Read gen Ɛzrà 2 Bible Online

Ɛzrà 2 - gen bible

Ɛzrà 2

¹Lè xòmè kèwo ye èfìɔ Nèbukàdnezà na wo kplɔ̀ yì gàtɔnugbe lè Babɛ̀l nyigbã jia dòmèa, àmè sùgbɔ ye trɔ gbɔ̀ va Yèruzàlɛm kudo Yudà nyigbã ji. Wo trɔ yì woabe èdùwo mè àmètɔ̀ àmètɔ̀.

²Wo trɔ gbɔ̀ kudo Zòrobabɛ̀l, Yecùa, Nèhemìa, Serayà, Rèlayà, Màrdokài, Bìlecàn, Mispàr, Bigvài, Rɛ̀hum kudo Baanà. Woabe nyikɔ ku hɛ̃hlɛ̃mè na Izràɛlviwo be èhasòso ɖe sia ɖe:

³Ŋusù hotu ɖèka èkà ènè ci woèvè (2172) so Parɔ̀c be hɛ̃nu;

⁴Ŋusù àlɔ̀ ètɔ̃ èkà takpo ci woèvè (372) so Cèfatìa be hɛ̃nu;

⁵Ŋusù àlɔ̀ adrɛ̃ èkà takpo ci woeàtɔ̃ (775) so Arà be hɛ̃nu;

⁶Ŋusù hotu ɖèka àlɔ̀ ènyi ci woèvè (2812) so Pat-Mòab be hɛ̃nu, kè nyi Yecùa ku Yoab be jìjimèvi;

⁷Ŋusù àkpe ɖèka èkà àdɛ̃ ci woènè (1254) so Elàm be hɛ̃nu;

⁸Ŋusù àlɔ̀ àsiɖèkɛ èkà ci àtɔ̃ (945) so Zàtu be hɛ̃nu;

⁹Ŋusù àlɔ̀ adrɛ̃ èkà takpo (760) so Zàkayì be hɛ̃nu;

¹⁰Ŋusù àlɔ̀ àdɛ̃ èkà ci èvè (642) so Banì be hɛ̃nu;

¹¹Ŋusù àlɔ̀ àdɛ̃ èwì vɔ ètɔ̃ (623) so Bèbayì be hɛ̃nu;

¹²Ŋusù àkpe ɖèka àlɔ̀ èvè èwì vɔ èvè (1222) so Azgàd be hɛ̃nu;

¹³Ŋusù àlɔ̀ àdɛ̃ èkà takpo ci àdɛ̃ (666) so Àdonikàm be hɛ̃nu;

¹⁴Ŋusù hotu ɖèka èkà ci àdɛ̃ (2056) so Bìgvayì be hɛ̃nu;

¹⁵Ŋusù àlɔ̀ ènè èkà ci woènè (454) so Adìn be hɛ̃nu;

¹⁶Ŋusù èkà èvè ci woènyi (98) so Àtɛr be hɛ̃nu, Àtɛr kè nyi Yèhizkìa be jìjimèvia;

¹⁷Ŋusù àlɔ̀ ètɔ̃ èwì vɔ ètɔ̃ (323) so Bèsayì be hɛ̃nu;

¹⁸Ŋusù àlɔ̀ ɖèka ci woèvè (112) so Yòra be hɛ̃nu;

¹⁹Ŋusù àlɔ̀ èvè èwì vɔ ètɔ̃ (223) so Hacùm be hɛ̃nu;

²⁰Ŋusù èkà èvè ci woeàtɔ̃ (95) so Gìbar be hɛ̃nu;

²¹Ŋusù àlɔ̀ ɖèka èwì vɔ ètɔ̃ (123) so Bɛtlɛhɛ̀m be kɔpe mè;

²²Ŋusù èkà ci woeàdɛ̃ (56) so Nètofà be kɔpe mè;

²³Ŋusù èkà ètɔ̃ ci ènyi (128) so Ànatɔt be kɔpea mè;

²⁴Ŋusù èkà ci èvè (42) so Bɛt-Àzmavɛ̀t be kɔpea mè;

