Read gen Nèhemìa 10 Bible Online

Nèhemìa 10 - gen bible

Nèhemìa 10

¹Kù ɖo ènu kèa kpata ŋutia, mi wɔ̀ cãcã tɔ̀xɛ ɖe kè mi ŋlɔ̀ ɖo ènu jia. Miabe ègawo, levìwo kudo hũbonɔwo do àsi emè.

²Àmè kèwo do àsi xoma mèa wo ye nyi ekèawo: èdùjikpɔtɔ Hàkalìa be èvi Nèhemìa, Sìdekìa,

³Serayà, Àzarìa, Irmeyà,

⁴Pàcehùr, Àmarìa, Malkìa,

⁵Hàtuc, Cèbanìa, Màluk,

⁶Harìm, Mèremɔ̀t, Obadìa,

⁷Dàniɛl, Gìnetɔ̀n, Bàruk,

⁸Mèculàm, Abìa, Mìamìn,

⁹Maazìa, Bilgài ku Sèmayà, woa kpata nyi hũbonɔwo.

¹⁰Levìwo nyi: Àzanìa be èvi Yecùa, Bìnuyì so Henadàd be hɛ̃nu, Kadnìɛl

¹¹kudo nɔ̀viawo: Cèbanìa, Hodìa, Kèlità, Pelayà, Hanàn

¹²Mikà, Rehob, Hàcabìa,

¹³Zàkur, Cèrebìa, Cèbanìa,

¹⁴Hodìa, Banì ku Beninù.

¹⁵Dùkɔ̃a be ègawo nyi: Parɔ̀c, Pàhat-Mòab, Elàm, Zàtu, Banì,

¹⁶Bunì, Azgàd, Bèbayì,

¹⁷Àdonìa, Bìgvayì, Adìn,

¹⁸Àtɛr, Ezekìas, Àzur,

¹⁹Hòdiyà, Hacùm, Bɛ̀tsayì,

²⁰Harìf, Ànatɔt, Nèbayì,

²¹Màgpiàs, Mèculàm, Hezìr

²²Mècezàbɛl, Sadɔk, Yàduà,

²³Pèlatìa, Hanàn, Ànayà,

²⁴Òze, Hànanìa, Hàcub,

²⁵Hàlohɛ̀c, Pilhà, Cobɛ̀k,

²⁶Rehùm, Hàcabnà, Màaseyà,

²⁷Ahìa, Hanàn, Anàn

²⁸Màluk, Harìm, Baanà.

²⁹Dùkɔ̃ mèvi kpɔ̀tɛawo, Hũbonɔwo, Levìwo, àgboɖiatɔwo, èhàjìtɔwo, mawuxɔa be sumɔ̃viwo, kudo àmè kèwo nɔ̀ àzɔ̀ge na dùkɔ̃wo eye wo wɔ̀ ànùkua na èsea, kudo woa srɔ̃wo ku ɖèviwo nyɔ̃nù ku ŋusù kèwo mɔ̀nu jè ènu ŋutia.

³⁰Wo kpe ɖo woa nɔ̀viwo ku cãmìwo ŋuti. Wo wɔ̀ cãcã ku kãkãɖoji be yèwo la wɔ̀ ɖo Mawu be èse kè yebe sumɔ̃vi Mosè sɔ na yèwoa ji. Ne mu nyi nène òa, ètodɔ̃ la jè yèwo ji.

³¹Mi wɔ̀ cãcã be mi mu la sɔ miabe nyɔ̃nùviwo na àsu, ŋusù kèwo ci èdùa mèa ò, eye mi mu la ɖè nyɔ̃nù lè woa dòmè na miabe èvi ŋusùwo cã ò.

³²Mi mu la plè ènu ɖekpe lè jɛ̃gbɔ̃zã gbè ku ŋùkèkè ɖè ɖovòwo ji lè àmè kèwo la hɛ̃ ènu sàsa va lè àzã ŋuawo jia si ò. Èpè adrɛ̃ adrɛ̃ a, mi la tàsi àgblè ànyigbãwo la vò eye mi la gbà sɔ èfɛ̃ kè àmèwo fàa.

³³Mi ɖo è be mi la nɔ na klòsalò ga ɖèka èpè sia èpè na miabe Mawu be àxuea be jàjràɖo.

³⁴Wo la zã ènunana kèa na àgbàa ji be kpɔ̃nɔ, ènumème be vɔsa ku àgblèmènuku be vɔ̀sawo, jɛ̃gbɔ̃zãwo, wètri be toto ye yèwo ku àzã vòvòwo, na vɔsa tɔ̀xɛwo, na èvuɛ̃ kudo Izràɛl be lèlèɖì vɔ̀sawo gbàkudo mawuxɔa be èdɔwo kpata.

³⁵Mi tè èdù sɔ cã hũbonɔwo, Levìwo ku dùkɔ̃mèviwo, na ànakè kèwo xòmè sia xòmè la nɔ hɛ̃ va èpè sia èpè, lè àzã jè àzã ji ne woa sɔ nɔ wɔ̀ vɔ̀sawo lè Mawu be àxuea mè, sɔ zɔ̃ ɖo èsea ji.

³⁶Pèsi pèsia, mi hɛ̃nà miabe àgblèmènuku kudo àtiwo be kusɛ̃sɛ̃ cucugbãawo vana mawuxɔa mè.

³⁷Mi la nɔ sɔ miabe ŋùkɔ̀gbeviwo kudo miabe èlãwo be jìji cucugbãawo yì mawuxɔa mè sìgbè àlekè èsea biɔa nène. Mi la nɔ sɔ miabe ènyì, ègbɔ ku àlɛ̃wo be èvi cucugbãwo va Mawu be àxuea mè, eye mi la sɔ wo na hũbonɔ kèwo le wɔ̀ èdɔ lè mawuxɔa mèa.

³⁸Mi la gbà ɖè miabe èwɔwo, kusɛ̃sɛ̃wo ta, sɔ vɛ̃ ku àmì va na wo. Mi la hɛ̃ ènu kèawo kpata va èxɔ̀ kèwo tɛ ɖo mawuxɔa ŋutiawo mè. Mi la nɔ sɔ miabe ànyigbã be kusɛ̃sɛ̃wo be àkpa èwogɔ̃a va na levìwo.

³⁹Arɔ̀n be jìjimèvi ɖèka kè nyi hũbonɔa, la kplɔ̀ levìwo wàlɛbɛ kè wo le xɔ̀ ènu èwogɔ̃a. Levìawo ya la ɖè ènu èwogɔ̃a be èwogɔ̃a va mawuxɔa be èxɔ̀wo mè.

⁴⁰Izràɛlviwo kudo levìwo la hɛ̃ woabe nunanawo va: èlù, vɛ̃ kudo àmì va èxɔ̀awo mè lè fikè ènuzãzãwo nɔ̀nà. Fikè hũbonɔ kèwo lè èdɔa mèa, àgboɖiatɔwo kudo èhàjìtɔwo nɔ̀nà. Nène a ye mi mu la ɖèkɔ̀ lè miabe Mawu be mawuxɔa ŋuti ò.