo, Kiriatayìm ku yebe èlãnyìpewo.

⁶²Àmè kpɔ̀tɛ kèwo ye nyi Merarì be èviwoa, wo xɔ̀ Rimɔnɔ̀ ku yebe èlãnyìpewo, Tabɔ̀r ku yebe èlãnyìpewo, lè Zabulɔ̀n be hɛ̃nua gbɔ.

⁶³Lè Yɔrdàn be ètɔ̀a godo, lè Yerikò gbɔ, Yɔrdàn be ètɔ̀a be èwèzɛ̃pea, wo xɔ̀ Besɛ̀r ku yebe èlãnyìpewo lè zògbèa ji, lè Rubɛ̀n be kɔ̀taa gbɔ,

⁶⁴Kedemɔ̀t ku yebe èlãnyìpewo, Mefaat ku yebe èlãnyìpewo,

⁶⁵Eye, lè Gad be kɔ̀ta gbɔa, wo xɔ̀ Ramɔ̀t lè Gilead-nyigbã ji, ku yebe èlãnyìpewo, Mahanaim ku yebe èlãnyìpewo,

⁶⁶Hɛsbɔ̀n ku yebe èlãnyìpewo, Yazɛ̀r ku yebe èlãnyìpewo.