²⁵Ŋusù àlɔ̀ adrɛ̃ èkà ci ètɔ̃ (743) so Kirìat-Yeàrim, Kèfirà ku Berɔ̀t be kɔpewo mè;

²⁶Ŋusù àlɔ̀ àdɛ̃ èwì vɔ ɖèka (621) so Ramà ku Gebà be kɔpewo mè;

²⁷Ŋusù èkà ètɔ̃ ci èvè (122) so Mikmas be kɔpea mè;

²⁸Ŋusù àlɔ̀ èvè èwì vɔ ètɔ̃ (223) so Betɛ̀l ku Ayì be kɔpewo mè;

²⁹Ŋusù èkà ci woèvè (52) so Nebò be kɔpe mè;

³⁰Ŋusù àlɔ̀ ɖèka èkà ci woeàdɛ̃ (156) so Màgbic be kɔpe mè;

³¹Ŋusù àkpe ɖèka èkà àdɛ̃ ci woènè (1254) so Elàm be hɛ̃nu bu mè;

³²Ŋusù àlɔ̀ ètɔ̃ ci èwì (320) so Harìm be hɛ̃nu;

³³Ŋusù àlɔ̀ adrɛ̃ èwì vɔ àtɔ̃ (725) so Lɔd, Hadìd ku Onɔ̀ be kɔpewo mè;

³⁴Ŋusù àlɔ̀ ètɔ̃ èkà ci àtɔ̃ (345) so Yerikò be èdùa mè;

³⁵Ŋusù àkpe ètɔ̃ àlɔ̀ àdɛ̃ takpo ci èwo (3630) so Senàa be èdùa mè.

³⁶Hũbonɔwo be hasòsoewo nyi: Ŋusù àlɔ̀ àsiɖèkɛ èkà takpo ci woètɔ̃ (973) so Yèdayà be hɛ̃nu kè jɔ̀ so Yecùa be xòmè mèa;

³⁷Ŋusù àkpe ɖèka èkà ci woèvè (1052) so Imèr be hɛ̃nu;

³⁸Ŋusù àkpe ɖèka èkà àdɛ̃ ci adrɛ̃ (1247) so Pàcehùr be hɛ̃nu;

³⁹Ŋusù àkpe ɖèka woeadrɛ̃ (1017) so Harìm be hɛ̃nu.

⁴⁰Levìwo be hasòsoewo nyi: Ŋusù èkà takpo ci woènè (74) so Yecùa be hɛ̃nu na Kadmìɛl, Bìnuyì ku Hòdavìa.

⁴¹Mawuxɔa mè be èhàjìtɔwo be hasòsoea nyi Ŋusù èkà ètɔ̃ ci ènyi (128) so Àsaf be hɛ̃nu mè.

⁴²Àgbonuɖiatɔwo be hasòsoea nyi Ŋusù àlɔ̀ ɖèka ègbã vɔ àsiɖèkɛ (139) so Sàlum, Àtɛr, Talmɔ̀n, Acùb, Hàtità kudo Còbayì be hɛ̃nuwo mè.

⁴³Mawuxɔa be sumɔ̃viwo so xòmè vòvò kèawo: Sihà, Hàsufà, Tàbaɔt,

⁴⁴Kerɔ̀s, Sià, Padɔ̀n,

⁴⁵Lèbanà, Hàgabà, Àkub,

⁴⁶Hàgab, Calmayì, Hanàn,

⁴⁷Gidɛ̀l, Gàhar, Reayà,

⁴⁸Rɛsìn, Nèkodà, Gàzam,

⁴⁹Uzà, Pàseà, Bèsayì,

⁵⁰Asnà, Mɛ̀unìm, Nèfusìm,

⁵¹Bàcbuk, Hàcufà, Hàrur,

⁵²Bàslut, Mèhidà, Harcà,

⁵³Bàrkɔs, Sisrà, Temà,

⁵⁴Nesìa kudo Hàtifà.

⁵⁵Salomɔ̀n be sumɔ̃viwo so xòmè vòvò kèawo: Sòtayì, Sòferɛ̀t, Pèrudà,

⁵⁶Yalà, Darcɔ̀n, Gidɛ̀l,

⁵⁷Cèfatìa, Hatìl, Pokerɛ̀t-Hàsebaìm kudo Amì.

