Read gen Toto jo 10 Bible Online

Toto jo 10 - gen bible

Toto jo 10

¹Tɔhonɔ̀ gblɔ̃ na Mosè be: “Yì Faraɔ̀n be àxomè, ɖoa, ènyè ye na be ye ŋutɔ ku yebe ŋutimewo be ètamè sɛ̃ŋu, àleke be ma ɖè jèsìdo nyèwo fiɔ, lè woa dòmè,

²eye, ne èwò yaa, wòa gblɔ̃ ènu kèwo mù wɔ̀ ku Ejiptèviwo, ku jèsìdo kèwo mù ɖè fiɔ lè woa dòmèa na èvi wò ku èvi wò be èviwo. Eye mìa nya be ènyè ye nyi Tɔhonɔ̀.”

³Mosè ku Arɔ̀n yì Faraɔ̀n be àxomè, eye wo gblɔ̃ na ɛ̀ be: “Tɔhonɔ̀, miabe Mawu gblɔ̃ be: 'Kaka na wàlɛbɛ kɛ ye wò la kpɔ̀tɔ̀ nɔ gbe be wò mu la bɔ̀bɔ̀ ɖokoe wò na mù ò? Ɖè àsi lè dùkɔ̃ nyèa ŋuti, ne bèa yì sɛ̃ mù.

⁴Ne wò gbe kpò be yè mu la ɖè àsi lè dùkɔ̃ nyèa ŋuti, ne bèa yì ò a, mù la na hùesuviwo la va àpo ànyigbã ji èsɔ̀.

⁵Wo la cɔ̃ èdùa kpata ji, àleke be, ànyigbã mu la gbà ze ò. Wo la ɖù ènu kpɔ̀tɛ kèwo èsìkpea gble dà ɖɛa. Wo la ɖù mìabe àti kèwo gbà le mìɔ̃, lè àgblèwo mèa.

⁶Wo la ɖɔ àxue wòwo, ŋutime wòwo be àxuewo ku Ejiptèviwo kpata be àxuewo mè, ènu kè ètɔ wòwo, ètɔ wò be ètɔwo mu kpɔ gbèɖe kpɔ, so kaka wàlɛbɛ kè wo nɔ̀ ànyigbã kèa ji, kaka va na fifì ò a.” Eye Mosè trɔ jo lè Faraɔ̀n gbɔ.

⁷Faraɔ̀n be ŋutimewo gblɔ̃ na ɛ̀ be: “Kaka na wàlɛbɛ kɛ ye ŋusù kèa la nyi èmɔ̀tetre na mi ò? Ɖè àsi lè àmèawo ŋuti, ne woa yì sɛ̃ Tɔhonɔ̀, woabe Mawu a. Wò mu lè kpɔ hàɖe be Ejiptè be èdùa le gbã ò a?”

⁸Wo trɔ yɔ Mosè ku Arɔ̀n va Faraɔ̀n gbɔ, eye be gblɔ̃ na wo be: “Mì yì! Mì yì sɛ̃ Tɔhonɔ̀, mìabe Mawu a. Vɔ̀a ɖe, àmè kɛ ku àmè kɛwo ye la yì ò?”

⁹Mosè ɖo e ŋuti be: “Mi la jo ku miabe èviwo, kudo miabe àmè sĩsĩwo, mi la kplɔ̀ miabe ŋusùviwo, ku mìabe nyɔ̃nùviwo ɖo àsi. Mi la kplɔ̀ miabe àlɛ̃wo ku miabe ènyìwo ɖo àsi, ɖoa, àzã be nyi, mi ji la ɖù na miabe Tɔhonɔ̀a.”

¹⁰E ɖo e ŋuti na wo be: “Tɔhonɔ̀ ne nɔ̀ ku mì, ne mù ɖè àsi lè mìa ku mìabe èviwo ŋuti, be mìa yìa! Mì mu kpɔ be susu vuɛ̃ ye lè èta mè na mì ŋua òa?

¹¹Mu la nyi nènea ò! Ekè ènu kè mì le jia ye nyi ekèa, mìa, ŋusùwo, mì yì sɛ̃ Tɔhonɔ̀a!” Eye wo nyà wo to, so Faraɔ̀n gbɔ.

¹²Tɔhonɔ̀ gblɔ̃ na Mosè be: “Drɛ̃ àlɔ̀ ɖo Ejiptè be ànyigbã a ji, ne wòa yɔ hùesuviwo. Wo ne va cɔ̃ Ejiptè be ànyigbãa ji! Wo ne ɖù ègbe kèwo keŋu lè ànyigbãa jia, ekèwo èsìkpeawo gble dà ɖɛa!”

¹³Mosè kɔ yebe àtikplɔa ɖo Ejiptè be ànyigbã ji, eye Tɔhonɔ̀ ɖo èwèzɛ̃pe be àya sɛ̃sɛ̃ ɖe pò ɖo Ejiptè be ànyigbã a ji, ŋùkèkè ŋua ku èzãa kpata mè. Ekè èŋù kèa, èwèzɛ̃pe be àyaa kplɔ̀ hùesuviwo va èdùa mè.

