Read gen Yɔb 18 Bible Online

Yɔb 18 - gen bible

Yɔb 18

¹Bildàd so Cuhà sɔ ènyà gblɔ̃ be:

²Gà kɛ mè ye mì la jìjɔ mìabe ènyà viviwo ò? Mì kpɔ ènua nyuɛ̃ ɖe ne mia gblɔ̃ ènyà.

³Nukɛ ŋuti ye mì le kpɔ mù sìgbè èlã nène ò? Mù ɖì sùkunɔ̀ ye à?

⁴Yɔb, wò le ɖiki ɖokoe wò lè àdɔ̀mèze mè. Lè gbɔ wòa, wo la hà ɖo ŋuti wò la gble èdù ɖe dà ɖɛa, àkpã ɖe ŋutɔ la teŋu ɖɔ̀lì tèpea?

⁵Ɛ̃ɛ, àmè bàɖà be kɔ̀kɔ̀ɛa la bu, yebe èzò be bìbia nu la ci.

⁶Kɔ̀kɔ̀ɛ ɖiɖina lè yebe àxomè, kãligbɛ̃ la ci ɖo èta na ɛ̀.

⁷Sãa, e zɔ̃nà kudo kãkã ɖoji, fifìa, e le zɔ̃ ɖèka-ɖèka. Eye yebe susuwo na mu gbà le likè ò.

⁸E gɛ̃ jè èɖɔ mè, èɖɔ-ŋùkuviwo baka àfɔ̀wo na ɛ̀.

⁹Èmɔ̀ fɛ̃ le àfɔ̀kpoji na ɛ̀ eye e tu ɖo e ji kpãŋu.

¹⁰Ènu kè la le èa, wla ɖo ànyigbã a mè. Èmɔ̀ kè mè be la jèa, lè èmɔ̃a ji na ɛ̀.

¹¹Vɔ̃vɔ̃ so ègo ɖekpekpe mè le jè e ji eye vɔ̃vɔ̃a kplɔ̀ ɛ̀ do le yì.

¹²Ŋusɛ̃ lè e ŋuti sãa, fifìa àdɔ̀ le wù ì, gbledo ye lè àfɔ̀xa na ɛ̀.

¹³Èdɔ̀ ɖe le ɖù ŋutilã na ɛ̀. Èku la xɔ̀ àfɔ̀wo lè e si zãa ɖe.

¹⁴Wo la gbĩ ì xɔ̀ lè yebe àxomè, fikè be lè tomè fàfa mè lèa, eye wo la kplɔ̀ ɛ̀ yì èkuwode be èfìɔa gbɔ.

¹⁵Àmè ɖe la teŋu nɔ̀ yebe àxuea mè, mu gbà nyi e tɔ̀ ò, wo la tɔzò yebe ènu zãzãwo.

¹⁶Nène a ye be la ku sìgbè àti nène, yebe èkèwo la ku lè gɔ̃mè eye yebe àmàkpawo la yrɔ̀ lè èji.

¹⁷Àmèwo mu la gbà ɖoŋùku e ji lè èdùa mè ò, yebe nyikɔ la gũ lè ànyigbã ji.

¹⁸Wo tùtù ì lè kɔ̀kɔ̀ɛ mè yì vìvìti klìko mè, wo nyà ɛ̀ lè ànyigbã ji.

¹⁹Èvi ɖe mu lè e si, la nɔ̀ e tèpe lè yebe xòmè mè ò, àmè ɖe mu la ci àgbè lè yebe àxuedo a mè ò.

²⁰Ènu kè le wɔ̀ ɛ̀a, wɔ̀ ŋùdã na àmè sia àmè. Àmèwo kpata le hũhũ so èwèzɛ̃pe yì èwèɖoxɔ̀pe.

²¹Wo le gblɔ̃ be: “Mì kpɔ lekè àmè bàɖà yà kudo yebe xòmèa trɔ ɖa. Nyàwo! Nène ye àmè mànya Mawu trɔna!”