Read gen TOBÌ 9 Bible Online

TOBÌ 9 - gen bible

TOBÌ 9

¹Gà ŋua mèa, Tobìa yɔ Rafàɛl eye e gblɔ̃ na ɛ̀ be:

²«Àzarìa, nɔ̀vi nyè, kplɔ̀ sumɔvi ènè ku èsɔkpotɔnɔ̀ èvè eye wòa ɖota Ragùɛs,

³yì Gabàɛl gbɔ, sɔ ɖase xomaa na ɛ̀ eye gbìgbɔ̀ xɔ̀ ècia, e yomèa, trɔ gbɔ̀ ne wòa kplɔ̀ Gabàɛl bɔ̀ ɖo ŋuti va na èsrɔ̃ɖèɖe be àzãa.

⁴Wò nya nyuɛ̃ɖe be ètɔ nyè mu le jìjɔ ŋùkèkèwo be xɛ̃xlɛ̃ ò. Ne mù ci ŋùgbe ŋùkèkè ɖèka pɛa, ma do è ŋuzĩzĩtɔ ŋutɔ. Lè go bu mèa, wò kpɔ be Ragùɛl kã àtãŋu sɔ gblɔ̃ ɛ̀: nyè mu la teŋu dà yebe àtãŋukãkã ji ò.»

⁵Rafàɛl jè èmɔ ku sumɔvi ènè ku èsɔkpotɔnɔ̀ èvè yì Ragùɛs lè Medìa eye e zɛ̃ Gabàɛl gbɔ. E sɔ yebe ɖase xomaa na ɛ̀ eye e gblɔ̃ na ɛ̀ be Tobìa, Tobì be èvia, ɖè èsrɔ̃ eye e le kpe wò va èsrɔ̃ɖèpea. Gabàɛl tɔ kòtòkuwo xɛ̃xlɛ̃ na ɛ̀: woabe ènutrenua gbà lè woa ŋuti, eye wo dro wo ɖo èsɔkpotɔnɔ̀awo ji.

⁶Wo jè èmɔ ɖodu lè fɔ̃fɔ̃mè fùtù eye wo yì èsrɔ̃ɖèpea. Wo va ɖo Ragùɛl xomè eye wo kpɔ Tobìa lè èkplɔ̃a ŋuti. E sitè piam eye e dogbè na Gabàɛl, kè tɔ àvifãfã eye e pòɖɛ̀ na ɛ̀ ku ènyà kèawo be: «Èvi ɖɔ̀hũi jɔ̀ so àjìtɔ ɖɔ̀hũi, kè lè jɔ̀jɔɛ gbà lɔ̃nà àmèa mè. Tɔhonɔ̀ ne sɔ jiŋùkusi be ɖàgbèa na wò, èwò ku èsrɔ̃ wò, kudo èsrɔ̃ wò be ètɔ ku ènɔa! Wo ne mlã Mawu, ɖoa e lè sìgbè nɔ̀vi nyè Tobì àmètia ŋutɔ mù le kpɔ nène.»