⁵⁸Salomɔ̀n be sumɔ̃viwo kudo mawuxɔa be sumɔ̃viwo nyi ŋusù àlɔ̀ ètɔ̃ èkà èvè ci woèvè (392).

⁵⁹Àmè kèwo trɔ gbɔ̀ so Tɛl-Mɛ̀la, tɛl-Harcà, Kèrub, Adàn kudo Imèr vaa, mu teŋu na ɖoŋuti àdodoewo ne woa sɔ nya woabe xòmèwo ò. Ekèa mu teŋu ɖèfiɔ be wo nyi Izràɛlviwo ò:

⁶⁰Wo nyi àmè àlɔ̀ àdɛ̃ èkà ci woèvè (652) so Dèlayà, Tobìa kudo Nèkodà be xòmèwo mè.

⁶¹Hũbonɔ ɖewo cã lè nɔ̀nɔmè kèa mè. Wo nyi Hòbayà, Hakɔ̀s kudo Bàrzilaì be jìjimèviwo. Wo yɔna ŋusù kèa ya be Bàrzilaì, ɖo e ɖè Bàrzilaì nyɔ̃nùvi so Gilead.

⁶²Wo ji xoma kèwo ji wo ŋlɔ̀ woa tɔgbewo be nyikɔ ɖoa. Vɔ̀a wo mu kpɔ wo ò. Ekèa na be wo kpɔ wo be wo mu kɔ̀ ò eye wo xɔ̀ hũbonɔ be èdɔa lè woa si.

⁶³Èdùjikpɔtɔa do èse na wo be wo mu gbà ɖù ènu kè wo sɔ savɔ na Mawu ɖèka kpò, kaka na gà kè mè ye hũbonɔ ɖe la teŋu xɔ̀ ɖoŋuti ɖe so woa ŋuti lè Urìm ku Tumìm be zãzã mè ò.

⁶⁴Izràɛlvi kèwo trɔ gbɔ̀ so gàtɔnugbea be hɛ̃hlɛ̃ mè nyi àmè hotu èwì vɔ ɖèka àlɔ̀ ètɔ̃ èkà takpo (42 360).

⁶⁵Lè woa dòmèa, sumɔ̃vi ŋusù ku nyɔ̃nùwo be hɛ̃hlɛ̃ mè le nyi àkpe adrɛ̃ àlɔ̀ ètɔ̃ ègbã vɔ adrɛ̃ (7337). Èhàjìtɔ nyɔ̃nù kudo ŋusùwo nyi àlɔ̀ èvè (200),

⁶⁶ku èsɔ àlɔ̀ adrɛ̃ ègbã vɔ àdɛ̃ (736) kudo èsɔ àkɛtɛvi àlɔ̀ èvè èkà ci àtɔ̃ (245),

⁶⁷èsɔ èkpotɔnɔ̀ àlɔ̀ ènè ègbã vɔ àtɔ̃ (435) kudo èsɔ àkɛtɛ hotu ètɔ̃ àlɔ̀ adrɛ̃ ci èwì (6720) ŋuti.

⁶⁸Wàlɛbɛ kè wo trɔ gbɔ̀ va Yèruzàlɛm, Tɔhonɔ̀ be èdùa mèa, xòmè ga ɖewo na ènu fàa ne woa sɔ trɔ tù mawuxɔa ɖo yebe tèpe xoxoa.

⁶⁹Wo na ènu sìgbè lekè wo teŋuã: sìka ga àkpe èkà takpo àgìgà (61000) kudo klòsalò kìlo hotu ɖèka àlɔ̀ àtɔ̃ (2500). Wo gbà na hũbonɔwo be àwù èkà èvè takpo (100).

⁷⁰Hũbonɔwo, Levìwo, èdùgboɖiatɔwo, èhàjìtɔwo, àmè gbalo ɖewo sìgbè mawuxɔa be sumɔ̃viwo kudo Izràɛlvi kpɔ̀tɛawo yì sò nɔ̀pe ɖo woabe èdù vòvòwo mè.