Read gen Nèhemìa 4 Bible Online

Nèhemìa 4 - gen bible

Nèhemìa 4

¹Vɔ̀ wàlɛbɛ kè Sànbàlat, Tòbiyà, Arabìatɔwo, Amɔ̀nviwo kudo Asdɔ̀dviwo sè be èglìkpoa be jàjràɖo le yì ŋùkɔ̀, eye mi le tu èglìkpaa be tèpe kèwo ŋɔawoa, woa kpata wo do àdɔ̀mèze gã ɖe.

²Wo ɖogbèdu be yèwoa kpe àhùa kudo Yèruzàlɛm, ne tìtɔ̀ titɔ bèa va.

³Nène a, mi fã yɔ miabe Mawu eye mi ɖo èdɔajikpɔtɔwo ànyi lè ŋùkèkè kudo èzã kpata, ne woa dòmètɔ ɖekpe mu gbà va xa mi ò.

⁴Co gãkea, Yudàviwo le gblɔ̃ be: “Ènu le tìkɔ̀ na èdɔwɔ̀tɔawo, èkpe gbãgbãwo sùgbɔ ŋutɔ. Gbèɖe! Mi mu la teŋu trɔ jrà èglìkpo kèawo ɖo ò!”

⁵Eye miabe kɛ̃tɔwo susu be yèwo la bè kaka va kɔ̀ ɖo mia ji. Eye zè ɖèkaa, yèwo la jè mia ji, la crɔ̃ mi ne èdɔa bèa tɔtè.

⁶Yudàvi kèwo be àxue lè miabe kɛ̃tɔwo be nɔ̀pewo gbɔa, va sìa mi zè naɖe ɖo àfɔ̀ku kè lè àfɔ̀xa na mia ŋuti. Wo gblɔ̃ na mi be: “Mì trɔ va mia gbɔ!”[2]

⁷Ekèa ŋuti ye mù ɖè àhùakɔ̃wo ɖo èglìkpoa godo lè fikè wo la teŋu toa. Mù mã wo ɖo hɛ̃nu vòvòvò eye wo ɖo èwui, èhũa kudo àŋùdàtiwo.

⁸Mù yì kpɔ woabe tèpe kèwo wo lèa keŋu eye mù gblɔ̃ na cãmìwo, kòjoɖotɔwo kudo àmè kèwo lè funua be: “Mì mu gbà vɔ̃ mìabe kɛ̃tɔwo ò! Mì ɖoŋù be Tɔhonɔ̀ lòlò eye e ɖo ŋusɛ̃. E la wɔ̀ àhùa ɖo mìa nɔ̀viwo, ŋusùwo, nyɔ̃nùviwo, nyɔ̃nùwo ku mìabe àxuewo be tèpe.”

⁹Miabe kɛ̃tɔwo sè be nène ye mi nya eye Mawu na yèwo be ɖoɖo mu teŋu va e mè ò. Mi gbà trɔ yì miabe èdɔawo ji lè èglìkpoa be jàjràɖo mè.

¹⁰Vɔ̀ so gà ŋua mè kea, àmèwo be àkpa ɖèka kpò ye yì wɔ̀nà èdɔ lè èglìkpoa ŋuti. Àkpa èvègɔ̃a lena èhuãwo, àkpoxɔ̀nuwo, àŋùdàtiwo ku àkɔtakpoxɔ̀nuwo ɖo àsi sɔ ɖiana èdɔa. Èdɔa jikpɔtɔwo le le ŋùku ɖo Yudàvi,

¹¹kèwo kpata le jrà èglìkpoa ɖoa ŋuti. Àlɔ̀ ɖèka pɛɛ ye àmè kèwo le kɔkɔ ènu àlo le sɔ ènuwo le na a, sɔ le wɔ̀ èdɔa. Ɖo àhùawɔ̀nu lè àlɔ̀ èvègɔ̃a mè na wo.

¹²Biklɛ̀wo bla woabe èwuiwo ɖo ègo ji sɔ le wɔ̀ èdɔa. Ŋusù ɖèka kè lè gbèsɔ̀sɔɛ la ku àhùa kpɛ̃a, le kplɔ̀ mù.

¹³Mù gblɔ̃ na cãmìwo, kòjoɖotɔwo kudo àmè kèwo lè funua be: “Èdɔa gbà kpɔ̀tɔ̀ sùgbɔ lè èglìkpoa ŋuti gòdò. Mi ma ɖo èdɔa ŋuti eye mia dòmè dìdì so nɔ̀vi ɖe gbɔ yì nɔ̀vi bu gbɔ.

¹⁴Fikè mì lèa, ne mì sè èkpɛ̃a ɖìa, mì va bɔ̀ ɖo ŋuti nyè kaba. Eye miabe Mawu la wɔ̀ àvũa ɖo mia nu!”

¹⁵Nène a, mi tɔna èdɔa ji so fɔ̃fɔ̃mè, va wuna e nu èzãmè. Àmèwo be àkpa ɖèka lena àhùawɔ̀nu lè mia dòmè.

¹⁶Lè hùe ŋua nua, mù biɔ so èdɔjikpɔtɔawo si be woa nɔ dɔ̃ Yèruzàlɛm be èdùa mè kudo woabe sumɔ̃viwo. Ne woa teŋu nɔ ɖia mi èzã eye woa va yì èdɔa ji ŋùkèkè.

¹⁷Nyè ŋutɔ, nɔ̀viwo ku sumɔ̃viwo kudo àmè kèwo le ɖia mia, mi mu ɖènà miabe àwùwo ŋutɔ cã ò, sɔ wua, ne mia sɔ lèsì kpò ò.