¹⁴Hùesuviawo zrò, jè ɖo Ejiptè be ànyigbã a keŋu ji; wo sùgbɔ àleke be mu jɔ̀ lekea kpɔ, eye mu la gbà va jɔ̀ nènea gbèɖe ò.

¹⁵Wo zrò cɔ̃ Ejiptè be ànyigbã a keŋu ji, àleke be, èdùa mè keŋu cɔ̃ vĩi! Wo ɖù ègbe kèwo keŋu lè ànyigbãa jia, ku àtikusɛ̃sɛ̃ kèwo keŋu kpɔ̀tɔ̀, lè èsìkpea yomè a. Lè èdùa mè kpataa, àmàkpa mumu ɖekpe mu gbà kpɔ̀tɔ̀ lè àti ɖe ji, lè gbàjà ji do àmàwo dòmè ò.

¹⁶Faraɔ̀n ɖèbla yɔ Mosè ku Arɔ̀n, eye be gblɔ̃ na wo be: “Mù jè àgɔ̀ do Tɔhonɔ̀, mìabe Mawu a, eye mù gbà jè àgɔ̀ do mìawo cã.

¹⁷Fifìa, mìa tɔ̀ jɔ̀; mì gbà sɔ àgɔ̀ nyèa kè mù ke, eye mìa ɖèkuku na Tɔhonɔ̀, mìabe Mawu a, ne bèa ɖè èku kèa jo lè gbɔ nyè.”

¹⁸Mosè to lè Faraɔ̀n be àxomè, eye be fãkue na Tɔhonɔ̀.

¹⁹Tɔhonɔ̀ trɔ àyaa zũ èwèɖoxɔ̀pe be àya sɛ̃sɛ̃ ɖe, kè kplɔ̀ hùesuviawo jo, tùtà plãŋùpòfɛ̃ be àpùa gbɔ lɔ̀ge. Hùesuvi ɖekpe mu gbà kpɔ̀tɔ̀ lè Ejiptè be ànyigbã a ji ò.

²⁰Vɔ̀a, Tɔhonɔ̀ na be Faraɔ̀n be èjì gbà sɛ̃ŋu kpe è, eye mu ɖè àsi lè Izràɛlviwo ŋuti, ne woa jo ò.

²¹Tɔhonɔ̀ gblɔ̃ na Mosè be: “Vlũ àlɔ̀ ɖoɖa jiŋùkusi. Vìvìti ne do lè Ejiptè be ànyigbã a keŋu ji, vìvìti cicri kè la na be wo la sɔ àlɔ̀ nɔ ji èmɔ̃a.”

²²Mosè vlũ yebe àlɔ̀wo ɖoɖa jiŋùkusi, eye kaka na ŋùkèkè ètɔ̃a, vìvìti cicri do lè Ejiptè be ànyigbã a kpata ji.

²³Ŋùkèkè ètɔ̃ sɔ̃ŋua, àmè ɖekpe mu teŋu kpɔ nɔ̀via, àlo, teŋu hùã lè tèpe kè be lèa ò. Vɔ̀a, Izràɛlviwo yaa, ɖo kɔ̀kɔ̀ɛ lè woabe nɔ̀pe.

²⁴Faraɔ̀n yɔ Mosè, eye be to na ɛ̀ be: “Fifìa, mì yì sɛ̃ Tɔhonɔ̀, mìabe àlɛ̃ ku mìabe ènyìwo la ci ànyi. Vɔ̀a, mì teŋu kplɔ̀ mìabe èviwo ɖo àsi.”

²⁵Mosè ɖo e ŋuti be: “Gbèɖe! Wò ŋutɔ ye la na mi vɔsanu ku èlã kèwo mi la sɔ savɔ na Tɔhonɔ̀, miabe Mawu a?

²⁶Miabe èlãhawo la yì ku mi, eye èlã ɖèka tètè mu la ci ànyi ò! Ɖoa, woa dòmè ye mi la cã èlã kèwo mi la sɔ savɔ na Tɔhonɔ̀, miabe Mawu a lè. Miawo ŋutɔ cã, mi mu la nya ènu kèwo mi la sɔ savɔ na Tɔhonɔ̀a, keŋu gbɔ̀xue mi la ɖo funua ò.”

²⁷Vɔ̀a, Tɔhonɔ̀ na Faraɔ̀n be èjì trì, eye mu lɔ̃ be yèa ɖè àsi lè woa ŋuti, ne woa yì ò.

²⁸Faraɔ̀n ɖo e ŋuti na ɛ̀ be: “Bu lè fikèa! Nyè mu gbà le ji la kpɔ àpo ŋùmè ò. Gbè kè gbè wò la gbà va ŋùmè na mùa, wò la ku!”

²⁹Mosè ɖo e ŋuti be: “Yòo! Sìgbè lekè wò gblɔ̃ ɛ̀ nènea, nyè mu gbà le ji la va àpo ŋùmè ò.”