Read gen 2Kronikà 12 Bible Online

2Kronikà 12 - gen bible

2Kronikà 12

¹Ekè Robòam be èfìɔɖùpea likè, eye be ɖo ŋusɛ̃a, Robòam gble Tɔhonɔ̀ be èsea ɖɛ, eye Izràɛlviwo keŋu kplɔ̀ ɛ̀ do.

²Lè Robòam be èfìɔɖùɖu be èpè àtɔ̃gɔ̃a mèa, Ejiptè be èfìɔ Cicàk sɔ àhùa ɖo Yèruzàlɛm ŋuti, ɖoa, Izràɛlviwo mu le wɔ̀ ànùkua lè Tɔhonɔ̀ be ŋùku mè ò.

³Ejiptè be àhùakɔ̃a ɖo àhùakèke àlɔ̀ woèvè, èsɔdotɔ hotu woeàtɔ̃. Wo mu hlɛ̃ àhùawɔ̀tɔ gbogbo kèwo so Ejiptè, Libìa, Sukit ku Ètiopìa va kudo èa ò.

⁴Ejiptè be èfìɔa xɔ̀ èdù sɛ̃sɛ̃wo, eye wo va kɔ̀ ɖo kaka Yèruzàlɛm.

⁵Gblɔ̃ɖɛtɔ Semayà dɔ̃ gogo Robòam ku Yudà be àmègã kèwo si lè Cicàk nu, va bɔ̀ lè Yèruzàlɛm, wàlɛbɛ kè Ejiptè be èfìɔ be àhùakɔ̃a le gogoa. E gblɔ̃ na wo be “Tɔhonɔ̀ be: Mìawo, mì gble mù ɖɛ, eye nyè cã mù gble mì ɖo Cicàk si mè.”

⁶Èfìɔa ku Izràɛl be àmègãwo bɔ̀bɔ̀ woa ɖokoewo, eye wo gblɔ̃ be: “Tɔhonɔ̀ tɔ̀ jɔ̀!”

⁷Ekè Tɔhonɔ̀ kpɔ be wo bɔ̀bɔ̀ woa ɖokoewoa, Tɔhonɔ̀ be ègbè ɖì na Semayà be: “Wo bɔ̀bɔ̀ woa ɖokoewo. Nyè mu la na, wo la crɔ̃ ò. Vɔ̀a, zãɖe kèa, mù la hlùɛ̃ wo gã, eye àpe àdɔ̀mèze mu la kɔ̀ ɖo Yèruzàlɛm to Cicàk ji ò.

⁸Gãkea, wo la do Cicàk be èkɔ̀kùti, eye wo la kpla vòvòtoto kè lè lekè wo la sumɔ mù, ku lekè wo la sumɔ èdù bu mètɔwo be èfìɔdua dòmè.”

⁹Ekè Cicàk, Ejiptè be èfìɔa ɖè àhùa kpe na Yèruzàlɛm be èdùa, e lɔ Tɔhonɔ̀ be àxuea mè be àdɔ̀kùnuwo ku fìɔsa mè be àdɔ̀kùnuwo. E lɔ ènuwo keŋu jo, kaka jè sìka be àkpoxɔ̀nu kèwo Salomɔ̀n wɔ̀awo ji.

¹⁰Èfìɔ Robòam gbìgbɔ̀ wɔ̀ gàjɛ̃ be àkpoxɔ̀nuwo ɖo woa tèpe eye be sɔ wo do àsi na èfìɔ be gbãdãgbã kèwo le ɖia èfìɔ be àgbonuawo be èga.

¹¹Ne èfìɔa la gbe yì Tɔhonɔ̀ be àxuea mè kpòa, èfìɔ ɖiatɔawo yì sɔna wo va, eye wo gbà trɔna wo yì dànà ɖo ɖiatɔwo be nɔ̀pea.

¹²Ekè èfìɔ Robòam bɔ̀bɔ̀ ye ɖokoea, Tɔhonɔ̀ be àdɔ̀mèzea mu gbà jè e ji, kaka ne bèa crɔ̃ gbidi-gbidi ò, ɖoa, ènu nyuɛ̃wo gbà kpɔ̀tɔ̀ lè Yudà-nyigbã ji.

¹³Èfìɔ Robòam likè ye ɖokoe eye be ɖùfìɔ lè Yèruzàlɛm. E ɖo èpè èkà ci ɖèka, gà kè mè be va èfìɔzìkpea jia. E ɖùfìɔ èpè woeadrɛ̃ lè Yèruzàlɛm, èdù kè Tɔhonɔ̀ cã lè Izràɛlviwo be kɔ̀tawo keŋu dòmè, ne bèa sɔ yebe nyikɔ ɖo e jia. Robòam be ènɔ̀ be nyikɔ ye nyi Naamà, Amɔ̀n nyɔ̃nùa.

¹⁴Robòam wɔ̀ èvuɛ̃, ɖoa, mu sɔ yebe èjì blibo ji Tɔhonɔ̀ ò.

¹⁵Robòam be ŋutinyawo, so gɔ̀mèjèje yì ènuwuwua, wo mu ŋlɔ̀ wo ɖo gblɔ̃ɖɛtɔ Semayà ku ènu mèkpɔtɔ Idò be Èdɔwɔ̀wɔwo be xoma mè ò a? Robòam ku Yèrobòam be àhùawo nu mu vɔ̀ gbèɖe ò.

¹⁶Robòam trɔ ŋùgbe, eye wo sɔ ɛ̀ mlɔ̃ tɔgbeawo dòmè lè David be èdùa mè. Èvia Abiyà ɖùfìɔ ɖo e tèpe.